السلام عليكم ورحمتة الله وبركاتة

اخواني الكرام لن اطيل عليكم

انا اسمي احمد كنت مجتهد في دراستي الثانوية ولقد حصلت على نسبة 94.68% علمي
وكنت طموحا جدا اختلفت توجهاتي هل التحق بالجامعة او احد الكليات العسكرية
لكن لا تلك وتاك .
التحقت بجامعة ام القرى كلية العوم الطبية تخصص طب المختبرات بشهادة البكالريوس
لكن للاسف لم اجتاز السنة لعدم المذاكره بسبب نفسيتي وكرهي للدراسة
كنت اريد ان افصل منها لكن اصرار اهلي على اجباري بتكملة الجامعه
ثم حولت الى كلية الهندسة ونفس الشي لكم اكمل السنة كاملة ووفصلت
والان انا على ابواب احد القطاعات العسكرية الامن العام برتبة جندي
وانا خايف بالفعل ان اتركها كما تركت التي مضت
والله يلعم اني طموح

مشكلتك نفسية اخوى حاول تعالج نفسك لان المشكله فيك

بتوفيق

شوف أحمد .. أنا مريت بتجربة مشابهة لتجربتك ..

أنا توظفت مدرسة في مدينة غير مدينتي .. و كان مقر عملي في مدينة مو في قرية و كان الراتب عالي و كل شي تمام و كل شي كان متوفر لي يعني ظروفي كانت مثالية و كانت أمي و أختي معاي مو لوحدي و أخوي يزورنا كل أسبوعين مع عايلته و كل الناس كانو يقولون مالها سنة متخرجة و تعينت على طول ..

بس ما قدرت أكمل و جاتني كآبة .. و كل الناس كانو يضغطون علي عشان أجلس في وظيفتي بس أنا ما قدرت .. قدمت أستقالتي و رجعت لمدينتي .. ما تتخيل الشعور بالفشل إلى كنت أحس فيه مع أني كنت مصرة على الوظيفة و أهلي كانو معارضين و بعد مشاكل رضو أني أروح و بعد ما رحت قدمت أستقالتي بعد شهرين ..

المهم .. بعد ما أستقلت أحساسي بالفشل و الهزيمة ما ينوصف قلق و كآبه .. بعد مده جلست مع نفسي و فكرت .. لمتى راح أكون أنا أسيرة لهذي التجربة الفاشلة لمتى راح أقعد أفكر فيها لمتى راح أقول ياليت و يا ليت .. خلاص كفايه .. هذي تجربة سيئة و مريت فيها و تعلمت منها و خلاص أنتهت .. كل شي له مدة زمنية و ينتهي .. هذي الوظيفة و مشاكلها لها عندي مدة زمنية و مدتها الزمنية أنتهت .. لازم أبدء صفحة جديدة و أغير طريقة تفكيري ... و بديت و قدمت على أماكن كثيره .. و الحين أنا مشاء الله موظفة في موبايلي ..

و إلى ساعدني أكثر شي بعد الله على أني أخرج من هذي الحاله هم أهلى .. الحمد لله و مشاء الله كانو يقولون لي خلاص أنسي و كانو يحاولون يرفهون عني و ما قصرو معاي الله يخليهم لي .. و كانو يقولون لي خلاص لاعد تتكلمين في هذا الموضوع ..

أسفة .. طولت عليك .. بس لأني عارفة كيف أحساسك الحين ...

أحمد ... لازم أول شي أنك تقعد مع نفسك و تحلل و تفسر ليش أنت فشلت في ذيك التجربتين و تكون صادق مع نفسك ( لأنك ما راح تقدر تبدأ مرحلة جديدة إلين تفهم إيش الشي إلى صارلك و خلاك تفشل ) و لو كان عندك أحد من أهلك يساعدك و تتناقش معاه و تقوله أنا فكرت و طلع معاي كذا و كذا أنت أيش رايك ؟ يكون أحسن ..

و بعد ما تكون وضحت عندك الصوره عن هذي التجارب ... و هذي أهم مرحلة .. تاخذ منها الأشياء الإيجابية و ترمي ( فعلياً ترمي ) كل الأشياء السلبية و لا عاد تفكر فيها .. و تصفي ذهنك منها .. بحيث لو أنك في أي مرحلة من مراحل حياتك القادمة تذكرت هذي التجارب .. تتذكر بس الأشياء الإيجابية .. لأنه السلبية أنت تخلصت منها من زمان ..

و بعد كذا .. أبدأ و بكل رحابة صدر صفحة جديدة مع نفسك و سامح نفسك و كمان راضي نفسك .. يعني روح لمحل حلو و أشتري لنفسك حاجة حلوه .. هديه لنفسك لأنك تستاهل لأنك قدرت أنك تفهم نفسك أكثر .. و إذا قدرت ترجع للدراسة أرجع أحسن لك و إذا كنت حابب تتوظف ما في أي مشكله و تقدر تكمل دراستك و أنت عسكري ..

