مناقشة وظائف المدارس الاهلية في الوسطى للبنات فقط

الميدوزا · #**781** (**permalink**) 01-09-2010, 03:57 AM

ألف شكر يالغاليات على كل هالمعلومات
ربي يرزقنا الوظايف الزينه و نتخلص من هالفراغ اللي عندنا ..

بغيت اسألكم عن مدارس الحياة المتوسطه ... في الشمال
رحت لهم و قالوا نبيك تحضرين درس و انا اصلاً علوم اداريه !!!
المهم :
انا بس بسأل عن رواتبهم و كيف تعاملهم ... انا ما سألت لأن الموظفه كانت مره مستعجله و انحرجت منها .

يابختنا تخرجنا · #**782** (**permalink**) 01-09-2010, 04:43 AM

اقتباس:

المشاركة الأصلية كتبت بواسطة بسمة شموخ

السلام عليكم

بنات أنا كلمت مدارس القدوه اليوم ... وقالت نبي تخصص رياض أطفال ورياضيات اذا تعرفين أحد ..

يعني من مو محتاجين تخصصي اللي هو((علم نفس)) ..
بس قالت تعالي لنا وسجلي بياناتك يمكن نحتاج بعد شهر وندق عليك لأن بعض المدرسات يروحون .. وأنا محتاره مدري أروح أو لا.. انتم وش رايكم ؟؟

وعندي سؤال ثاني ..
أكيد ديرتوا عن المعهد المصرفي ... أنا محتاره أروح لهم ولالا .. مدري أحس شهادتهم ماتنفع الا في الشركات والبنوك .. وأنا ماأبي اتوظف بهالمجالات .. حدي مدارس .. لكن أخاف المدارس مايدقون علي هالترم .. قدمت على كثيييير مدارس قبل رمضان ولاجاني ولااتصال للحين

رحت بس سويت درس في مدارس السمو .. وشكلي كذا ماعجبتها لأنها تقول انتي تلقين ماتشرحين >ماتعودت أشرح لاوللثانوي بعد خخخ

الله لا يهينك يالغلا

ويييييييييييييييين مدارس القدوه بالضبط

ويعطيك العافيه

بسمة شموخ · #**783** (**permalink**) 01-09-2010, 05:33 AM

آظنها في حي الورود اذا أنا مو غلطانه

لكن هذا رقمهم:0503015544

اللي بترد عليك بتعطيك الوصف : )

بسمة شموخ · #**784** (**permalink**) 01-09-2010, 05:37 AM

اقتباس:

المشاركة الأصلية كتبت بواسطة نعناع وحبق

اخت شموخ موضفات لشنووووو

لجميع التخصصات أتوقع
لأنها قالت عندك استعداد تدرسين ؟ قلت إيه ...قالت خلاص أرسلي سيرتك ..يعني ماقالت مو محتاجين .. شكلهم متعودين موظفاتهم ينكبونهم بداية الترم ههههه

بسمة شموخ · #**785** (**permalink**) 01-09-2010, 05:39 AM

اقتباس:

المشاركة الأصلية كتبت بواسطة ماكينو

المعهد المصرفي يا ليتني ما سافرت عشان أقدم فيه

مررررررررررره شي بس اذا ما تبين هالمجال في التوظيف ما لك به لزوم

بالنسبة للمدارس لا تخافين يتصلون عليك أنا أذكر اتصلوا علي اليييين بعد 3 اسابيع من الدراسه ..

روحي وحطي رقمك وموفقه يا رب

وشلون قصدك أروح للمدارس ؟؟ ولايكفي أرسل بالفاكس ولا الايميل ؟؟

لأني مارحت الا لدار السلام والسمو وروضة نسيت اسمها ...

