يا اخوان السلام عليكم ورحمة الله وبركاته .شرينا وينت طويل انا وزميلي ونبغى نشتغل عليه في شراء الخضار والفواكة وقررنا نشتري بطاطس من ساجر ونزله في سوق الجملة عندنا بالرياض,,,رحنا السوق في الصباح الباكر وتحطمنا سعره طايح مره ،،فكرنا نتجه لشراء الطماطم ونبيعها في السوق بالجمله فتكفون الي عنده خبره يقول لنا.
1- من يدلنا على مزارع تبين بالجمله في الخرج او مدينه قريبه من الرياض
2- هل بنحصل خير من هالمشروع والي عنده اضافات فلا يبخل علينا وربي متحطمين لابعد حد
علما اننا رحنا ادارة السوق وقال ترى دخول السيارة بفلوس ،والدلالين بفلوس وربي ما عرفت وش السالفه هل الدلالين هم راح يبيعون البضاعة في السوق ولا ياخذون السيارة ويوزعون البضاعة على المحلات ...........فزعتكم وربي من التحطيم نفكر نبيع السيارة وكل واحد ياخذ نصيبه

والله نفسي اخدمكـ

بس ما بيدي الا اني اسأل المولي الكريم لك ولزميلكـ رزق حلال طيب مباركـ


وعليكـ بالاستغفار

((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))


وبالتوفيق يا اخويا

المفترض منكم درستم المشروع قبل ماتاخذو السيارة وعرفتم المناطق اللي تاخذو وتبيعو منها وحسبتو كم تكلف وكم تدخل لكم..الخ
وشوف هذه المواضيع ممكن تفيدك:
http://btalah.com/showthread.php?t=285813
https://www.btalah.com/t124087.html
https://www.btalah.com/t122537.html

جزاكم الله خير وبارك الله فيكم وفتح علينا وعليكم وادعو لنا بالتوفيق

ليش ماتحطم وماعليك من الجفور اللي يقولون انت استعجلت >> مااقصد احد

تجارة الخضار حلو وناجحة وخاصة ماشاء الله يوم الجمعة الربح دبل

اشتري كمية معينة 2000ريال او 3000 اكيد ربحك بيطلع 5000 ريال شف للك اقرب جامع بالحي او في المنطقة


الوانيت >> احب هالسيارة هذي لها فوائد مو شرط تحمل الخضارة فقط

بالعكس اعمل فيها من جميع الاطراف

مثل حمل العفش - محلات الاثاث والمكيفات ومحلات التصليح اعمل للك اتفاق معهم خاصة اسواق الحراج اعمل اتفاق مع محلات الدكاكين والله روعة كل حملة 100 ريال او 50 ريال



يعني الزبدة لازم تحلل هالوانيت


وعليك بالاستغفار والصدقة


ودمتم سالمين ياعرب

وا دوك

اخي الكريم الوانيت تستفيد منه باشياء كثيرة

الخضاروالفواكه

السكراب تجميع الخرده

ايضا تحميل للعفش

الله يوفقك

ياعزيزي ليش التحطيم بالعكس عزائم الرجال تهد الجبال بكره تروح تاخذ لك فره على المحلات تعرف سعر البطاطس والبصل والطماطم وانسى الباقي حاليا وروح السوق الكبير في مدينتكم واعرف السعر وشوف الفرق اخذ لك كمية من كل نوع 10 اكياس بطاطس 10 بصل والبصل انواع انتبه وصناديق طماط وووووينك يأ اهم اشارة في عند اقرب جامع او مجمع وبيع واحسب ربحك .. والله يوفقك يارب

جزاكم الله خير شديتو من همتي واسال الله ان يفرجها وان يرزق كل محتاج وبارك الله فيكم جميع