مناقشة وظائف المدارس الاهلية في الغربية للبنات فقط

خبرجيد · #**13351** (**permalink**) 29-08-2014, 04:30 AM

اقتباس:

المشاركة الأصلية كتبت بواسطة روفي توفي

هما عقدين الي نوقعهم لازم؟! كويس قلتيلي طيب ليه زهره الصحراء نوقع على طول؟! مافهمت الغرض روضه الكون بويه واصلاحات وقالت يحتاجو الروضه مساعده معلمه امجليزي كويس قالت وباقي الوظايف الفرع الرئيسي

لأنها فرصه رائعه مره زهره الصحراء وتطوير خيالي بمستوى المتوظفات هي وغيرها من المدارس العالمية يعني لو تشوفي الموظفات أول مايدخلوا ونهايه السنه تشوفي الفرق حتى بطريقة التفكير والإبداع في كلللل شيء
حتى السعوديات الأمهات يرتاحوا لمن يشوفوا عيالهم دخلوا نفس المدارس معاهم وبخصم يوفر لهم شيء كثير وتكون فرصه كبير أن أطفالهم يدرسوا في مدارس عالمية ثلاثيه اللغة
ياخذوا فرصه أفضل من الجيل السابق
أي مكان يعرض عليكي وظيفة استخيري ووقعي على طول من غير كلام
والفرع الرئيسي سمعته جدا ممتازه بس أعتقد الفروع الرئيسية في المدارس يكون فيها تعامل مع الوزارات أكثر من الفروع الثانيه

اقتباس:

المشاركة الأصلية كتبت بواسطة تعبت عطاله

خبر جيد
انتي كاتبه كل المدارس العالمية بجدة لو اقدم عليها موظفة استقبال يقبلوني صح ؟؟؟
طيب ايش هي المدارس العالمية ياليت اذا في بشمال جدة تقولي اسماء هال مدارس
الله يسعدك بانتظار ردة لانه عندي خبرة موظفة استقبال

ايوه صح ليه يرفضوكي؟
امين يارب العالمين شويه أجمع الأسماء الي مو منتبه لها كثير من البنات واكتبها

اقتباس:

المشاركة الأصلية كتبت بواسطة تحول يقظّ

مساء الخير .. الله يعطيكم العافية ع التجمع الرائع
خاصةً اختنا خبر جيد

انا جديدة على موضوع المدارس الخاصة ..
وحابة استفسر عن بعض النقاط منكم اذا سمحتوا ..
- صحيح المعلمة في القطاع الخاص يضاعفوا عدد الحصص لها ويلزموها بحصص الانتظار وغيره ؟ "خاصةً وان تخصصي علمي ومحتاج مجهود

"
- وبخصوص العقد .. هل في حال ما ناسبني الوضع اقدر اسحب نفسي في اي وقت ؟ حتى لو بعد شهر مثلاً .. ولا انا ملزمة بالاستمرار لفترة معينة ؟
- وفي حال تأخرت المدرسة عن دفع الراتب بعد مضي شهر كامل من العمل .. ايش ممكن اسوي في هالحال معاهم ؟
من الآخر .. تنصحوني بالتقديم في المدارس الخاصة ؟
خاصةً وان الكلام اللي نسمعه عنها مايطمن

..
وربي يوفقكم ويسهل امورنا واموركم.

الله يعافيك يارب
نسبة كثيره من الناس السابقين كانوا مايحبوا المدارس الأهليه واستغلالها بحكم عدم وجود حقوق وتنظيم
اما الآن الوضع تغير من عدد من السنوات وأغلب الموظفات في الثلاث السنوات السابقه مايبدوا الإستياء من مدارسهم لآنهم مرتاحين فيها اذا كان راتبهم 5600 + تأمين طبي حتى المدارس الحكومية ماتوفره لهم + تخفيض لأطفالهم تروح وتجي مع عيالها بالعربي آمان أسري وتطمئن على أطفالها ويحصلون على أفضل فرص في التعليم بحكم أنهم عارفين أفضل المعلمات في المدرسة وقادرين على متابعة التحصيل العلمي لأطفالهم
مارح تكون الموظفة فاضيه للمشاعر السلبية والسب في المدارس بتكون مشغوله ببناء مستقبلها
المتوفر من المعلومات للأسف هي المعلومات القديمة من الموظفات القديمات الآتي لم يحصلن على حقوقهن الله يعوضهم عنها في حياتهم
فصارت الأفكار الي تقولي عنها في عقول أغلبنا