بسمة شموخ · #**786** (**permalink**) 01-09-2010, 05:44 AM

اقتباس:

المشاركة الأصلية كتبت بواسطة كابتشينو جامعي

طيب روحي لهم سجلي بياناتكــ احتمال تروح معلمه ويحطونكــ ,,,

وانا بصراحه شرحت عند مدارس الفهد قالت اسلوبكــ تلقين

وش اسوي لكم هذا مافي جعبتي تحمد ربها اني قاعده ارتجل هههههه

يعني محاكيتكــ جايه تقلب راسها بدون ورقة ولا تجهيزات بس مسويه عرض بروجكتر وطلع
خربان عندهم وبعدين كان مالي خلق لهم بس رايحه علشان اختي عندها شرح عربي قلت بالمره
اروح اشيك وانا شهادتي مو تربويه ,,

قالت لي مانبي تخصصك بس نشوف اذا اداريه او مشرفه لاني عندي دورات ,,

والى الأن محدش اتصل والله لو اقولكم كم مدرسه مسجله عندهم ماتصدقون هذا بس في
سنه من يوم تخرجت ولا رساله ولا مكالمه ولا حتى بالغلط

اما المعهد المصرفي مدري ليش ماعندي حماس له احس خلصت البطاريه ابي ارتاح وانطق لعل
الله يكتب لي وظيفة بداية السنه والا والله ودي اخذ دبلوم فالمعهد على الأقل بنك حليو احسن من المدارس برايي,,,, اكره شي اسمه تدريس ودي بشغلت المكاتب والحاسب
وحوسة الاوراق

لكن اخاف ادرس واكرف واقعد بها و عندي خلفيه عن الخطة الدراسيه في مواد المعهد
أخذنا الأساليب الكمية والأقتصاد المالي والأقتصاد المالي فالأسلام وبلاوي متلتله واغلب مواده عندي معلومات عنها لكن
مشكلة انكرف سنتين واطلع بدون نتيجه لكن الله يكتب اللي فيه خير ,,,

بالتوفيق للجميع,,

بنات وش هذا

ارسوا على بر .. يدقون المدارس ولامايدقون

أنا مفكره أسجل بمعد لو ماأحد دق علي على الاقل استفيد آخذ دوووره .. وأخاف أسجل وبعدين يدقون !
الله يكتب اللي فيه الخير

اجل انتي جتك نفس تهزيئتي

ياختي أول مره نشرح وش يبونا نسوي

بسمة شموخ · #**787** (**permalink**) 01-09-2010, 05:56 AM

بناااااااااااااااات ركزوا معي

قبل اسبوع تقريباً قريت في الجريده إعلان (مطلوب موظفات وموظفين سعوديين) ويتشرط الخبره في التسويق ..
وأرسلت لهم السي في على الايميل ..بعدها بيومين تقريباً دقوا علي ... دقت بنت قالت عندك مقابله الأحد 2الظهر ...قلت مين انتم ؟ قالت تبع جمعية الأطفال المعاقين ومسوين مشروع خيري لصالح هالجمعيه ..ونبيك تكونين مسوقه لهالمشروع ... قلت بس أنا تخصصي (علم نفس)
ضحكت قالت أجل ليش مرسله ماقريتي الأعلان !
قلت ألا بس أجرب حظي
المهم سكرت على أساس أنتهى الموضوع وقالت بحذف اسمك أجل ..

بعد كم يوم دق علي رجال ... قال الاستاذه بسمه نبيك بكرا تجين مقابله احنا جمعية الأطفال المعاقين
قلت شلووون مو قلت لكم تخصصي علم نفس وقلتوا ماينفع .. قال لاعادي مو انتوا تعرفون تأثرون بالناس ..هذا المطلوب

قلت كيف ؟
شرح لي العمل بيكون كالتالي:
أنا أجي الجمعيه وعملي يتلخص بأني أدق على الشركات وغيرها من المجالات التجاريه...
وأقنعهم يشترون ((بطاقات التسهيل)) هذي البطاقات يكون فيها خصم 20% أو 30% ...الخ
لصالح جمعية الأطفال المعاقين ..
طبعاً أول 4عقود مالي فيها شي ... ومن العقد الخامس يبدون يعطوني على كل عقد مع شركه أجيبه لهم 200 ريال ..
بالأضافه إلى بدل موصلات ... ومبلغ 1,500 لأول عقد أوقعه معهم

الدوام رايح يكون من 8الصباح إلى 12 الظهر - بريك - ثم أرجع للجمعيه من 4 إلى 8العشاء
هذي المرحله الأولى لحد ما نخلص من دليل الشركات
بعدها تبداء المرحله الثانيه اللي هي (إقناع كافة أفراد المجتمع) يشترون بطاقات تسهيل
وهنا راح يكون الدوام صباح أو مساء حسب التنسيق مع الجمعيه ..

