شكله مابه أحد من جيل الثمانينات إلا أنا

كان بوقتنا نطرطع طرطعانات أطلق من الموجود الأن ..
الوالد عنده ورشه حقت سيارات و كان يقش القبيله نروح معه و ننتشر في أرض الله
محدثتكم كانت تلقط البواجي حقت السيارات سويت تنظيف شامل بالورشه ..
على طاري الورشه من وأنا صغيره أحب أحوس بالزيوت حقت السيارات عشان أيش ؟
عشان بس أغسل بقاز الظاهر أنه هو و أمسح بمنشفه حمراء حقت العمال اللي يمسحون السيارات

ماعلينا

المهم أجمع البواجي لا جاء رمضان نسوي فيها طرطعانات ..
كنت أزركشه بريش حمام و شطرطون أسود << مخاوية العيال
و أكسر راسه من فوق و نسرق من عند أمي أعواد كبريت و نفتته بوسطه و نجيب مسمار بشويش نحطه و على الجدار أقوى ما عندي
يا سلام يطلع إنفجار يهتز معه جدران البيت و لا يبدأ الشغل إلا بعد الفطور

ترى أبري نفسي لو أحد سوى هالحركه لو أنقطع أصبعه و إلا شي و شيات ما لي دخل
تخبرون عط الخبز لخبازه و لو أكل نصه