في أحد الردود القادمه سأكتب الشروط المتواجده في أغلب عقود المدارس والحقوق الي لكم والي عليكم

خبرجيد · #**13352** (**permalink**) 29-08-2014, 04:45 AM

اقتباس:

المشاركة الأصلية كتبت بواسطة بعيده عنهم

[align=center]
و الله يا خبر جيد انتي شي جمييل

تبارك الله
طيب اقتصاد منزلي او تربية اسرية
و تربية فنية
أيش وضعها هالتخصصات بالتعين و كيف ابحث عنها بالانقلش
و الارشاد الطلابي كمان لانو معي دبلوم عالي فيي
و اهو مكااني ماحصلت شي
احس ان تخصصي مو مرغوب في و ممكن يعطوا اي احد

[/align]

وإنتي أجمل الله يوفقك
بالعكس تخصصك مره مطلوب
هل عندك إنجليزي بسيط أو لأ
+ من غير الدبلوم الي يرفع نسبه قبولك في تخصصك أو تخصص الإرشاد

لازم تفهموا يابنات إنو إنتوا عليكم نسبة 90% من إختيار الوظيفة لأن أغلب البنات عندهم خيارات كثير لكن يحصروا نفسهم في أشياء غريبه
أنا أعصب

لما أشوف وحده تخصصها حلو زي الإقتصاد المنزلي أو حتى مثلا تربية خاصه أو إعاقه عقليه مثلا ومتوظفة وظيفة عاديه وهي قادرة إنها تحصل على وظيفة ممتازه وفي مكان راقي تكسبها خبرة ترفعها في الدنيا والآخره إن شاءالله
إلي عندها هوايات ومواهب لاتدفنها تكتبها في السيرة الذاتيه يمكن تكون المدرسة لو جيدة هي المحفز لموهبتك والي تخليك تمارسي هواياتك بإبداع ويوفرولك كل شيء منها إنتي تجربي وتمارسي هواياتك ومنها المدرسه تستفيد منك ويوفروا فلوسهم وطبعا هذا الشيء الي يحبووووه

خبرجيد · #**13353** (**permalink**) 29-08-2014, 04:58 AM

مدرسة ثامر العالمية<<ممتااااااازه
طريق المدينة – شارع قريش
رقم الهاتف: -6977033

مدرسة جدة العالمية << راااائعة
حي الخالدية - مقابل أبراج البدرية
رقم الهاتف: -6061253 / 6061342

مدرسة دار جنى العالمية
الموقع: حي الروضة - شارع الخريجي
رقم الهاتف: 6648310 / -6642808

مدرسة زهرة الصحراء
الموقع: حي الحمراء - خلف مطعم تشيليز
6671199

مدرسة كورال العالمية<< رائعة عالمية
الموقع: حي الروضة
رقم الهاتف: 6832002
رقم الفاكس: -6831893

مدارس دار التربية الحديثة مدارس بنين
الموقع: حي الحمراء
رقم الهاتف: -6658043 / -6450018

مدارس دار التربية الحديثة للبنات مدارس بنات
الموقع: حي الحمراء
رقم الهاتف: -6658138 / -6613659 هنا للي حابين يدخلوا اولادهم تكوني انتي في قسم وهما في قسم وقريبين منك بس ممكن تستفيدي من الخدمات الي توفرها المدرسه للأمهات الموظفات ونفس الشيء دار الفكر وغيرها وغيرها الي يكون فيها اقسام كثير

مدارس دار الحنان مدارس بنات
الموقع: حي الزهراء - شارع الأمير سلطان
رقم الهاتف: 920029669

