اخواني الاعزاء افراد قيادة القوات البرية بالرياض ( الخلية )

حبيت استفسر هل يوجد تقديم في القيادة سواء سايق او شرطة عسكرية لاني سمعت كلام كثير عن التقديم في نفس القيادة بس بالواسطة اخوكم معه ثانوي عامة و عمومي فقط.....

و غير ذلك ابغى اعرف الطريقة حقت التقديم

تكفون يا رجال ابغى العلم الاكيد و العلم اللي يجمد على الشارب مو كلام وراعين يرفعون عدد مشاركاتهم

و شكرا مقدما

الأخ مقاطي مكة,,,,,,,,,,,, آمرني حبيبي رسالتك ع الخاص ماوصلت ماادري ايش المشكلة

اخوي احترامي للتعليم

ابغى اعرف الله لايهينك طبيعة التقديم من الالف الى الياء
عادي اروح تجنيد الطايف او لازم الرياض
لان عندي فيتامين بالطايف بينفعني بعد الله سبحانه

شاكر مرورك

والله وأنا اخوك اهم شي بهالوقت الفيتامين مادام معك من يمشي امورك بعد الله روح الطائف

اما عن طريقة تقديمي فيتامين ضبط اموري بقيادة الشرطة العسكرية اللي بحي الوزارت بالرياض ورحت ع الموعد اللي عطاني الفيتامين وطول ووزن وبعد يومين قالوا تجي على مركز صحي حي المروج وكملنا الكشف الطبي بفضل رب العالمين ثم الفيتامين هههههههههه الله يرجك والله اكتبها وأنا اضحك حلوه فيتامين............ ع العموم اي شي قاصرك من معلومات اسأل وراح افيدك باللي اقدر عليه

س/ بالنسبة للتخصصات عادي اجمع عمومي مع شرطة عسكرية و لا هم يختارون على كيفهم
شوف انا اعرف ان الشرطة العسكرية الخاصه للبرية لها قياده لحالها وضني اذا قدمت عندهم بالرخصة مابتكون في سلاح النقل بتكون سائق بالشرطة العسكرية وللمعلوميه انا يوم كملت اوراقي جيت بظيف الرخصه الخصوصي قالي لا لو كانت عمومي كان تقدر تضيفها يعني بإذن الله راح تفيدك كثير
س/ بعد ما اقدم بالطايف مثلا كيف يرسلون اوراقي و هل يعطوني رقم معاملة او اخذها من الرياض
تقريبآ يعطونك رقم المعامله من الطائف بس اذا تبغى تتابع معملتك من الرياض
س/ بالنسبة للتقديم اللي بالقيادة بالرياض لازم فيتامين لان ما عندي لا فيتامين واو و لا الف و لا با
ووين اروح بالضبط
والله وانا أخوك ما أدري ايش اقولك لا كن الأغلب بلواسطه انك بتمشي بس احيان وعلى حسب ردود بعض الأخوان انها تجي معهم تساهيل من ربك انا اتكلم طبعآ عن الشرطة العسكرية لاكن التخصصات الثانية اللي من الخلية على حسب كلام الأخ وسام انها ماتحتاج واسطة
س/ هل لهم وقت محدد و لا على طول السنة تقديم
الشرطة لهم اوقات بس مزاجيه لاكن قيادة القوات البرية طوال السنة على حسب كلام الأخوان والله وأعلم
الله يعينك على الاسئلة بس استحملنا خلاص صملت اني اروح و يا خير يا شر
لا والله عادي بالعكس أحنا أخوان والمساعده بيننا واجب علينا
رووووح وانشاء الله خير وعسى الله يوفق صدقني مادام انك تسعى وتدور ربي بيسهلك رزقك عاجل غيرآجل انشاء الله

[align=center]الف شكر لك اخوي

و فالك وفالنا الوظيفة يا رب

ان شاء الله يدقون عليك و تتسهل معك يا رب

و بالتوفيق للجميع
[/align]