السلام عليكم ورحمة الله وبركاته

أنا يا شباب شاب عاطل عن العمل خريج تقنية حاسب
منعوني من العسكريه بسبب اصابة والاصابة أضعفتني صراحه صرت ما اقدر اشتغل شغل جسدي او اشيل اغراض ثقيلة

وفوق هذا حافي منتف
ما عندي سياره اروح واجي واكد عليها

يعني عطال بطال جالس بالبيت لا شغل ولا مشغله
وحافز ما ينزل لي الا بعد 6 شهور عشان توي خلصت دورة حاسب


اذا ممكن تفيدوني بأفكار اقدر اشتغل فيها ولو كان مكسبها بسيط
لان اغلب الافكار محتاجه جهد بدني او سياره وجوال وانا لا هذي ولا هذي

واذا تبون راس مال
باقدر اتسلف 2000


نوروني بأفكاركم جزاكم الله خير

بما انك خريج حاسب
تقدر تشتغل بمحلات الكمبيوتر مهندس عندهم
والله يوفقك ويسر لك امرك يارب

بالتوووفيــــق ان شـاءالله

وعليكم السلام ورحمة الله

عندك وظائف الاستقبال او المحلات كمحاسب او حتى حارس امن

جميعها وظائف لاتحتاج جهد بدني

وكما قالت نبرة احساس

الصيانة في اي محل كومبيوتر واكيد راح تستفيد خبره منها حتى لو نويت تفتح محل في المستقبل

الله يوفقك اخي ويسهل امرك

ولاتنسى الاستغفار >> داوم عليه وسترى العجب

السلام عليكم شوف اي محل من محلات الكمبيوتر واشتغل عندهم طباعه راس مالك حطلك مكتب صغير وكمبيوتر وطابعه عندهم وكوب قهوه تركي وشغل طباعة بحوث اوراق عمل بكافة انواعها واذا كثر عليك الشغل ممكن تشوف اي احد من قريباتك او غيرهم يساعدونك من البيت يخلصولك اعمال وتعطيهم حقهم بكذا اشتغلت وشغلت غيرك انا دايما اروح محلات الكمبيوتر يدخلون ناس المحل ابغا طباعه تكفى ابغى طباعه ومافيه امل ممكن نفس الشغله تكون في قرطاسيه او مكتبه وهذا العمل مممممتاز جدا وارباحه الى راس ماله جيده والله يفرج همك وييسر امرك000000

الله يوفقك يالغالي

ادخل على الرابط هذا وتعلم للطريقه تراها مرره سهله

وبعدها اوقف عند المساجد بعد كل صلاه وكمان فالاسواق ان شاءالله تلاقي خير يارب

https://www.btalah.com/t412446-2.html

محلات الكمبيوتر ما تبي سعوديين
ماسكينها الأجانب
وبصراحه مستواي ما يأهل يا دوب فورمات وبرامج وشوية في قطع الغيار

اما بالنسبة لاستقبال يا شباب انا ذكرت ان ما عندي سياره
بأروح تأشيره يوميا من والى مقر العمل ونهايتها ألف ريال راحت كلها في المشاوير

وانا كتبت بالقسم هذا لاني ابغا عمل حر
اذا ناسبني استمريت فيه واذا ما ناسبني تركته
زي مثال الأخ الكرام مثال جدا ممتاز
بشوف للمكتبات الشاغره اذا سمحوا لي

ويا ليت الباقي يعطونا أفكار حلوه