السلام عليكم ورحمة الله وبركاته
صباح/مساء سعيد على الجميع
حقيقة للان ماسجلت بجدار اليوم ثاني وبكره اخر يوم موقع فضيع ,,ماقبل كلمة السر القديمه ,,,ارسلت لهم نسيت كلمة السر اكثر من عشرين مرره ,,يكتبون لي تم ارسالها للايميل تاكد ي من وجودها بالجنك ميل ,,علما ان بريدي gmail,,افتح ادور مالقا اثر لكلمة السر ,,ارسلت للمساعده والدعم اكثر من عشر مرات ردو مره ...وبعدها لاخبر ,,وردهم الي على ايميلي مثل عدمه عباره عن تكرار لك المحاولات الي انا سويتها ولا جت بنتيجه تذكر سوى ضياع الوقت والجهد وتلف الاعصاب ,,,بلييز ساعدوني وش الحل اذا ما ارسلت لي كلمة المرور مع انهم كتبو ارسلنا ,,لكن ماوصلتني والتسجيل ايام معدود ويقفل حرام عليهم مافي اهتمام ولا رد على الاستفسارات!! ,,,,
الله يحرم وجيهكم عن النار افزعولي ,,,الله يفرج كربكم وييسر اموركم ساعدوني ,,
انا واثقه انكم ماراح تخذلوني عشان كذا كتبت شكواي بمنتداكم الرائع وكلي امل توجوهوني الوجهه الصح والغير مكرره يويلي ويلاه ماسجلت مثل بنات خلق الله,,,,تحياتي للجميع

عادي اذا بريدك ماهو صح اكتبي تحت الخانه لا بدل نعم وسجلي بريد جديد اهم شي رقم الجوال اللي سجلتيه بالاول بجداره

جربي كمبيوتر ثاني ممكن الكوكيز عندك عليه حظر

افضل طريقه انك تغيرين البريد الالكتروني لهوتميل

موفق بإذن الله ... لك مني أجمل تحية .

في بريد الهوتميل نلقى كلمة السر اذا ارسلوها في (غير هام )
ماادري بريد gmail
فيه غير هام او الرسائل المهملة
بحثي عنها في مجلد Junk أو Spam أو بريد غير هام