جبتوها على الوتر الحساس
بحكي لكم وانتم احكموا
بعد طول عناء وتعب وطراره وظيفه توظفة ورحت وكان المقابله مع المدير شخصياً طبعاً يكلمني من راس انفه يعني كاني اطره قلنا يالله متكرم علينا وموظفنا
كنت موظفه في قسم نسائي وطبعاً كان مطلوب مني اي شي يصير انقله للاداره لاني انا مشرفه على الاجانب والسعوديات الموظفات في قسمي
مالكم بالطويله القسم ممنوع فيه اي جوال كاميرا وانا غيرة جوالي لهاذا السبب
اكتشفت ان الفلبينيه الشاطره عندها جهاز كاميرا فنبهة عليها انها تغيره لاني ما اتحمل مسؤليتها قدام الاداره
اخذة مني موقف وعلى اقل سبب راحت سوت مشكله مع المدير وقالت اني انا اتهمها واني اسبب لها مشاكل وطبعا ما كان منه غير انه قال لي دجي وانقلعي الاجنبيه اهم منك وللعلم اني كنت متحمله شي لا يحتمل وعلى راتب قليل جداً ودوام 10 ساعات وكان الضغط عليه من كل مكان اني اترك القسم النسائي واطلع وظيفه اختلاط في نفس المكان وانا ارفض نسيت اقول لكم شي ترى هوه اخذ السالفه منها ومن صحباتها الاجانب الموجودات في القسم ولا اخذ شهاده من سعوديه ولا حتى سمع مني
المشكله عندنا ان اصحاب العمل اغلبهم يشوفون اننا احنا السعودين مو قد الثقه اننا مدلعين مع اننا نتحمل ونستأمن وما نخون الامانه
اتمنى كل واحد يدخل بعدي يعطيني رايه