،؛،.. دكـــــتور العـــيون ..،؛،

حي السفارات · #1 (**permalink**) 24-10-2010, 12:59 AM

مساء الخير على الجميع هالقصيده لمحمد بن فطيس
ودايم ارددها على لساني لانها قريبه مني حيل وحبيت انقلها لكم
وان شاء الله تعجبكم

[frame="10 98"](يامؤمن الريفي )انا جيتك زبون..
.. جيتك على مدح اكثر الناس وعنيت

جيت وتعالى الله عمّا يشركون..
.. لولاه (يامؤمن) لطبك ما اهتديت

راضي بحكم الله علي مهما يكون..
.. عالج عيوني لو بعد طبك عميت

ودي اخاشر فالبصر من يبصرون..
.. واشوف دربي لا سرحت ولا ضويت

والى قنصت اثبت مع اللي يثبتون..
.. واشوف طيري كل ما اوميت ودعيت

ياااكثر ما يضرب خويي (الطابلون)..
.. من كثر ما اكلّته مطباات وكليت

وودي اشوف اللي علي يعرضون..
.. وبعض الليالي ودي اسري دون ليت

وااشوف ناس ٍ فالقفا ما يرحمون..
.. اما وقفت لصاحبي والا مشيت

من دون نظاره ولا هم يحزنون..
.. يااا كثر ما كسّرت كشمات وشريت

لكنٌ يا دكتور جعلك ما تهون..
.. ابغيك كلمت راس دامك ما بديت

اسمع......ولا ابغي اللي وزانك يسمعون..
.. ربي كتب يكشف لك اسراري وجيت

صورة عديل الروح عندك فالعيون..
.. واخاف تقطعها بموسك ما وعيت

ولا عليك امر..اطوها تحت الجفون..
.. وعقبه لو تقطع عيوني ما شكيت

هي راس مالي والعرب ما يدركون..
.. اني على باب الممات و ما حكيت

ياقو قلبي يوم قفن الضعون..
.. اللي على ذاك الموادع ما بكيت

ويا صبر صبري والعواذل يحسبون..
.. اني دلهت من الهوى والا سليت

اسكت عساهم من سكاتي يسكتون..
.. وانا عن اللي في ضميري ما انتهيت

وادور الفرحه مع اللي يسهرون..
.. وان ذكروني خذت فنجال وسريت

اخذت من وقتك يا دكتور العيون..
.. عالج عيوني لو بعد طبك عميت

واستر علي واللي معك لا يفطنون..
.. انت الوحيد اللي بعد ربي دريت[/frame]

الحب العفيف · #2 (**permalink**) 24-10-2010, 01:06 AM

الله ..مبدع بإنتقآئكـ اخوي حي السفآرآت ..

حي السفارات · #3 (**permalink**) 24-10-2010, 01:10 AM

الله يسلمك اخوي وشاكر لك مرورك

راعي العوجاء · #4 (**permalink**) 24-10-2010, 11:27 AM

يعطيكـ ألف عافيه
ولا تحرمنا جديدكـ
دمت بود

حي السفارات · #5 (**permalink**) 24-10-2010, 12:26 PM

يسلمك ربي راعي العوجاء شاكر لك مرورك

في الصميمـ · #6 (**permalink**) 24-10-2010, 01:56 PM

مـاشاء الله ذووويق

وشاعر المليوووون مهوب سـهـل

شاكر ومقدر لكــــ

الهاوي 07 · #7 (**permalink**) 24-10-2010, 02:06 PM

احلى قصيده اسمعه ومثلك دايم ارددها
وخاصه لما تسمعها من صوت ابن افطيس يحسد على صوته ما شاء الله عليه

اجمل اختيار واحلى ذائقه منك

لا خلا ولا عدم

حي السفارات · #8 (**permalink**) 24-10-2010, 03:22 PM

في الصميم
الهاوي المحروم
اسعدني تواجدكم بموضوعي

exe · #9 (**permalink**) 24-10-2010, 03:26 PM

اسمع......ولا ابغي اللي وزانك يسمعون..
.. ربي كتب يكشف لك اسراري وجيت

صورة عديل الروح عندك فالعيون..
.. واخاف تقطعها بموسك ما وعيت

ولا عليك امر..اطوها تحت الجفون..
.. وعقبه لو تقطع عيوني ما شكيت

---------------------

يآلبيييييييييييييه

واللهي قمه قمه

حي السفارات <~ لآتحرمنآ من ذوقك