مدارس دار الفكر للبنات مدارس بنات
الموقع: حي المطار القديم - شارع الأمير ماجد
رقم الهاتف: -6311118
انتبهوا تدقوا على الرقم الثاني الي نفس الرقم نهايته 7 لأنه قسم البنين دائما يسير لخبطه أصلا معروف السنترال دايما الي يرد

مدرسة البيان النموذجية للبنات بجدة مدارس بنات
الموقع: حي الأندلس (المساعدية) - شارع إبراهيم الجفالي المتفرع من شارع التحلية
رقم الهاتف: -6611004

مدارس العرب < فعلا أرقى مدرسة بحكم أغلبها من العائله الحاكمه+التجار وبيئة رسمية ونظيفة جدا واساليب تعليمية عجيبه أفضل من معظم مدارس الدول المتطورة بالعربي الأستاذه تتعلم أكثر من طلابها من روعة النظام فيها عالمية
الموقع: طريق الأمير سلطان - شارع الصالة الملكية
رقم الهاتف: 920011201

روضة خبراء المستقبل رياض أطفال
الموقع: شارع الأمير سلطان
رقم الهاتف: +966-12-6061500

روضة بريق الاذهان رياض أطفال
الموقع: حي الزهراء - شارع البترجي خلف اكسترا
رقم الهاتف: +966-12-6626243

المدرسة الكون العالمية عالمية
الموقع: شارع حائل - خلف مركز باروم
رقم الهاتف: -6523444

لمدرسة البريطانية العالمية عالمية
الموقع: حي المحمدية
رقم الهاتف: -6990019

المدرسة الأمريكية الدولية في جدة عالمية
الموقع: حي البلد
رقم الهاتف: -6620051

مدارس السفراء رياض أطفال
الموقع: حي السلامة - شارع صقر قريش
رقم الهاتف: 8001249000

اكاديمية روضة جدة عالمية
الموقع: حي البساتين
مفيش رقم تلفون شدوا حيلكم ودوروة لآن المكان يجنن

مدارس الفردوس النموذجية للبنات مدارس بنات
الموقع: طريق الملك
رقم الهاتف: -6060891

مدارس دار الهدى الحديثة للبنات مدارس بنات
الموقع: حي الزهراء - شارع البترجي خلف سلطان مول
رقم الهاتف: -6914660

مدارس عالم الطفولة مدارس بنات
الموقع: طريق الملك - حي الشاطئ
رقم الهاتف: -6546417 / -6554664

مدرسة الجيل الآتي<هادييين مالهم حس وراقين جدا عالمية
الموقع: حي الفيحاء - المطار القديم
رقم الهاتف: -6304999 / -2600601

مدرسة المبتكرين الخاصة رياض أطفال
الموقع: شارع صاري - خلف مكتبة جرير
رقم الهاتف: -6980685

مدرسة المعرفة العالمية بجدة عالمية< ماراح اوصفها ادخلوا قوقل وشوفوا وروحوا بنفسكم وشوفوا الموظفات والبيئة الرسمية والراقيه
الموقع: حي السلامة - شارع الأمير سلطان
رقم الهاتف: -6917367

مدرسة بيتي الصغير رياض أطفال
الموقع: حي الأندلس - شارع المغربي
رقم الهاتف: -6652490

نقاط مهمة لاتنتظروا هذه المدارس تسويلكم إعلان انها محتاجه وظائف
لماذا لإنها عالمية إذا إنتي ماجيتي غيرك بيجي من أي بلد
الأمهات الي عندهم أطفال أولاد ما أنصحهم يتوظفوا في مدارس البنات يتوظفوا في المدارس العالمية عشان يستفيدوا من الخصم+ المواصلات تكون وحده
المدارس الي في الشمال فرصه القبول فيها أكبر بسبب قله الموظفات السعوديات
لاتحلمي يقولولك في اتصال تعالي الله يخليكي احنا محتاجين معلمات
الي تتصل يصرفوها
الثقه بالله ثم الثقه بالله ثم الثقه بالله
الي تتوظف تدعيلي
ادعولي بعد ماتتوظفوا وتوقعوا العقد وتقولوا الحمدلله ادعولي لاتدعولي قبل كدا

