انا يا اخوان رسلت برقيه اني ابي منحه لان تخصصي كان شرعي ونسبتي كانت فووق التسعين هي والقدرات

وبعدين وصلت المعامله التعليم العالي وقالوا لي اطلع على حسابك وفي ضرف شهر بالكثير نظمك للبعثه ونرجع لك الي دفعته لان اصلا عمري كبير وتخصصي مثل ماقلت لكم

لكن صراحه استخرت وجلست هنا ويمكن مستقبلا اروح الله العالم

وعليكم السلام ورحمة الله

البرقيه ارسلتها لمقام سيدي خادم الحرمين الشريفين عن طريق الاتصالات السعودية على رقم 969

والصيغه كانت اني ذكرت اني يتيم الاب واني حققت نسبه عاليه بالثانويه وبالقدرات وان تخصصي ليس مشمول من ضمن التخصصات وما الى ذالك ولو تبون الصيغه ارجع اصيغها وانزلها كامله ماعندي مانع

والي صار عليها انها راحت البرقيه للديوان الديون قام حولها للتعليم العالي لانه جهت الاختصاص والتعليم العالي عشان تخصصي شرعي قال لي اطلع على حسابي وهم راح يضموني لمى اوصل هناك وبس لكني مارحت رغم انو كان عندي الي يكفيني ترم كامل في اي دوله ابي .

ياريت لو تحط الصيغة عشان نستفيد منها

ولما ردت عليك الوزارة هل اشترطت عليك دولة معينة

وجزاك الله خير

الصغيه انزلها اليوم ان شاء الله ولو انه لكل شخص راح يكون هناك وضع معين ولكني مستعد اكتب لاي شخص يبي صيغه له خاصه بس يرسلي وضعه ونسبته وايش يبي يدرس وتخصصه ويبشر
بالنسبه للدوله هذي الانسان حر فيها وانا من جهتي افضل اصلا قبل ارسال البرقيه انو الشخص يحصل على موافقه من اي جامعه بالدوله الي يبيها وقتها راح تكون البرقيه اقوى يعني تصير بس مسألة مصاريف وماده وما الى ذالك

يعني الواحد تصير برقيته من البدايه انو لقيت قبول بجامعة كذا كذا ولكن ما اقدر اسافر عشان ماعندي تكاليف الدراسه وصدقوني ماراح يخيب ضنكم إن شاء الله

جزآك الله الف خير


وبالتوفيق للجمييع ان شاء الله

ياجماعة لو كنتمن ضمان الطائف وأنا حاليا فيالرياض وأبي من الضمان توصية لرسوم دراسة أنا أدرس داخل المملكة

ياجماعة صلو على النبي

مافي شي اسمه على حساب الضمان الي نبيه من التعليم العالي منحه وتقريبا المنحه ماتجيك الى اذا كان وزير التعليم النعقري اخوك ولا ابوك

المهم بما اننا من الضمان في حاجه راح افهمكم عليها ان شاء الله يتساهلون معانا لان حتى الناس الي مو من الضمان ياخذون من التعليم العالي

ركزو جميعا

امير الذوق قال جيبو قبول جامعه عشان تكون البرقيه اقوى انا بقولك انت فاهم غلط

بسم الله الحين اشرحلكم

مثلا انت نويت تطلع ع حسابك لانه تبتعث من هنا صعب جدا الى اذا كنت مستوفي شروط القبول ولا اذا معاك (( و )) قوي بعد الله

في طريقه نبدء بها اولا طبعا تبي تختار الدوله وتشوفلك معهد ممتاز وتجيب قبول جامعه مشروط يعني اقصد من مشروط يعني خلاص قبلوك الجامعه لكن الشرط انك تخلص مرحلة اللغه وتجيب درجه في التوفل 500 مثلا زي ماتطلب منك الجامعه

المهم ماعلينا انت الان في السعوديه جبت قبول معهد وجامعه وحددت موعد الدراسه لكن معاك الي يكفيك تقريبا شهر او شهرين وتبي تنظم للبعثه بدري ماتبي تطول لان الميزانيه ماتسمح

بعد ماتجيب القبولات الي قلنا عليها ادعس على التعليم العالي وقول لهم دراستي حتبدا ابي (( امر اركاب))

ماهو امر الاركاب ياعاصم امر الاركاب سلمكم الله تذكره ذهاب فقط !!

