المفروض حتى السيدات .

كل ماقدمت على وظيفة الدوام لين 5 او 4 متى اسوي اشغالي .
المفروض يحددون و خاصة للبنات يخلون 2 هههه

مو لازم نداوم من 9 نداوم من 7 او 8

الله ييسر للجميع

اشكركم جميعا على تفاعلكم بالموضوع وساعات العمل لدى القطاع الخاص من اهم المشكلات الي نواجهها جميعا
والله العظيم ارهاق وتعب ونكد وهم
انا ساكن بجنوب الرياض واداوم بشركة تبعد عن البيت 60كيلو بطريق الدمام خلف استداد الملك فهد بالفحص الدوري يعني 60 كيلو رايح و 60كيلو راجع البيت لو تحسبها تطلع 120كيلو باليوم يعني راتبي كله يروح بزيت السياره وتصليحها
اصحى من النوم الساعه 6 و اطلع من البيت الساعه 6ونصف واوصل بالدوام الساعه 8 الا ربع او 8تماما على حسب زحمة الطريق وتوقف السير
غير كذا الدوام 8ساعات غير البريك يعني 9 ساعات يكون من الساعه 8 الى الساعه 5العصر واوصل البيت الساعه 6ونص ولو اغيب عشر دقايق يخصمون من راتبي حسبي الله ونعم الوكيل
والخميس من الساعه8 الى الساعه3 العصر دوام الخميس مامنه فايده تأخير ساعاته من دون اهميه لا نرتاح ولا نجلس مع الاهل ولا تقدر تأهل نفسك كل يوم تنام وتشيل هم الطريق والدوام
ودي بس يخلون الدوام من 8الصبح الى 4 العصر والخميس اووف نريد من وزارة العمل تحسين اوضاعنا زينا زي اي موظف بالقطاع الحكومي مانبي ساعة البريك كل واحد يجيب معه فطوره ويفطر بدوامه ويرجع بيته الساعة 5 ويتغدا مع اهله


ياليت نكون يد وحده وما نسكت على هالشي هذا حق من حقوقنا كمواطن سعودي مانريده هو:

1- نريد تحسين اوضاعنا وتقليل ساعات العمل 8ساعات يوميا او 7ساعات مع البريك يكون اجمالي الساعات 8ساعات يوميا

2-الغاء دوام يوم الخميس للموظف السعودي

3-عدم الخصم من الراتب لسبب التأخير عشر دقايق او ربع ساعة عن الدوام ومراعاة ظروف الموظف

4- زيادة الرواتب ان يكون الحد الادنى للراتب الاساسي 3000ريال دون البدلات هذا قرار من خادم الحرمين الى الان ماتطبق ولا شفناه


حسبي الله ونعم الوكيل وربي جتني حالة وسوسه ياااااااااارب صبرك

موفق بإذن الله ... لك مني أجمل تحية .

بصراحة حينما سألت موظف الاستقبال عن صيغة الخطاب الموجه للشركات الخاصة بخصوص خفض ساعات العمل ذكر لي ان الصيغة غير جازمة ولكن زي ما يقولوا بالعامية .. ايش رأيكم يالشركات الخاصة تترفقوا شوية على الموظفين

يعني كأنهم يستأذنواالشركات في القرار وليس فرض عليهم

لا أدري

لازلت متمسك بالأمل

والأمل بالله كبير

عموماً اذا كان هناك قرار فسيكون بداية من الشهر القادم بحول الله لأن المدة التي في الخطاب شهر

ان شاءالله نتفاءل خير

وربنا كررررريم

[frame="2 70"]جدة (صدى) :[/frame]
[frame="2 70"]

المصدر

http://www.******.com/inf/news.php?action=show&id=25685

الخبر له عشر ايام ...

الى الآن لاحس ولا خبر عن هالموضوع

ومهلة الشهر خلصت

السعودي مظلووم ومأكول حقه ..

وذاك اليوم واحد عندنا بالشركة موظف سعودي على قد حاله .. كان يدفع اجار الشقة شهرياً ذاك اليوم جاله راعي العمارة قال له لازم تدفع كل ست شهور .

عاد جا للمدير الاداري في الشركة اللي هو مديره المباشر ... سعودي بعد .. قاله ابي بدل السكن مقدم ست شهور حق ادفع الاجار

رد عليه المدير لا.. هذي بس للأجانب

اجل بالله هذي معامله صرنا نتعامل فيها

كشفت مصادر مطلعة عن أن وزارة العمل تدرس تخفيض ساعات العمل في القطاع الخاص من 48 إلى 40 ساعة في الأسبوع.

مايبيلها دراسه فيه فرق بيننا احنا كموظفين سعوديين وبين موظفين الاجانب بلا مهزله
والله العظيم بالشركة الي انا فيها هنود وبنقاله اداريين بمكاتب
السعودي اولى منه يعطيني فواتييير اكتبها كأنه مديري
مافيه سعوده الا قليل وكشفت عنهم وزارة العمل بعد قرار خادم الحرمين بسعودة الوظائف وعطتهم سهم احمر لقلة الموظفين السعوديين
يعني اخرتها معهم هندي ويتشرط علي وبديرتي قسم بالله مهزله
يليت مكتب العمل ترسل لجنة كل شهر مرتين للاطلاع على اوضاع الموظف السعودي بالقطاع الخاص وتحسين اوضاعة
هذا الكلام ماينسكت عنه ابدا وارجو من الكل التفاعل بالموضوع وحله واعطاء حقوقنا بالكامل
راح اتصل على وزارة العمل وباخذ منهم بريد الكتروني وبطرحه هنا واي شخص عنده مشكله يرسله على بريدهم
وبأذن الله راح تنحل امورنا كلها واذا مانفع شي مافيه حل الا نسوي قروب ونشتكي للراس الاعلى

ويين اطلاع مكتب العمل ..

كل مدير شؤون موظفين في اي شركة عنده معاارف وواسطات في مكتب العمل .. بس يفكر مكتب العمل يجي للشركة الا وعنده خبر ..

كم مرة صارت عندنا يصير استنفار ماتشوف الاجانب يوم اللي بيجون المراقبه ، بس اللي اقاماتهم صحيحة ونظامية موجود اما الباقي اللي جاي بإقامة طباخ والا سواق ويشتغل بالادارة يقولون له ريح في غرفتك لين نخلص من مكتب العمل ونعطيك خبر.

مو كأننا قلبنا الموضوع هع هع

اعتذر

بس اشوه طلعت شوي من اللي في القلب