وانتهينا ..

الزبده هو قالي تعالي بكرا للمقابله اذا كنتي مواافقه على العمل ..

لكن أنا ماأرتحت وحاسه أنه مب مناسبني أبداً
وحبيت أنقل لكم كل شي على أساس لو وحده تبي تروووح

فاكس:8327823\03
cv.Aaa@hotmail.com

نعناع وحبق · #**788** (**permalink**) 01-09-2010, 07:24 AM

اقتباس:

ألف شكر يالغاليات على كل هالمعلومات
ربي يرزقنا الوظايف الزينه و نتخلص من هالفراغ اللي عندنا ..

بغيت اسألكم عن مدارس الحياة المتوسطه ... في الشمال
رحت لهم و قالوا نبيك تحضرين درس و انا اصلاً علوم اداريه !!!
المهم :
انا بس بسأل عن رواتبهم و كيف تعاملهم ... انا ما سألت لأن الموظفه كانت مره مستعجله و انحرجت منها .

اختي المدرسه هذي باي حي وومكن رقمهم لاني انا ماعندي مانع ادرس وانا ادارة اصلا بس انا بيتي بالشمال وش يبونك تدرسين اي مادة ومشكورة مقدما

ماكينو · #**789** (**permalink**) 02-09-2010, 03:13 AM

اقتباس:

المشاركة الأصلية كتبت بواسطة بسمة شموخ

وشلون قصدك أروح للمدارس ؟؟ ولايكفي أرسل بالفاكس ولا الايميل ؟؟

لأني مارحت الا لدار السلام والسمو وروضة نسيت اسمها ...

الروحه أفضل ..

بس عادي ترسلين ايميل أو فاكس ..

مدارس ابن خلدون دقوا علي العام وأنا بس ارسلت لهم ايميل ..

موفقة انتي وكل الصبايآ يا رب

ماكينو · #**790** (**permalink**) 02-09-2010, 03:33 AM

اقتباس:

المشاركة الأصلية كتبت بواسطة بسمة شموخ

بنات وش هذا

ارسوا على بر .. يدقون المدارس ولامايدقون

أنا مفكره أسجل بمعد لو ماأحد دق علي على الاقل استفيد آخذ دوووره .. وأخاف أسجل وبعدين يدقون !
الله يكتب اللي فيه الخير

اجل انتي جتك نفس تهزيئتي

ياختي أول مره نشرح وش يبونا نسوي

لا تخافون بنات مدري بس بالنسبة لي وربي دقوا كثييير الله يستر هالسنه اخاف محد يدق

توكلوا على الله وحطوا السي في تبعكم ..

واذا ع المعهد سجلي مسائي حتى لو جاتك 1X2تستفيدين

مناقشة وظائف المدارس الاهلية في الوسطى للبنات فقط

وظائف المنطقة الوسطى

السلام عليكم ورحمة الله وبركاته تلبية للرغبات الكثير من العضوات وبناءاً منا على أن المصلحة العامة من إهتماماتنا هذه الصفحة سوف تكون للنقاشات...

مناقشة وظائف المدارس الاهلية في الوسطى للبنات فقط

تسجيل الدخول

مناقشة وظائف المدارس الاهلية في الوسطى للبنات فقط

وظائف المنطقة الوسطى

** السلام عليكم ورحمة الله وبركاته ** تلبية للرغبات الكثير من العضوات وبناءاً منا على أن المصلحة العامة من إهتماماتنا هذه الصفحة سوف تكون للنقاشات...

مناقشة وظائف المدارس الاهلية في الوسطى للبنات فقط

السلام عليكم ورحمة الله وبركاته تلبية للرغبات الكثير من العضوات وبناءاً منا على أن المصلحة العامة من إهتماماتنا هذه الصفحة سوف تكون للنقاشات...