انشراح الفجر مشكوره على المناقشه

بس في مطاوعه الى الحين معقدين وكل شي عندهم حرام انا ماقول كلهم طبعا البعض مو كل ملتزم شين هناك الزين والشين
اشكرك على مرورك العطر ..

والله ذكرتني بنفسي لما اتقدم لي شخص ملتزم كان دوبه متعين استاذ جامعي اتصلت على اختي ابكيييييي
اقول مابغاه
تقولي ليش اقولها ثوبه قصير مره وشكله ماينفع مو ستايل وهيا تحاول تقنعني تقولي عادي اقنعيه بعدين يطول ثوبه
بس صراحه كانت فكرتي غلط لان المتدين نعمه مو نقمه لانه راح يعينك على امور دينك
يعطيكـِ العافيه ريم

ماهو كل من له لحية مطوع او متشدد في الدين ولا كل من حلق لحيته إنسان متساهل او غير ملتزم !
أتذكر فيه مدرس كان يسألنا يقول عندكم تلفزيون ؟! نقوله ايه !
يقول التلفزيون خراب كل بيت
قاله واحد من الطلاب يعني يا استاذ يعني اروح وابيعه بالحراج !
قال له لا لو بعته في الحراج راح تكسب اثم اللي يشتريه ويتابعه !
الحل انك تجيب شاكوش وتكسره
قلنا يا استاذ احنا مانتابع الا القناة الاولى وكلها برامج دين وقناة ملتزمة
قال اللي تقدمه القناة الاولى من برامج دينية نقطة في بحر

وسبحان الله يجي بعده مدرس دين أخر لكن على النقيض تماما جدا مثقف ومنفتح الواحد يستمتع معه وبسوالفه وعلى فكرة الحين هو مقدم برامج بقناة الرسالة وسابقا كان بقناة المجد

اللي بغيت اوضحه ان مو شرط ان كل ملتحي هو متشدد جدا بالدين ويحرم على اهله كل شئ مباح واصابع اليد مو سوى

يعطيك العافية

[IMG]http://abeermahmoud.******.com/337-welldone.gif[/IMG]

اختي ريـــم ..

أشكرك جزيل الشكر لإتاحة الفرصه لمناقشة

هذا الموضوع الحساس << بتفش غلّها

شوفي بالنسبه لي أنا فأنا أكيد أرفض رفضاً قاطعا

أني أتزوج من ملتزم ليس تقليل من شأنهم والسبب .....

أول شي الحين صراحه نادر ما تشوفين إنسان ملتزم

فعلاً مو من ناحية المظهر فقط يعني كثير نشوف رجال

يقصروا الثوب ويطولوا اللحيه .. لكن هل كل من قصر الثوب

وأطال اللحيه يعتبر ملتزم ؟؟؟ هنا المشكله

كثير رجال (( هداهم الله )) يقصروا الثوب ويطولوا اللحيه

ولكن هم أبعد مايكونون عن الدين .. (( شوهوا صورة الملتزمين ))

يعني : يظلم - يقصر على زوجته مادياً - يمنعها حتى تزور أهلها

وبعضهم حتى ما يحافظ على الصلاه في المسجد - وأول شيء

يطبقه من السنه هو أنه يعدد في الزوجات .. وياليته يعدل بينهم

لا تعتبري كلامي مبالغه لأني صادفت نساء كثر ويعانوا من هذه

المشكله .. يعني مو كل من قصر ثوبه وأطال لحيته ملتزم ؟؟

ولا كل من لم يقصر الثوب ويطيل اللحيه يتعتبر فاسد ..!!!

أنا برضوا صادفت بنات أزواجهم مو ملتزمين لا مقصرين الثوب

ولا مطيلين اللحيه وعلى كذا ماهو مقصر على زوجته بأي

شيء وعايشه معاه في قمة السعاده ..

وعشان كذا البنت ترفض تتزوج بملتزم لان قله من الرجال

يعتبرون فعلاً ملتزمين ظاهراً وباطناً ،، ولا الأغلبيه ماخذ الإلتزام

كشكل فقط .. فلا تلومي البنات


وآسفـــــه ع الإطاله