01-11-2010, 12:03 PM
|
|
عضو نشيط
|
|
تاريخ التسجيل: Apr 2010
المشاركات: 175
معدل تقييم المستوى: 314520
|
|
قصيدة رائعة ومؤلمة عن البطاله !!
السلام عليكم ورحمة الله وبركاته
هذا الداء الذي انتشر وبشكل كبير في مجتمعنا وجعل من المصائب
مايشيب له الراس !!
الشاعر / عبدالخالق البعيجان (( ابن شارخ)) حاول ان يبين هذه المشكلة
في قصيدة جميله وبين بعض اسباب البطالة في هذه القصيدة.
تفضلوا >>>
لاهم لاغربال لاسل لاسوس ـ
اكبر عدو عندنا هالبطالة
نتعب على الاولاد وندوخ ونحوس ـ
وتهدم الاخلاق ناس حثاله
واللي نقص مايعرف الحق ويقوس ـ
وش نرتجي باهل الكفر والضلاله
نشري العسل في وسطه السم مدسوس ـ
الدش للتدمير يكفي لحاله
شف هالخدم جتك من الشرق بطقوس ـ
يامن شراله علة من حلاله
تلقى المره بالبيت برميل متروس ـ
بس تشتكي من جسمها غير حاله
قلب الرجل من شغلها صار محموس ـ
لامرضعه لامربيه في عياله
لاجاء معاشه تنشبه عطني فلوس ـ
تصير وسط البيت صاحب جلاله
والبنت جملة حطها داخل (القوس) ـ
في المجتمع لغز يحير سواله
لاتفرش السفره ولاتجيب مكبوس ـ
لاتغسل ولالاتشيل البياله
اكل ونوم جسمها تقول جاموس ـ
في شربة الماء تتكل عالعماله
والا الولد يحدد للراس بالموس ـ
واكبر همومه يعتني في جماله
كل يوم جالب له من السوق ملبوس ـ
يركض ورى الموضة وخلا عقاله
واللي يشيب الراس حفلات العروس ـ
وشي بهالصالات عدى خياله
الشين زين وصاير الصح منكوس ـ
نقلد الاعمى وراعي الجهاله
والعولمه بتجيك في ناسٍ هيوس ـ
واللي بقى شرواك ضايع مجاله
يالله دخيلك وضعنا صار معفوس ـ
وقت الضحى من هو يضيع شماله
شفت السفينة ينخر بجسمها السوس ـ
واكبر جنود السوس هو البطاله
منقووووول
تقبلو تحياتي لكم
|