اخواني الأعزاء انا قليل الخبره بالقوانين والأنظمه

لذلك بقولكم الموضوع يمكن القى عندكم المعلومه الي تفيدني

السالفه ياحبايب اني اشتغلت في شركه لمدة مايقارب 5 أشهر

وقبل ثلاث اسابيع حصلت ولله الحمد وظيفه أحلى منها بكثيرررر

المهم اني قدمت استقالتي وقبلت مني بكل سرور

و في نفس اليوم اشتغلت في عملي الجديد المهم بعد ما اشتغلت باسبوع

العمل الجديد طلب مني اخلاء طرف من الشركه الي كنت اشتغل فيها

قلت اوكي بسيطه ولا يهمكم اليوم اجيبه <<<< قالها واثق

ورحت للشركه الاولى وقلت لهم لو سمحتوا ابغى منكم اخلاء طرف قالوا اوكي

نعطيك هو بس تعال بكره يكون جاهز قلت تماام .. رحت لهم بعدها يومين صرفوني بحجه

المدير مو موجود قلت اووكي المهم اني امس رحت لهم قالوا لي باقي عليك مديونيه لازم تسددها

قلت لهم حق ايش قالوا حق التأمين الطبي لازم تدفع قيمته!!! اصلا انا ما قلت لهم ابغى تامين طبي

هم جابوه لي قبل لا اقدم استقالتي بيومين بالضبط قلت لهم خلاص خذوا التامين ما ابيه وعطوني اخلاء الطرف

قالوا لا ماينفع يرجع خلاص صار باسمك لو ترجعه مانستفيد شي الدراهم خلاص راحت

قلت لهم طيب الحين ما في حل قالوا مافي حل الا انك تدفع حق التامين الطبي وتأخذ اخلاء الطرف

قلت لهم خير ان شاء الله وطلعت من عندهم وانا مرره زعلان ومتضايق لاني ماني قادر ادفع شي

اتصلت على واحد صقيقي وعلمته بالسالفه قالي لا يا دلخ التامين الطبي على الشركه

مو عليك هم اصلا ملزمين يسولك تأمين فما ادري الحين وش النظام في هذي الحاله

واذا احد يقدر يساعدني تكفون لا تخلوهم يضحكون علي ويأخذون شي مني وانا في امس الحاجه له

واذا كان لازم ادفع قيمه التأمين لا حول ولا قوة الله يعيين وادفع لهم قيمته واخذ اخلاء الطرف

اممممم احس اني خبصت ام الموضوع وما راح يفهمه احد

وسلامتكم ,,,

لكــــــــم المــــــــــــايك