الله لا يهينك بس علمني بشهادتك وتخصصك وانا اعلمك ؟

احتمال فيه اختبار انجليزي

بالتوفيق

انتبهـ ترى اول مقابلهـ اذا ماخططتـ لها تفشل زيي انا فشلت ـ يركزونـ على الانقلش كثر وخلج واثق موفق

خلك واثق من نفسك اهم شي !!!

وبس ...

ايضا يهتمون بالمظهر

يا اخوي اولا خل ثقة بالله ثم بنفسك
لا تقول بنفسك انك خايف ترا التفكير بالخوف يصنع الخوف و التوتر و الفشل
خلك هادي وواثق
اهم شي احضر قبل الوقت بربع ساعة
خليك هادي ومروق .. جاوب ع اسئلتهم بكل هدوء
مارح يسألونك عن اسئلة رياضية او منهجيه ابداااا ... حتى الانجليش مارح يتعمقون فيه ممكن بس تعريف بسيط عن نفسك
توقع منهم اي شي و كل شي
ممكن يسألونك كم تتوقع راتبك
ايش موقفك مع عميل يسب ويشتم >> يعني ممكن يمرون ع كذا شخصية
ممكن يسألونك لو طلبنا منك ايام عمل اضافية توافق او لا >> بس حتى يعرفوا مدى عطاءك و حبك للعمل
ممكن يسألونك عن قدرتك لو طلب منك السفر لفرع ثاني لمدة معينه
طبعا انتبه في كل اجاباتك للغات الجسد عندك
خلك واثق وعينك بأعينهم

ماراح تختلف كثير عن المقابلات الي عملتها
و انتبه لحركات الاستفزاز و اساليبه كثير يسوونها البنووك حتى يتأكدوا من انك قادر تتعامل مع جميع شرايح المجتمع
يعني يحاولوا يتجاهلونك يحرجونك ينرفزونك ببعض الاشياء
خلك وواثق بالله ثم بنفسك

صدقني اخوي انت قادر تحصل عليها و بكل سهوله ... و لا تنسى الاستغفار خاصه طول الطريق و انت رايح لانه يساعد ع الهدوء و طمأنينة النفس

ربي يفتحها عليك ويرزقك .. ويارب تبشرنا بقبولك

أنا ماراح أزيد عن إلي قالوه لك بس حبيت أنبهك عن ضروري تكون واثق من نفسك مهما كانت قدراتك وتخليهم يلاحضون أنك عندك قدرة فن التعامل مع العملاء يمكن يسألونك عن كيفية التعامل مع العميل الشكاك أو العصبي
طبعا حاول أنك ماتتصنع الابتسامة ويكون وجهك بشوش و
إنشاءالله تتوظف في أقرب وقت

بالتوفيق وانا اخوك
انا اتكلم عن تجربتي في بنك الرياض
كانت المقابلة الشخصية بعد الاختبار التحريري باسبوع
وكانت مع مدير الموارد البشرية والمدير الاقليمي
الاسلة كانت
تكلم عن نفسك ؟
وين اشتغلت قبل ؟
تكلم بالانجليزي شوي عن نفسك
ليه اخترت البنك ؟
وهكذا يعني اساله روتينية
بس اهم شي اكشخ وشق خشومهم بالعطر
وبالتوفيق