خبرجيد · #**13354** (**permalink**) 29-08-2014, 05:27 AM

طيب نجي لشيء مهم وهي حقوقي كموظفة في أحد المدارس الأهليه والعالمية
ماهي حقوقي؟
بتكلم عن الحقوق الماديه فقط لأنها الأهم حاليا
1- راتب 5600 للجامعية - خصم التأمينات 450
2- تأمين طبي
3- المدارس العالمية أغلبها توفر خصم 50% لأبناء المعلمات

ماهو العقد ؟
العقد يتكون في المدارس الخاصه الأهلية منها والأجنبية من عقدين يعني 2 عقد أكثر من كذا شرح مافي

هل يعني ورقتين ؟ لأ
يعني عقد صغير يكون بينك وبين المدرسة غالبا يتكون من صفحه إلى صفحتين بالكثيييير
ويسمى اتفاقيه توظيف ويكون بأعلى الورقه اللوقو او شعار المدرسه
نهايه العقد يكتب الطرف الأول الإسم والتوقيع + الطرف الثاني الإسم والتوقيع
يحتوي عقد المدرسة على المسمى الوظيفي + تاريخه رقم الهويه رقم الجوال
وشروط وكلام خرابيط

طيب وماهو العقد الثاني ؟
العقد الثاني يكون يسمى عقد الموارد ويكتب في اعلاه
عقد عمل للمعلمين والمعلمات السعوديين (مدعوم من صندوق الموارد البشرية)
يكتب في اعلاه اسم المدرسه وترخيصها ومكانها وهاتفها وهي معلومات الطرف الأول
ويككتب معلومات الطرف الثاني الي هو انتي ياهانم
ويكون من صفحات كثير تقريبا 6 صفحات ولازم توقعين عليها كلها صفحه صفحه

متى ينتهي العقد ؟ ينتهي بعد 3 أيام من نهايه اي سنه دراسية

طيب لو ماعجبتني المدرسة أقدر أفصل؟
نعم تقدرين في أول 3 شهور بدون أي تفكير عادي ماعجبتني المدرسة ماروح أفصل خلال 3 الشهور الأولى وبرضو المدرسة يحق لها اذا ماعجبهم شغلك خلال 3 الشهور يستغنوا عنك
وهذا الشيء الي يخليني ما أنصح البنات يتدربوا ويتركوا حقوقهم المالية
ايوه نسيت شيء مهم بعد الثلاث شهور برضو تقدرين تتركين العمل بس تعطينهم خبر قبلها
لاتصدقوا كل شيء مكتوب حتى في التعاميم محد يقدر يغصب أحد يشتغل بس هما يخوفوا الناس الي لعابين
كل ماعليكي هو تبليغ الإداره برغبتك في ترك الوظيفه
لكن لو جاكي تعيين مثلا عادي يمديك تتركي
ونصيحه جيبي بدالك أي وحده محتاجه الوظيفة

ماهي مزايا العمل في المدارس فضلا عن باقي الشركات والمؤسسات الراقيه؟
1- الدوام أقصر من الشركات تخرجين من المدرسة بالكثير الساعه 2 في حين أفضل شركه ماتطلعك قبل الساعه 4
2- الراتب 5600 طبعا مافي مقارنه بين وبين رواتب الشركات الي خريجات البكالوريوس يوظفونهم بأربعه الآف
3- بيئة مناسبة للمتعلمين فيه وقت فراغ لقرأه الكتب والمذاكره خصوصا لطالبات الإنتساب
4- بيئة محفزه ومشجعة للتقدم علمياً
5- يكونوا أطفالك قريب منك ولو إنتي عزباء الله يزوجك راح تكون عندك خبرة في المدارس والتعليم تعرفي تختاري مدارس لأطفالك في المستقبل وتعرفي أشياء جديدة عليك وإن شاءالله تكوني أم جيدة وأفضل في المستقبل
6- تعطيك فرصه في تكوين علاقات ممتازه مع أشخاص من جميع المستويات ويصير عندك واسطه وحركات حلوة خصوصا لو انتي بشوشه وحماسية

