حبيبي الموضوع بسيط جداً

ولعلمك خذ مني الكلام الصحيح ... اذا انت عند استقالتك ما طلبت ورقة إخلاء طرف ,, أو طلبتها وأعطوك بس ما رحت لمكتب العمل ,,, فما راح تقدر تطالب بأي شيء .. أقصد فلوس


لكن روح لهم بكرة .. واطلب ورقة إخلاء طرف .. وراح يطبعوها لك فيها بياناتك اسمك وووووإلخ وعليها الختم.

بعدها تروح لمكتب العمل ,, وأعطيهم هالورقة ,,, وانت واقف يتسقط اسمك.


وانسى انك تاخذ منهم خبرة عملية لأنك في الواقع ما تشتغل ,, حتى لو اسمك مسجل في مكتب العمل.



وأما بالنسبة للأخ اللي يقول... انهم قاعدين يأكلوا راتبك من التأمينات !!!! فالأخ الكريم .. شكله ما سبق له وان توظف .. وما أدري من وين جايب هالفلسفة !!

لأنك لو كنت مسجل في التأمينات الاجتماعية ,, فالتأمينات تأخذ منك ومن صاحب العمل فلوس ,, مو تعطي فلوس.

التأمينات تعطيك راتب تقاعد بعد استمرارك معهم لفترة لا تقل عن 20 سنة عمل.


ومو من صالح جهة العمل اللي كنت تشتغل معاهم انهم يخلوا اسمك في التأمينات الاجتماعية ,, بل بالعكس ,, أول ما يفكروا فيه هو تسقيط اسمك من التأمينات الاجتماعية للهروب من دفع قيمة الاشتراك الشهرية.

لكن من صالحهم يخلو اسمك في مكتب العمل ,, عشان السعودة الاجبارية. يعني طوال هالفترة ,, مستفيدين من سعودتك في مكتب العمل. لكن لا توجد هناك فائدة مالية لهم أبداً.


أخوك موظف في القطاع الخاص من عام 2001 وعارف كل هالأمور.