لاصرت أمير وتشتكي ضيقة الهم

مَاجِد · #1 (**permalink**) 01-10-2010, 03:01 PM

لاصرت أمير وتشتكي ضيقة الهم
تقول أنا المجروح دنيا رديه

تشكي حياتك بين ضايق ومنّغم
تصوغ شعرك في حروف أبجديه

أقرى معاناتك وأنا داخلي دم
أحاول أجاري شعورك بيديه

هذا الأمير وجاه حزنه تزاحم
خلا القوافي كلها عنجهيه

أنا أشهد إن الهم عنّك ما يعّلم
مايدري إنك قد لحيت الخطيه

حنا تعذبنا همومً على كم
من جاير الدنيا وحوف المنيه

ماهو ترى قولك أنا لقولي أعلم
من ضيقتن با الصدر ماهي خليه

ليا تنفسنا هوى يسطي الغم
وليا بغيت الدرب يصعب عليه

عشنا ما بينا الهم مشروبنا سم
ما فيه لا روحه ولا فيه جيه

نضحك ونسلى بين قول ومعالم
مرباعنا قيض النفوس النديه

والحمد لله عد وبلن تناغم
اللي رزقنا براحتن سيديه

يّ ذا الأمير اللي من العام منهمْ
همك ترى مثل الحصون الرديه

تبني من أمالك بيوتن كما ذم
مذمتن للخبل تبقي سليه

أضحك عليك بقافي اليوم يّ رم
رم الوحوش إن كان تقدر تفيه

لا أنت بقاوي الهم يّ معذب الطم
طمك عليه يّ هوى بربريه

أخذ الكلام وقفل القول يا عم
بعض الهروج قصار ماهي خليه

الشاعر / ماجد الشليل

حي السفارات · #2 (**permalink**) 01-10-2010, 03:06 PM

صح لسان الشاعر وتسلم يمينك ع النقل اخوي لاعدمناك

الحـــــر · #3 (**permalink**) 02-10-2010, 05:15 AM

أنا أشهد إن الهم عنّك ما يعّلم
مايدري إنك قد لحيت الخطيه

حنا تعذبنا همومً على كم
من جاير الدنيا وحوف المنيه

صح لسان الشاعر على هالنص الجميل ,

واسال الله أن يبعد عنك الهم ياشغب

ربي يعطيك العافيه

راعي العليا20 · #4 (**permalink**) 02-10-2010, 05:17 AM

هذا الأمير وجاه حزنه تزاحم
خلا القوافي كلها عنجهيه

أنا أشهد إن الهم عنّك ما يعّلم
مايدري إنك قد لحيت الخطيه

حنا تعذبنا همومً على كم
من جاير الدنيا وحوف المنيه

صح لسانك ولسان الشاعر

تقبل مروري

قلب وملامح طفله · #5 (**permalink**) 02-10-2010, 07:49 AM

صح لسانك 00000000000

•● هدُوء ~ · #6 (**permalink**) 03-10-2010, 02:09 AM

صح لسانك ياماجد الشليل

أبيات جزلة ومن أجمل ماكتبت ...

فارسيه · #7 (**permalink**) 03-10-2010, 02:21 AM

عشنا ما بينا الهم مشروبنا سم
ما فيه لا روحه ولا فيه جيه

نضحك ونسلى بين قول ومعالم
مرباعنا قيض النفوس النديه

والحمد لله عد وبلن تناغم
اللي رزقنا براحتن سيديه

\
\
فعلا الحمدالله
رائعه جدااا الشغب