كيف أختار المدرسة ؟
أولا: الإستخارة
ثانياً: الموقع أو تحديد الأولويات مثلا عندك مواصلات توظفي في أي مكان وكل ما كان المكان أرقى
كل ماكنت مرتاحه نفسيا أكثر
المدارس في الشمال (اقصد جده) معروف أفضل ولاتقارن بالمدارس في غيرها من المناطق

المعلومات اعلاه مجهودي الشخصي وأسمح بنقله ونشره
الله يصلح نوايانا ويقبل أعمالنا ويسعدنا أجمعين

نان الحربي · #**13355** (**permalink**) 29-08-2014, 09:35 AM

مطلوب معلمات صفوف مبكرة ولغة عربية وانجليزية ودين وتربية فنية ذوات خبرة لمدارس واجهة الشرق الأهلية بجدة - حي المنار 4 المتفرع من شارع السامر للتواصل 6779859 / 6779868

خبرجيد · #**13356** (**permalink**) 29-08-2014, 09:44 AM

اقتباس:

المشاركة الأصلية كتبت بواسطة الفارسة الحرة

هذي وين مكانها بأية مدينة
وإذا كانت في المدينة ياليت العنوان بالتفصيل لو ممكن

أهلا أهلا المدارس هذه في مدينه جده

اقتباس:

المشاركة الأصلية كتبت بواسطة الفارسة الحرة

جزاك الله ألف خير ونفع بك وجعلها الله في ميزان حسانتك
وأدعو الله العلي القدير اللذي لايعجزه شي في الأرض ولا في السماء أن يحقق لك كل أمنياتك وأن يرزقك فرحة تسجدي لله من شدة الفرح

أمييييييييييييين أمين يارب العالمين والله يعجز اللسان بوصفك انتي والبنات ودعواتكم تسعد القلب
جزاك الله كل خير يارب على هذه الدعوات الي تفرررح هاه شوفوا تعلموا

وكلكم يابنات والله مانسيت احد اشكركم من قلبي وجزاكم الله خير حتى لو مارديت على رسائل الشكر هنا او في الرسائل بس والله اضطر احذفها عشان الصندوق مليان
زي ماقلتلكم الي تتوظف وتستفيد وتوقع العقد تدعيلي باللي تبغاه انتوا كريمين وانا استاهل

ادعوا كثير هاه لاوصيكم

بالنسبة للزعلانات الي يبغوا مراكز لذوي الإحتياجات الخاصه
هنا قائمه بسيطه

لجمعية السعودية للإعاقة السمعية
الموقع:طريق المدينة - تقاطع شارع قريش
رقم الهاتف -6984219

مركز التدخل المبكر للفئات الخاصة
الموقع:حي النعيم - شارع الأمير سلطان
رقم الهاتف: 6071477

الجمعية السعودية للتوحد
الموقع:
شارع صاري خلف مطعم (كودو)
رقم الهاتف: -6622513

مركز العون
الموقع: حي الأندلس - شارع التحلية
رقم الهاتف: 6631113

مركز جدة للنطق والسمع
الموقع:حي الروضة - شارع روضة الخليج
رقم الهاتف: 6675311

مركز جدة لذوي الاحتياجات الخاصة
الموقع:حي الحمراء - خلف مستشفى جدة الوطني
رقم الهاتف: 6641077

معهد الأمل
الموقع:شارع حراء - خلف سوق دانية
رقم الهاتف: 6391261

معهد الأمل الأول بجدة
الموقع:حي السلامة - شارع احمد أبو الحمائل
رقم الهاتف: 6828584

يابنات الله يسعدكم حاولوا تشاركوا أخواتكم في الموضوع قد ماتقدروا
قبل كذا طلبت متطوعات من كل مدينه عشان نسوي فهرس بأسماء المدارس والعناوين أو الحي والرقم وطنشتوا

