تسلم اناملك على الخبر

الله يوفق ويفتح على الجميع ابواب الرزق..

يارب يكون لنا فيها نصيب

كل سنه اتعنى واروح الديوان ( الي بديوان صارو يقولون يافلانه لك ملف عندنا ) خلاص قدمنالك
روحي وانتظري النتيجة بالجرايد

كل سنه انصدم بعدم التوظيف انا خريجة ( الكليه المتوسطه سنتين ) + دبلوم حاسب آلي بتقدير ممتاز + دوات كثيرة + خبرة تدريس حاسب آلي

العام روحت اقدم بينبع الصناعيه ( قالت مالك شي عندنا روحي جيبي شهادة بكاليريوس وتعالي قدمي )
حطمتني وانا جايه مشوار بعيد ولا فوق هذا كلو قالت انت مو من بنات ينبع جيبي شهادة تثبت ان ولي امرك او احد ن اقاربك ساكن هنا ) يعني بالعربي تعقيد

قالت خلاص مابدها بكمل البكاليروس ( عشان اكمل انتساب لازم ادفع بالمدينه 60000 كاش_
والتخصصات محددة ومالها فايدة ودي اكمل حاسب آلي او علم نفس ---- قولت خلاص خلينا بجدة ( كمان صعب كل ترم 3000 )
طيب احنا ما توظفنا كيف بندف هذي المبالغ ) كيف بنطور انفسنا ومحد فتح لنا المجال

صدق الي قال كل ما اطقها تطلع عوجا )..........

الديوان حطم امالي العريضات ( الي معاه دبلوم كان معاة مرض خطير )
ويطالبون بالخبرة واحنا محد راضي يوظفنا بشي

ابسط مثال ( من فتره سمعت ان زميله لي تدرس حاسب آلي باحد الثانويات ) استغربت كيف وهيا معاها 6 شهور بس

يوم سالت قالو لا هيا بكاليريوس + ست شهور حاسب آلي

طيب انا دبلوم حاسب بمعدل ممتاز مع مرتبة الشرف الأولى

والله فكرت ارمي ملفاتي بالبحر ( تعقدنا ويقولون الاولويه لخريجات السنوات الماضيه ) وماعندك احد

عموما المويا تكذب الغطاس وياخبر بفلوس بكرى ببلاش

راح اديلكم اخبار الديوان اول باول اذا ربي راد وكتبلي العمر لذلك الوقت

مشكور اخوي على الخبر

ومعليش على الاطاله ( الديوان حرق قلبي من مدة )

دمت بحفظ الرحمن

كذب في كذب
لا تصدقون تصريحااااااااااااااااااات العالم لهم اكثر من عشر سنيين مالقوا وظائف والحين بيوظفون مين ويخلون مين؟ يارب لا تخيب رجانا