السلام عليكم ورحمة الله وبركاته
اول شي اكثر القطاع الخاص موظفين اجانب وبرواتب عالية ولا ينظرون الى السعودي الا نظرة استحقار لان السعودي الذي لايملك دخل يعتبر مهان في بلدة لهذا السبب ينظرون اليه وبعدين تعال شوف من هو مدير مكتب العمل بجدة قصي فلالي من وين اصله بالله عشان يهتم بمشاكل السعوديين لاكن حسبنا الله ونعم الوكيل وانشالله تزين امورنا لان الله سبحانه هو مالك الملك راح يغير من وضعنا

ايه والله صدقتو حسبنا الله ونعم الوكيل يعني حرام 9 او 10 ساعات ومع كذا رواتب متدنيه ومعامله
زي الزفت بس لانك سعودي مع ان الخير اللي هم فيه هالاجانب من خيرنا بس طبعا مايعترفون بهالشي
وهم اللي متحكمين بالشركات ومكتب العمل كذابين مايسوون اي شئ وياخذون رشاوى علشان يسكتون
والمشكله لاصف معهم المدير السعودي ضدك علشان مصلحته والموظف الاجنبي اهله مو وياه اغلبهم
علشان كذا مايستأذن كثير من الدوام فمايهمه الساعه كم يطلع من الدوام غير كذا رواتبهم خياليه مايحلمون
بربعها غير البدلات

حنى بنتظارك ومن عندي 15 شخص
شـكرا لك وبارك الله فيك... لك مني أجمل تحية .

اوكيه شباب اليوم بأذن الله راح ارفق الخطاب مع الرقم الى اي أستفسار ياشباب كل واحد ينقل الموضوع الى خوياى. شكرا لكم جميعا وبتوفيق الى الجميع.

الأيميل شباب هو
majed_166@hotmail.com

üتقليص عدد ساعات العمل في القطاع الخاص من ثمانيه وأربعين ساعة الى أربعين ساعة سواء كانت الشركة متعاقده مع أرامكو او لم يسبق لها التعاقد، دون الإخلال بالراتب او البدلات.


لي ملاحظه على النقطه هذي ..

1- وهي لما تم ذكر أرامكوا فقط .. والاولى ان يقال عن كل الشركات والبنوك وغيرها بالسعودية . لأن المشكله عامه وليست فقط لموظفي أرامكو أو الشركات المرتبطة بها ..!!!
فمنذ هذه اللحظه تعتبر هذه المطالبه خاصه بأرامكو . ويجب تغييرها لتشمل نظام العمل بالقطاع الخاص السعودي


ثانياّ : تمنيت لو يتم اضافة .. ( مشكلة ساعة الغداء ) الاجباريه والتي لانحتاجها لأننها نبقى بالمكاتب .
فالشركات تفرض على الموظفين هذا البريك ولا يوجد وقت أصلاّ للخروح والعوده لتعارض البريك مع -صلاة الظهر و الزحمات بالشوارع- وبإضافة هذه الساعه الاجباريه صار الدوام9 ساعات بالمكتب ,,
ونص ساعه ايضا قبل و أخرى بعد الدوام بسبب الزحمات فصار الانسان يعمل 10 ساعات وزياده .فمن المهم تضمينها بالخطاب .ليكون الخطاب مشروعاّ

موفق بإذن الله ... لك مني أجمل تحية .

أخوي محمد
كلامك صحيح بس اول نقطه ذكرتها انت والى هي تخص أرامكو فأنا معاك بس أرجع وأقولك انا الخطاب هذا فقط شي مبدئي من شان انت ما تجي وتوقع على شي ما تعرف وش موضوعه صح. والمطالبه راح تكون الى الجميع وليس الى الشركات المتعاقده مع أرامكو حنا مطالبنا هي تقليل عدد ساعات العمل الى جميع القطاع الخاص النقطة الثانيه حنا مجبورين على وقت البريك لان أكثر الشباب يبونه في العمل ولا نقدر نعترض عليه او نطالب فيه بينما عدد الساعات الطويله ومعدلها 48 ساعه في الأسبوع الجميع معترض عليها بأختصار وقت البريك يكون بينك وبين الشركة تفاهم تشتغل لبريك او لا.
شكرا لك أخوي محمد والله يوفقنا انشاء الله

لعتيبي .. شكراّ جزيلاّلك ولجهودك ..

بخصوص بريك الغدا لو تم إلغائه ..فبيقلص ساعات الدوام من 9 ساعات الى 8 ساعات .

والي أشوفه بالدوامات .. ان اكثر الموظفين ..يطلبون الغدا بالمكاتب وهو على رأس العمل . وقليل جداّ الي يطلع برا . وأقول ذلك عن تجربة عمل في بنكين وشركه

اعتقد اخوي ان هالنقطه جديره بالنقاش

لأني منب فاهم بالظبط مطلبكم فقولكم هو ان علمكم 48 ساعه بالاسبوع قسمة على 5 ايام تساوي 9 ساعات وكسور

وهو ماتعمل عليه معظم الشركات وهو مشمول بالبريك عندي

ولكن لو تم الغاء البريك وكان العمل الاسبوعي 40 ساعه بقسمة على 5 تساوي 8 ساعات وهو مطلبنا جميعاّ ولكنهم يجبروننا على البريك



بالمختصر انا وكل موظفي البنوك والشركات نعمل من 9 الصباح الى6 المغرب
والبعض الاخر يعمل من 8 الى 5 .. واتمنى تلغى هالساعه وتكون ساعات الدوام من 9 الى 5 ,, او 8 الى 4

وبإذن الله سأتمكن من التحصل على العديد من التوقيعات من مختلف القطاع الخاص وكذلك نشر الفكره بالمنتديات والفيس بوك وستشمل شريحه واسعه جداّ من موظفي القطاع الخاص .