[align=right]
السلام عليكم ورحمة الله وبركاته

اعزائي ماهي شروط الاساسية في تربية وبيع الأغنام ماهو النوع الأفضل والمطلوب وايضا من ناحية الانجاب ؟
حيكون عندي راس مال بحدود 100 الف بكم اخذ اغنام واخلي للأعلاف
ابي اسماء واضحه للغنم حاولت اعرف وابحث في الانترنت مالقيت اجوبه واضحه يعني في شي اسمه حري (؟) طيب شلون حري في شي نجدي نعيمي .
ماهو أسم النوع الافضل وياحبذا صورة له
من اين اشتري الاعلاف وماهو نوعها جاف او طازج برسيم او شعير ؟
كم راس اناث اخذ وكم ذكور وهل اعزلهن عن بعض ؟
ماهي الرخال والمدافيع و مضاريع ؟
[/align]

ههه ضحكتني والله اخوووي حلوة ذكور واناث هههههههه

شووف الماعز
جفره ( الانثي ) تيس ( الذكر ) هه
الضان
( رخل ) الانثي ( طلي ) الذكر

انا اقلك شىء راجع الخاص موقع خاص

السلام عليكم ورحمة الله وبركاته \



حياك اخوي

عندي كم معلومه بأقولك اياه

أول شي لازم يكون عندك مكان ( حوش ) وفيه شبوك

طبعا فيه ناس عندهم ان الغنم نوع واحد وهذا خطاء بل يختلف
الظأن :
اولاً : النجدي وهو مرغوب عند اهل نجد خاصه واهل الخليج عامه ينتج بالسنه مرتين تقريباً
ثانيا : النعيم وهو معروف عند اهل الشمال وبالخليج عامه ومثل النجد ينتج مرتين بالسنه تقريبا واقل امراض من النجد
ثالثا : الحري مفضل لأهل الجنوب وله كم سنه اشوفه بنجد ولا اعرف عنه شي
رابعا : الساكني وهو قريب جداً من النعيمي

المعزآ
أولا : العارضي ويشتهر بـ نجد بكثره وينتج مرتين بالسنه وغالبا مايتاوم
ثانيا : المصري نفس العارضي باختلاف بسيط جدا
الهولندي :
السوري:
الحبشيات:
الجنوبيات:
ماكتبت معلومات عنهن لأنهن نفس الطبع لكن يختلفن بـ اشكالهن ولهن مزاين بعد خخخ

وادخل على موقع اغنام وتلقى كل شي هناك ان شاء الله

ولازم تدخل السوق كل يوم خميس وجمعه لو ماشريت تكتسب خبره والله يوفقك يالغالي

يالغالي إذا كنت بتحط 100 راس يكون مصروفه اليوم 100 ريال شامله الشعير وبرسيم والادوية يعني يطلع بشهر 3000 الف ريال

هذي دراسة تفيدك صحيحة الدراسة بعد تاكد
هذه دراسه مبسطه لمشروع اغنام 100 راس

وهي على النحو التالي حسب ما شاهدته وقرأته واستمعت اليه من المربين

وذلك بالتنويع في العلف اليومي

( شعير - نخال - برسيم - رودس - تبن - مكعب ... الخ )

وذالك بوضع علفين او ثلاثه يوميا

وعند حساب التكلفه تصل يوميا مع العامل وجميع

ماتحتاج الغنم 80 هلله يوميا للراس

شراء غنم متابيع جميعا
عزل الطليان للتسمين وحدها
تخصيص فحل لكل 25 راس

اعتماد جعل العلف متواجد للطليان بشكل مستمر مع رضعتين يوميا فقط
تجهز الغنم للقريع في وقت موحد باستخدام الاسفنجات للاغنام والمقويات للفحول

بعد مضي ستة اشهر من تاريخ الشراء تكون النتيجه على النحو التالي

الامهات المنتجه 100 راس وهي التي بدينا بها المشروع
50 رخل بنات الغنم الي شريناها معها بالاول واعمارها 6 اشهر ومافوق
50 طلي جاهزه للبيع اولاد الغنم الي شريناها مع امهاتها
100 رخال وطليان صغار انتاج الغنم الحالي الولده الاولى لدينا

اسعار العلف خلال السته الاشهر التي علفنا فيها الغنم من حسبنا الخاص على النحو التالي

80 ريال يوميا لجميع الروس

80 * 180 = 14400 ريال لمدة ستة اشهر للامهات + 7200 لعيالها = 21600

قيمة بيع الطليان الي اعمارها ستة اشهر

50 * 650 = 32500 ريال

حساب التكلفه يساوي الانتاج - التلكفه + النفوق + الاكل منها

32500 - 21600 =10900 ريال صافي الربح

10900 يشترى بها روس جديده لاضافتها الى الغنم متابيع

10900 ÷ 800 = 13 راس جديد متابيع

السته الاشهر الثانيه تكون على النحو التالي

الاغنام الجاهزه للانتاج والقريع

الامهات الاساسيه + بناتها الاولى + الروس الجديده

100 + 50 + 13 = 163 راس منتج لسته اشهر الاخرى

بعد مضي السته الاشهر الثانيه

تكون النتائج كالتالي

163 روس منتجه + 50 راس منتج جديد بنات الغنم من الولده الاولى لدينا = 213 راس جاهز للانتاج

الطليان الجاهز للبيع 50 طلي بعمر 6 اشهر

50 * 650 = 32500 ريال

التكلفه لستة الاشهر الثانيه كانت على النحو التالي

عدد الروس 163 كبير = 80 هلله للراس

113 راس صغير = 40 هلله للراس

131 + 45 = 176 ريال يوميا تكلفة الغنم اليوميه

176 * 180 = 31600 ريال تكلفة ستة الاشهر

قيمة الطليان 32500 - 31600 = 900 ريال صافي الربح

يعني خلال سنه

136 راس منتج + 50 رخال تجهز بنهاية السنه للانتاج = 186 راس منتج

100 طلي تم بيعها بقيمة 65000

163 طليان ورخال صغار وليد

تعليف الغنم منها فيها يعني ماخسرتنا شي من جيوبنا

اخيرا

عدد الروس الكلي بعد نهاية النسه منتج وغير منتج وصغار وكبار

163 + 163+50 = 376 راس الغنم جميع الغنم بنهاية السنه

يعني بدينا ب 100 راس متبع 200 راس صغار وكبار

376 - 200 = 176 راس مكسب

اخوي عاطل جالس انا قريت الجدوى ذي في مواضيع كثير وانا ماني خبرة لكن انا اشوف ان الغنم ياكل باكثر من 80 هللة في اليوم لأن تقريبا ال 20 راس يبغالها حزمة برسيم يوميا وذي قيمتها 27 ريال وان قللت في البرسيم لازملهم شعير حوالي 10 كيلو في اليوم والشعير الكيس ال 50 كيلو ب 38 ريال انا شاريه امس
وغيرها العلف الوافي ال50 كيلو ب 48 ريال والقصب الحزمة ب 22 ريال وذي الاسعار في مكة حاليًا مدري برة مكة كيف الاسعار

وبالتوفيق ان شاء الله وياليت صاحب الموضوع تذكر لنا مكان الارض