السلام عليكم
اليوم انا رحت للديوان عندي كومه استفسارات .. والحمد لله طحت بموظف جلست نص ساعه انا واياه سوالف < اشوا انه مروق ولا كان صرفني


اولاً : سألت الموظف ، قلت انا مطابق بياناتي مع الدفعة الاخيره اللي نزلت ارقامهم اللي هي دبلومات صحيه .. ويوم نزلت اسماء الترشيح فجأة اسمي موب معهم !!
قالي الموظف .. ماعليك لاتخاف وانت مرشح الآن و الاسبوع هذا او الجاي بالكثيير بتنزل دفعه ترشيح دبلومات صحية تقريبا 200 اسم ..
وان (اغلب) اللي نزل ترشيحهم قبل اسبوع موب صحيين .. وخصوصاً دبلوم ادارة صحية ..


يعني بإذن الله اللي ماحالفه الحظ بالترشيح اللي قبل اسبوع .. بإذن الله ينزل اسمه قريب


وعلى فكرة قالي ترشيح الدبلومات الصحية من عند فرع الديوان بالرياض .. يعني اللي عنده واسطه بديوان الرياض يشغلها لأن الترشيح من عندهم ..
مثلاً .. ترشيح الدبلومات الصحية عند فرع الرياض .. ترشيح البكالورويس الصحي عند فرع جده .. ترشيح الدبلومات التقنية والمهنية عند فرع الشرقية .. وهكذا ..




ثانيا : في حاجه مهمه للي طابق بياناته وينتظرالترشيح < مثلي يعني
لازم يكون معك بطاقة تصنيف مهني .. وسألت الموظف عنها وقال ضروري تكون معك ولا بدونها تستبعد من الترشيح اذا طلع اسمك ولا طلعت بطاقه ..
عاد الله يعين اللي بيطلعها لأن من شروط استخراج البطاقة الصحية لازم يكون معك دورة SPR ..





ثالث شي سألته عن جداره ، وهل التسجيل فيه يعني ان رقمك بالديوان يلتغي ..
قال جداره زي حافر لمكتب العمل .. مجرد حصر اعداد العاطلين والباحثين عن عمل .. ولا يأثر على تقديمك بالديوان
والتسجيل فيه مستمر الى شهر 6 .. يعني لاتستعجلون .. ممدين ان شاء الله
غير كذا فيه نقطه مهمه للي بيسجل بالبرنامج فيه خانه تقول تربوي وغير تربوي ، صح ؟
تربوي هذي خاصه للمعلمين واللي اخذ ترم تطبيق تربوي .. حنا يالصحيين مالنا دخل بالتربوي .. لا احد يوهق عمره ويحط تربوي وهو صحي


هذا ماحبيت افيدكم فيه .. وادعو ربي ان ينزل اسمي بالترشيح الدفعة الجاية ..
وكل هـ الكلام اللي فوق ينطبق علي .. بس حبيت افيدكم علشان من هـ اللحين كل واحد يجهز اموره .. خصوصاً اللي مامعه بطاقة تصنيف مهني ..


دعوتكم لي .. واتمنى اني افدتكم

طيب واللي معه بطاقه ومنتهيه وش يسوي؟؟؟؟

الله يعطيك العافيه اخوي
وان شاء الله الكل يستفيد من استفساراتك بالديوان

بارك الله فيك
والله ينزل اسمك ان شاءالله قريباً

بسألك بالغالي

اذا انا عسكري وقدمت على جداره هل هناك ضرر لي وهل سوف يتم كشف وضعي اني موظف ..؟

يعني جدارة هذا مامنه فائده ولا راح يوظفنا اذا قدمنا فيه ؟؟

الموظف ذا بأي فرع بعدين يقول مفتوح لشهر ستة وهو مكتوب بالديوان انه مفتوح علي مدار العام ؟ تناقض

ثاني شي يقول ان الدفعه اللي قبل اسبوع مافيها صحين غلطان كان فيها صحين وكان فية 4 اعرفهم شخصيا نزل ترشحيهم وتخصصهم اسنان .


بالنسبة لبطاقة الهيئة معك حق فيها تعقيد يعني اللي منتهيه عنده ولامارس عملة بياكلها زي ناس اعرفهم الديوان قال مراح نعينك لين تجيب البطاقة راح للهيئة قالو الهيئة رح تدرب ولا توظف لمدة لاتقل عن 4 اشهر ونوظفك . يعني كل شخص يرميهم علي الثاني


الله يعين

الله يوفقك دنيا وآخرة
ــــــــــــــــــــــــــــــــــــــــــــــــــ ــــ
كل دمعه من عيونك اشتريها بالف خاطر

يعطيك العافية وربي مقصرت ومشكور اخوي وياليت تعلمنا عن اي موضوع لفني صيدلة وبالنسبة لتقديم الجدارة مدري الرابط عليه زحمه وعجزت اسجل فيه متى اخر موعد للتسجيل ويعطيكم العافية