الي تقدر الآن تخلي على سطح المكتب ملف ورد وتنسخ فيه أسماء المدارس الموجوده في مدينتها مع الرقم + العنوان
نتعاون عشان نفتح موضوع مستقل عباره عن فهرس بأسماء وعناوين المدارس ويكون الموضوع بجهد مشترك عشان نوزع التعب مثلا انا ووثنتين من البنات علينا مدينه جده
الفارسه الحره وكذا بنت عليهم المدينه المنورة
البنات الي من مكه يكونوا مثلا 3
البنات الي من الطائف يكونوا 3
وهكذا
عشان نتوزع التعب ويكون لنا أجر ان شاءالله
ويكون الموضوع مرتب يعني مقسم لأجزاء كل مدينه تحتها 4 اقسام
المدارس الأهليه + المدارس العالمية + رياض الأطفال + مراكز ذوي الإحتياجات الخاصه
وبكذا نكون وفرنا جزء كبيييير على الباحثين عن عمل او حتى مدارس لأطفالهم
الي حابه تشارك تبدأ بالبحث في قوقل عن المدارس في مدينتها بنفس الطريقه الي كتبتها في كذا صفحه
وبعد كم يوم ننزل الموضوع ها شرايكم ؟

طالبة انقلش · #**13357** (**permalink**) 29-08-2014, 02:33 PM

اقتباس:

المشاركة الأصلية كتبت بواسطة نان الحربي

مطلوب معلمات صفوف مبكرة ولغة عربية وانجليزية ودين وتربية فنية ذوات خبرة لمدارس واجهة الشرق الأهلية بجدة - حي المنار 4 المتفرع من شارع السامر للتواصل 6779859 / 6779868

طيب عندكم احتياج وانا مقدمه عندكم ورا ماتوظفونن ):

خبرجيد · #**13358** (**permalink**) 29-08-2014, 02:45 PM

اقتباس:

المشاركة الأصلية كتبت بواسطة طالبة انقلش

طيب عندكم احتياج وانا مقدمه عندكم ورا ماتوظفونن ):

انتي من ضمن الأشخاص الي قاتلني انهم مالقيوا وظائف ومستغربه جدا جدا
هل رحتي أحد المدارس العالمية ؟ من هنا من هنا

تخصصك مطلووووووووووووووووووووب

يابنات حتى الي تخصصاتكم مو مطلوبه مو معناها مالكم وظائف او مالكم احتياج
بالعكس والله كثير من الموظفات بالشهاده الثانويه
والموظفات العرب والأجانب تقريبا 80% ماعندهم مؤهلات ورغم كذا موظفات

يااااارب اتوظف · #**13359** (**permalink**) 29-08-2014, 05:10 PM

خبر جيد
الله يسعدك دنيا واخره ويوفقك ويكتبلك كل خير حبيبتي

طالبة انقلش · #**13360** (**permalink**) 29-08-2014, 05:17 PM

اقتباس:

المشاركة الأصلية كتبت بواسطة خبرجيد

انتي من ضمن الأشخاص الي قاتلني انهم مالقيوا وظائف ومستغربه جدا جدا
هل رحتي أحد المدارس العالمية ؟ من هنا من هنا

تخصصك مطلووووووووووووووووووووب

يابنات حتى الي تخصصاتكم مو مطلوبه مو معناها مالكم وظائف او مالكم احتياج
بالعكس والله كثير من الموظفات بالشهاده الثانويه
والموظفات العرب والأجانب تقريبا 80% ماعندهم مؤهلات ورغم كذا موظفات

هههههههههه شايفه كييف

ابشرك كل مدرسه ارووح لها يقولون عندنا احتياج حتئ العالميه بس الخبره هي الي واقفه ضدي مع اني تربوي وطبقت تدريب ميداني اخر سنتين ف الكليه المفروض هاذي تحسب لي اني تربويه ومعي خبرة تدريس بس يلا الحمدالله ع كل حال وبحااول قد ماقدر اخذ لي خبره