09-10-2010, 09:45 AM
|
|
|
|
تاريخ التسجيل: Apr 2008
الدولة: مهبط الوحي
المشاركات: 4,104
معدل تقييم المستوى: 7312667
|
|
،’ يوم ضاقت لـ الشاعر [ صالح الشادي ] ،’
صباحـــكم /مسائكم ..سعاده ..وراحه بال ..
يوم ضاقت ،،
قلت وينك يالفرج ،،؟
قال: جيت ،،
وشفت حولك الف صاحب ،،
وخفت اسبب لكـ حرج ،،،،،!!
ارتكيت ،،
بس وين اللى يشيل الحمل وينه ،،
وين ذاكـ اللي ذخرتته لـ الظما قطرات ،، وينه ،،؟
وين ابو الفزعات عني ،،
ماقدرت القاه وينه ،،؟
من لمحني فوق كف الموج ،، فض ،،
كسر الواح الرجا بيني وبينه ،،!!
حز نفسي ،،
غص في حلقي ،، ورض ،،
كل ضلع لي معاه ،، وغض عينه ،،!!
يحسب اني مت هم ،،
ولادرى اني حي لكن ،،
مت من خنقة يدينه ،،!!
يالفرج ،،
صاحبي ماشفت زوله ،،
من فقدته فـ يوم شده ،،
بس لو جاني على قلعة عيوني ،،
حالف اني ما ارده ،،
والموده يالفرج ،، هي الموده ،،
صاحبي ،، مالي بـ صده ،،
ولو نصاني والنواصي عشب قبري ،،
والله اني غصب لاحيا ،، ثم اعينه ،،،،!!
ارتكيت ،،
وطحت ،،
والجلمود ،، ناخ ،،
اهـ ياكذب الليالي البيض ،،
اهـ ياظلم السباخ ،،
من مشاها ولا وراه زنود تبري الكبد ،، داخ ،،
يا كثر ماخيبت ،، ظن اللبيب ،،
ويا كثر ماغيبت ،، وجه قريب ،،
ويا كثر ماشاف منها ،،
صافي النيه ،، وشاخ ،،
ارتكيت ،،
واثر ظلي مايمون ،،
واثرني كومة طعون ،،
من غلاة اصحابها ،،
ماقدرت اقول : ااااخ ،،،،،،!!
لي مبادي ،،
وصاحبي ،، لو جار منه الجور ،، عادي
وصاحبي ،، لو هو قتل ذكراي ،، عادي
وصاحبي ،، لو بخل برضاي ،، عادي
وصاحبي ،، يبقى العزيز الناصع الى له ودادي ،،
ودام انا ستره وثوبه ،،
صاحبي ،، ماقول : عنه ابدا وتوبه ،،
ياهلا به ،،
وبـ عيوبه ،،
وبـ ذنوبه ،،
ياهلا ،،
ان وصلني ،، ياهلا ،،
وان قطعني ،، ياهلا ،،
صاحبي والا فلا ،،
والغلا نعمة كريم ،،
وساقها لكل الملا ،،
ويالفرج ،، حاول تحب ،،
دام لاهل الارض رب ،،
ولو تشوف ،، اصحاب واجد حول قلبي ،،
لا تعاند ،،
السواعد من سراب ،،!
والحصايد من يباب ،،!
والشعر ،، كذاب ،،!
خل فتال الشوارب ،، عن يمينكـ ،،
ولا تخاف من الحرج ،، لو قيل وينكـ ،،،؟
كلهم مثلي تراهم ،، بـ االنهايه ،،
طالبينكـ ،، طالبينكـ ،،
طالبينكـ يالفرج ،،!!
ويوم ضاقت ،،
قلت : وينك يالفرج ،،؟
قال : جيت ،،
وشفت حولكـ الف صاحب ،،
وخفت اسبب لكـ حرج ،،
خفت أسبب لكـ حرج ،،!!
دمتم في حفظ المولى ،،
|