السلام عليكم ورحمة الله وبركاته

اولاً كل التحية لكم اعضاء هذا المنتدى على جهدكم الواضح سائلاً الله لكم التوفيق والخير إن شاء الله فيما تقدمونه من عون وحلول للأخوة الأعضاء وقراء المنتدى.


وأود الاستفسار منكم في موضوع تأسيس مشروع


والمشروع هو فكرة إنشاء مطعم مشابه لمطعم منؤشة ( منقوشة ) فطائر وفخاريات إلخ
طبعا مثل فكرة المطعم لكن بحجم أصغر لا في المكان ولا الطلبيات وسيكون مقره خارج الرياض يعني في محافظة من محافظات منطقة الرياض لعدم وجود مثل هذا المطعم او الخدمة.

وأتوقع له النجاج إن شاء الله لعدم وجود منافس ولقلة المطاعم ذات الجودة العالية

وينحصر الاستفسار في التالي

كيفية الحصول على معلم خاص بالفطائر يقوم بعمل الفطائر مثل مطعم منؤشة وماهي الطريقة المثلى للحصول على معلم متقن وعمالة او كيفية تدريبهم ..الخ

مستلزمات المطعم من فرن وصاج .. واماكن الحصول عليها والتكلفة التقديرية لتأسيس المطعم علما أن المطعم سيكون على الأقل محلين مقاس 4*6 للمحل يعني 8*6 او يزيد شيء بسيط

ياليت اجد الإفادة عن الموضوع وما يتطلبه مثل هذا المطعم وإن كان هناك أفكار او اقتراحات لإثراء الموضوع لتعم الفائدة لي ولغيري ان شاء الله .. متمنيا ًالتوفيق للجميع ..

للرفع ياليت يرد احد علنيا ولوجبر خاطر

الله يوفقك دنيا وآخرة وياليت عندي المعلومات اللي تفيدك بس للأسف .

وعليكم السلام

مشروع رائع واتمنى لك التوفيق

والله يسهل امورك يجى من يفيدك اخوى

الله يوفقك

بالنسبه للطلبات من البلديه و الدفاع المدني فيه موقع اسمه معقب نت الظاهر

بس الافضل تروح لاي معقب يعطيك وش المطلوب لان اجرائاتهم تتغير حسب المزاج

والباقي مالي علم فيه وان شاء الله الاعضاء يفيدونك ولاتنسى صلاه الاستخاره ترى فضلها عظيم

اهم شئ في المشروع المعلم وانصحك بمعلم تركي لأن وجود تركي في المحل يجلب الزبائن الاتراك ماركة لدينا في المطاعم والمفروشات مع العلم ان العمالة اللي تشتغل بنقالية لكن وجود التركي هو المهم صاحب محل مفروشات لديه عمال بنقاليه وممتازين في تنجيد الكنب وموديلاته جميله ولكن المحل لم يشتغل لأن العمال بنقاله وجاب تركي براتب 4000 ريال فقط ليبيع في المحل واشتغل المحل ماهو سر اعجاب الزبائن في الاتراك لا اعلم ؟ .

بالتوفيق يارب

بالنسبة لاسئلتك ما يجيب اجوبتها الا ابو هند
شوفلك احد موضفين منؤشة اية اية منؤشة بعينة خخخخ مع اني ما اعرفة ولكن اذا معجبك روحلة
وشوف عامل هندي او بنقال اهم شي يكون غير المعلمين حتى لو الي يشيل زبالة المطعم الله يكرمك والله اتكلم جد
واعطة 200 ريال وقلة الاسئلة الي عندك كلها وقلة لك مثلها اذا جبت لي المعلومات الطيبة والله عطة 24 ساعة بس ويمكن ساعتين الله جايبلك كم عدد عيال المعلم بعد واسم حرمتة !!!!
لا تستهون تراهم مصايب هالعمال ؟؟؟

بالتوفيق يارب

السلام عليكم ورحمة الله وبركاته

الله يعطيكم العافية جميعا وما قصرتوا

بالنسبة لمووضوع الدفاع المدني والسجل إلخ.. امره بسيط جدا شكرا لك ..

انا اقصد فكرة المعلم والمعدات وافكار اخرى


عزيزي كلنا يد وحدة فكرة حلوه بس ما أدري وش تبي لكن مشكور فعلا

تحياتي لكم جميعا وما زلت انتظر اضافات تثري الموضوع

بمانك بمنطقه نائية لاتنسا تضيف للمنيو ميني فطاير (الفطاير اللي حجمها صغير )وبيعها بالكيلو لان تنفع للمناسبات عندكم اكيد لو واحده من منطقه نائية جاينها ضيوف على العصرية محاترسل احد للمدينة يجيبلها فطاير حقت المناسبات يسير محلك يسد النقص
وعندك الشاورما مادام تركي المعلم استفيد من هالنقطه
وخلي محلك شغال بالصبح لزوم الفطور عندنا محل التركي اللي جنبنا بالصباح والليل شغال وبعضهم مايفتح الاالعصر
والله يوفقك بس لاتنسا حكاية الفطاير الميني تعرف البنات والحريم مايحبو فطاير الحجم الكبير سواء منئوشة ولاغيره
ياريت تفهمه يعمل حجم صغير يادوب حق قضمتين ....ترا احنا البنات كده لزوم اتيكت ماناخد الاالحجم الصغير للمناسبات