اختي د ل خ 666 وسعي صدرك ترى النجاح مايجي بالساهل ....خليك عمليه واجمعي فلوس مشروعك بنفسك ....طريق الالف ميل يبدا بخطوة ....ابداي ..الكلام واقعي ومافيه تحطيم ابدا لكن يبي منك مجهود جامد ....
اكتبي قصصك وارسليها الى مطبعه او اكثر من مطبعة في البلد وفي الخارج واعيدي المحاولة ..
راسلس مجلات الاطفال واكتبي قصص لهم او في ملاحق ااطفال في المجلات الاخرى ..
اثبتي انك كاتبة مشهورة وبعدين رايح تجدين الالاف لداعمين ....
المشاريع الناجحة تبي تعب وقوة ارادة حاولي بدل المرة الف ....
وكلنا بالخدمة في مجال الكتابة والتحرير ....
فكلنا لنا كتاباتنا ونحاول ان ننشرها ....اختي اذا كنت جادة ارسليلي على الخاص التفاصيل وانا شغلتي ادولر الممولين والدعم المادي والمهني والله يوفقك ...انتظر منك الرد ...

صحيح ليش أربع قصص ليتك تواصلين الكتابه لأن الزيادة إذا مازادتك خبره مانقصتك

ولا فيها إلا المتعة وزيادة الثقة بالنفس , وأيضا خير يرجى أفضل من وقت مهدر بلا فائدة

وفقك الله

طيب انا عندي فكرة
ليش تعملي مجله وتخسري نفسك

ليه مثلا ماتععملي محل صغنون او كشك في سوق او حى تكلمي محل تحطي اشياك عنده
اعملي قصصك واعملي لها غلاف معتبر واعطيها المحل
وذا الحل لفترة موقته لين ماتشوفي كيف اقبال الناس اذا كويسة ابديء واعملي محلة

شي ثاني المحل لو تبيعي فيه اشياء اطفال وتكون فيه القصص
والله يوفقك

السلام عليكم
لا لـ التحطيـم !
كـ بداية ودام عندك هواية الرسم مثل ما فهمت
وعندك مخزون قصصي لا بأس فيه ..
ليه ماتنشأين لك موقع على الانترنت ، ولا يكلفك ولا [ 1000 ] ريال !
ومن ناحية البرمجه والتصميم كـ لها موجوده ومجانيه بعد !
يعني الشغل كـ بداية ، وبالعكس الان الانترنت في السعودية تطور بشكل
غييييييييييير طبيعي ، اتحدى الان بيت يخلو من الـ DSL ..
يعني بـ الرياض مثلا اتوقع نسبة البيوت اللي مافيها DSL او شخص يستخدم النت تساوي [ 10 % ] بس .. طبعا باستثناء كبار السن وبيوتهم وكذا ..

اذاً المشروع مبدئياً ناجح ، ممكن تقولين مافيه ارباح ؟
ابقولك بدل ما انتِ جالسه كذا ع الفاضي ، ع الاقل خذيها
كـ بداية ساعة صدر ، وبعده ان شاء الله بيتحقق لك النجاح

طبعاً اكلمك وانا مجرب هـ الشي " اقصد مواقع الانترنت "
وتقدرين تسوين اعلانات لموقعك او مجلتك على الانترنت
من خلال " التبادل الاعلاني " بين المواقع والمنتديات ..

وغير هذا كله ، ان مواقع ومنتديات الاطفال قليله الان ..
والاطفال الحين صاروا احرص من ابوانهم على التقنيييييييه !
فكويس ان الاهل يتطمنون على ابنائهم في دخول منتدى او موقع او مجلة متخصصه لهم

والله يوفقكم ..

السلام عليكم

احييك اختي على هذه الفكرة المميزة والتحي تحمل الكثير من الابداع
لكن وش رايك بمجلة للفتيات يعني البنات في اعمار المتوسط والثانوي وحتى الجامعة
تكون متنوعه وفيها مواضيع تهم الاعمار هذي
اعتقد من الناحية المادية بتكون مجدية اكثر وفيها ربح افضل
ممكن تكون مجلة نسائية موجهه للفتيات وتطرح المواضيع اللي تهم الفتيات مثل الأزياء والموضة لكن تكون بأسلوب محافظ يناسب عاداتنا وتقاليدنا مو زي المجلات العربية الاخرى

بصراحة مافيه مجلة اطفال ناجحة في السعودية غير مجلة ماجد اللي تصدر من الامارات .
باقي المجلات فاشلة اقتصادياً وماعليها اقبال. ومجلة ماجد تملك طاقم فني وتحريري يضم النخبة من الوطن العربي من كتاب ومؤلفين ورسامين وهذا شيء معروف . يعني ميزانيتها بالملايين .
بس انتي لحالك ويمكن معك وحده او ثنتين مااتوقع بتقدرين تصدرين مجلة تنافس في السوق
طيب ماذكرتي باقي مواهبك هل عندك موهبة الرسم وتقدرين ترسمين شخصيات كاريكاتيريه زي قصص ميكي وغيرها . ؟




فكري بالموضوع وردي علي

الحمد لله أنا أجيد الرسم بس موضوع انشاء مجلة من كثر ماقريت عنه خفت منه هو أقرب للفشل منه للنجاح
عموما الله يكتب لنا جميعا اللي فيه خير في الدنيا والأخره
شاكرة مرور الجميع

اختي تبين شوري راسلي مجلات لبنانية-ترى اصلها في الحقيقة سعودية في التمويل او مصرية ناس تقدر الموهبة بعدين فكري بمشروع المجلة ...المهم كتاباتك حافظي عليها ولا تسمحين لاحد يحطمك ......وربنا يوفقك ...

وين اللاخت صاحبة الموضوع



انا عندي نفس الفكره .. وارغب بتنفيذها


وهذا الموضوع فادني كثير ... واتمنى احد يشاركني نفس الفكره حتى اتشاور معاه في سلبياتها وايجابياتها