طبعا بيجي واحد بيقول مسوي زحمه عشان تذكره بس واتمرمط في الوزاره عشان تذكره وذهاب فقط

ياحلو لاتستعجل امر الاركاب ذا لو اخذته ابشرك راح تنظم بدري يمكن ماتكمل شهر الى وانت ملتحق في البعثه تخييل وناسه صح هههه

هذا لاأخذته في نفس مبنى الوزاره في مكتب الطيار احجز موعد الرحله وتوكل ع الله في الدوله الي اخترتها

وابشرك لمن يكون معاك امر اركاب (( تعامل معاملة الطالب المبتعث )) بالله مو وناسه

يعني يستقبلوك الملحقيه السعوديه في المطار وبفتحو لك ملف طالب دارس ع حسابه الخاص وكلها شهر بالكثير الى وانت منظم في البعثه يعني اتوقع تصرف 10 الاف ريال فقط لاغير

وابشرك لما يكون معاك امر اركاب انت اولى من غير في ارسال الملف يعني لو الان عندي ملفين واحد دارس سنه على حسابه ومستوفي جميع الشروط وواحد له تقريبا اسبوعين ومعاه امر اركاب تدري ارسل ملف مين الاول ؟؟ طبعا الي جاي معاه امر اركاب من جد وناسه

هذا وصلى الله على نبينا محمد

ع فكره امر الاركاب موقف حاليا لانه في اثنين من الطلاب الله يهديهم لمن سافرو ع امريكا راح تهاوشو مع الملحقيه قالو معانا امر اركاب الان تظمونا ههههه خربوها الطلاب وبعدها الملحقيه اشتكت وتم ايقاف امر الاركاب الى اشعار اخر يعني راح يرجع ان شاء الله

مستفيدي الضمان اعتقد انه سهل سهل سهل جدا يحصلون على امر الاركاب

الطلاب المرتاحين ومعاهم فلوس ويقدرون يجلسو 6 اشهر ع حسابهم الين ينظمو ماتركوه

كل يوم تشوفه في الوزاره اخذ موعد مع الوزير ويلا من الساعه 10 يبدء الوزير يقابلهم وانت واسلوبك ان شاء الله يتم صرفه لكم

فمابالك لمن تروح ومعاك ورقة تعريف من الضمان انك من مستفيدي الضمان اعتقد الوزير او نائب الوزير د/ علي العطيه بدون نقاش راح يأمرون بصرف امر لااركاب لك



انا بشوف وش حصل في معاملتي لو مصيرها مصير جميع المعاملات

بتوكل ع الله واجيب قبول لغه وقبول جامعه مشروط واروح ابات في التعليم العالي الين يصرفون لي امر لااركاب هع

ملاحظه وزير التعليم او النأئب ماراح يعطيك وجه لو ماجبت قبول اللغه والجامعه

واخر نصيحه اقولها لكم الي ناوي يدرس برا لاتروح على كندا تدري ليه جامعات قويه + مكافئه كثيره خخخخخ 2700 دولار تخيلو مايقارب 10 الاف ريال سعودي

اما امريكا مكافئتها 1700 يادوب تكفي اجار سكن + مصاريف

اعرف واحد كان يدرس في كندا وبعدين حول لاأمريكا يحلف الطالب انه لمن كان في كندا يوفر 1000 دولار في الشهر يعني 4000 ريال

يقول جيت أمريكا وكل المكافئه اجار + مصاريف مايجي نهاية الشهر والى وانا ع الحديده



واسئل لكم التوفيق في الدارين