أنا خالي دخل العسكرية و هو صغير في السن و ماكان معاه إلا الأبتدائية و بعد سنوات في العمل و بعد ما صارو عياله في الثانوية رجع كمل دراستة المتوسطة و الثانوي و الجامعة و ترقى في عملة ... ما في شي يقدر يمنعك إلا نفسك ..

طولت عليك و كثرت الكلام ... بس أتمنى تكون أستفدت .. نصيحة أخيرة .. في كتاب أسمة ( سكينة الروح : صفاء العيش في حلو الأيام و مرها .. للكاتب . بيرم كروسو ) من مكتبة العبيكان , كتاب رائع بكل معنى الكلمة وراح يفيدك ..

و إن شاء الله ربي يساعدك و يوفقك .. و أي أستفسار أنا حاضره .. ما يردك إلا الكيبورد هههههه

اختي والله كلامك عسل
وش اسوي محتار
المشكلة امي مو متعلمة وابوي نفس الحاله
يبون اي وظيفه اكون فيها
وما عندي ناس تساندني
بالعكس هم لو ادخل الجيش عادي
لكن طموحي عالية
والله محتار خايف اسيب الامن العام برتبة جندي وابي كلية عسكرية اكون فيها ظابط

أخوي أحمد .. سندك و عزوتك الله سبحانة و تعالي ... و دائماً أدعي أن الله ينور بصرك و بصيرتك .. قول آمين ..

و الصراحة شي حلو أنه يكون طموحك عالي .. و إن شاء الله تحقق طموحك .. و الأنسان الطموح يقدر يحقق نفسة في أي مكان .. أهم شي تخلي خياراتك مفتوحة ...

أما بالنسبة لموضوع أيش تختار هل وظيفة الجندي في الأمن العام أو الكلية العسكرية ؟

أنت وازن الأمور في عقلك .. يعني إذا أنت شايف أنه نسبتك و شروط الكلية العسكرية تنطبق عليك و في أمل أنك تنقبل فيها .. قدم و إن شاء الله يقبلونك .. و إذا أنت شايف أن وظيفة الجندي أنسب لك خلك فيها .. لأن ممكن تقدم على الكلية و ما يقبلونك ... و تكون ضيعت عليك الوظيفة .. والله نفسي أفيدك أكثر بس ما أعرف أي شي عن الوظايف العسكرية ..

بس عندي سؤال .. هل إذا قدمت على وظيفة جندي و قبلوك فيها يعني خلاص صرت جندي تقدر تقدم على الكلية العسكرية و تحول من جندي إلى الكلية العسكرية و لا لا ؟

لأنة لو كنت تقدر تقدم و أنت جندي تكون ما خسرت شي .. يعني لو جاتك تقدر تحول و إذا ما جاتك .. قد أنت عندك وظيفة ...

أحمد ..... الله يوفقكو يسدد خطاك ...

زي ما قلت لك أحمد ... عندك أي أستفسار أنا حاضره ...

انا انصحكم بالاستختارة جميعا وقراءة الاذكار والتحصين لان في هذا الزمن كثر الحسد والشر للناس المتوظفة

الله يحمينا واياكم من العين والحسد

والله ياخ احمد صدقني


ماراح تنفعك الا دراستك


كمل دراستك باي شي دبلوم اي تخصص

بس اهم شي يكون معك شي فوق الثانوي

لان الثانوي الحين ماتوكل عيش





الا اذا انت تبي العسكريه وتبي تصير جندي وتقعد على رتبتك الين ربك يفرجها فهذا شي راجع لك


لكن اذا تبي نصيحه اخو كمل دراستك وطوّر من نفسك لان بعدين راح تجني التعب الي سويته من الحين




من يتعب صغيرا يرتاح كبيرا ومن يرتاح صغيرا يتعب كبيرا


والقرار الاول والاخير لك


والله يوفقك ويكتب لك الاصلح


تقبل مروري وردي

الله يوفقكم يا اخوان على نصائحكم
والله فوق راسي
يا عسل ربي يخليكم ويفرج همكم اللي فرجتوا همي

اللهم انت ربي لا اله الا انت استفرك واتوب اليك يا ارحم الراحمين

أحمد أنا كمان رأي من رأي الأخ حمود .... كمل دراستك أضمن لك لأنها شي معاك في يدك..

الله يوفق الجميع لما يحب و يرضى ....

يا أخي حرام عليك المسألة ما يبغالها تفكير
ابعد عن الأمن العام
ابعد عن الأمن العام
ابعد عن الأمن العام
خصوصا برتبة جندي وأنت معاك الثانوي وكمان علمي ونسبة عالية
لا تضيع نفسك ـ نصيحة من مجرب ـ
اجعل دراستك الجامعية همك الأول والأخير ـ وإن كان على الوظيفة
تقدر تدرس إنتساب بالملك عبدالعزيز وفي نفس الوقت تشتغل في أي شركة