ذّكريـــــأإت رمضان

أأأوووم الفلة · #1 (**permalink**) 23-07-2012, 01:31 AM

السلام عليكم كيفكم عساكم طيبين الشهر عليكم مباارك يارب

من زمـــــان ماكتبت موضوع بالواحة على الرغم اني من روادها القدماء طبعاا

بس حبيت احط هالموضوع وان شاء الله يعجبكم

رمضان زمان غييييييير .جملة محد يختلف عليهاا له نكهة خاصة بكل حاجة واكيد كل شخص فينا له ذكريات حلوة مع هالشهر الكريم

المهم هالموضوع لكم اكتبوا فيه ذكرياتكم مع رمضان زمان والفرق بينه وبين رمضان اليوم

ببدآ اول وحدة

اذكر زمان كانوا يخلوني اصوم وانا ماابغى لسا صغيرةوكنت اكل بدون مايعرفون واخبي الاكل بشنطتيولما يجهز الفطور اسوي نفسي تعبانة من الصوم واول وحدة اجلس على السفرةبس اللحين شسمه كبرت وصرت اصوم

الموضوع مفتوح للكل

أم عقاب · #2 (**permalink**) 23-07-2012, 01:47 AM

وعليكم السلام ..

هلا و غلا و سلة حلا لأوم الفله شلونتس يابت ؟ << ذكرتين أنا ملاهيب نجد بفستاني الجديد
مبارك علينا وعليتس الشهر و مبارك على اللي سمعناه الله يتمم عليتس يالغلا ..

/

رمضان شي ثاني يوم كنت صغيره أنا من جيل المدافع اللي تنحط بالبراحات
و يطلقون المدفع عشان الناس تسمعه للفطور ..

كل ما هنالك من طفوله أني أرقى السطح الظهر و أسوي بيت
كنت أجيب حصى و أحطه حدود للغرف يعني هذي غرفه الجلوس و النوم و الطعام و المطبخ
فيه زوليه كانت مركونه في السطح ما يبونه أهلي و أمصع منه خيوط و طالعه مزركشه فيها حبيبات هالزوليه و أزنه بالجدران يقاله زينه
و أنزل تحت على قبل المغرب أقش من الفطور نبي نفطر فوق تقل جن بس أنا و أخوتي

+

تعرفون الليات الحمر حقت العماير
كنا نسويه خيول و نقسم لمجموعتين مع بزران الحارة و الله أكبر نجاهد مع الفرقه الثانيه

+

كانوا عيالنا يسوون جلسات بعد صلاة التراويح كلن يجيب من أهله عيشه
و المتطور يسويه في حوش أهله و يجمع من هالعيال و يحطون شراع و إذا صادف شتاء يشبون نار و يسوون دجاج بالقصدير مدفون
لا جيتهم يطردوني أخواني

يا زينه من أيام بس

أأأوووم الفلة · #3 (**permalink**) 23-07-2012, 01:53 AM

اذا ماخاب ظني انتس ملاهيب نجدوشلون ماعرفك بس وينه عقاب ولدتسالله يبارك بحياتك وعقبالك غلاتي
ذكريات مرا حلوة تجي نعيدهاا يصير ولا مايصير
فديتك نور الموضوع

أأأوووم الفلة · #4 (**permalink**) 25-07-2012, 02:12 AM

افا محد عنده ذكريات يشاركنا فيها طيب مروا سيروا على الموضوع .>مو غصب
وجيبوا معكم شسمه حلا وقهوة

,’

أم عقاب · #5 (**permalink**) 25-07-2012, 02:18 AM

ما يحلى رمضان إلا بالكيرم

أأأوووم الفلة · #6 (**permalink**) 25-07-2012, 02:31 AM

^
فديت روحتس ي ام عقااب محد معطيني وجه غيرتس بس اكيد نورتي دوتس

روح مطير · #7 (**permalink**) 25-07-2012, 02:35 AM

رمضان كان غير بحياة جدي الله يرحمه ...كان كبير بالسن ومن طبعه يرسل أي أحد من الموجودين للمسجد لافطار الصائم....وطبعاً أنا اذا جا وقت الفطور اروح ارتز عنده واول ما يسألني تروحين المســ..جد ما يكمٍل كلمته الا انا واصله المسجد وموصله الأغراض وراجعه لجدي الله يغفر له

رمضان كل سنه من كبرت أقضيه بالمطبخ واسمع صوت راديو جدتي الله يرحمها واذا خلصت شغلي أجلس معاها ونسوولف

بس هالسنه جاء أول رمضان وما سمعت الراديو.. ولا باركت لها

الله يرحمها ويرحم موتى المسلمين

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,

والشهر مبارك ع الحبايب جميعاً

الراآسيه · #8 (**permalink**) 25-07-2012, 07:09 AM

ياهلا بام الفله
انااذكر اني كنت شاطره في تصليح التطلي اوالكاسترد للي مايعرف لهجتي
المهم ياطويلة العمراختك متحمسه وتحركه على النارحتى يوصل القوام المطلوب
وانامنسجمه بالتحريك طاح القدرعلى الارض وطشم وادوره الا هو بسقف المطبخ
وشيء منه لصق بالجدارصارعلامة صفراء

واذكربرمضان كان الكيرم تسليتناونحب نجتمع عليه وابوي الله يرحمه
وكنت هدافه بعدابوي بس اذكرمرة تهاوشنا وخواتي وطارت حبة كيرم
بجبهة اختيوصاحت واتهموني اني الفاعله <<~بريئه
المهم خفت من ابوي قلت اتوزى بالسطح ماكان يحب الغلط
يوم تحريت انه ماقال شيء نزلت من السطح وسيده للمرقد يعنني نايمه
بس مادريت الا محطتين بال ز بيريه ماخلتني اقول اي

اذا طرالي موقف جيت احطه فيذا

انجلش باشن · #9 (**permalink**) 25-07-2012, 08:21 AM

حلووه مواقفكم ماشاءالله ^^

انا عني لاقالوا بكرا رمضان مدري ايش يصبني احوس غثيان ومني طبيعية هههه

بعدين استوعب واعيش الاجووواء ورمضان العام سار لي موقف تصدقون بسبة الموقف مادخلت المول ولا عتبته بعدها بمكل سنة من الان القصة اقصد مول النور كرهته خلاس سار لي موقف غبي ويحزن وكل شىء

طلعنا انا وامي النور بعد صلاة العشاء عاد انا فطوري فطور العصافير ههههه يعني ماكلت شىء يدوبك تمره ومويه وعصير ووبس ولبست عباياتي وعلى النور وجلست الفلف اللين 11 اخر محل سرت اشوف الناس سرااب وكأني بطيييح تمسكت بامي تقول ايشبك اقولها مدري بس احس حيلي طااايح طاحت الاكياس من يدي ههههه نحاااسة شوي وامي ترتبك وتتصل على اخوي وعاد اخوي مسمينه الريح نظرا لسرعته وخفته الفائقة ماشالله هههه

وجلستني امي وانا خلاس شعرة ويغمى علي طلع معي هبوط بالضغط بسب قلة الاكل والنظام الغذائي تلخبط وحوسة

بس الطاامة يوم جاء اخوي شفته يجري وخايف ويوقومني غير ماسكني بيده وحاضني قلت الناس يحسبوننا عرسان هههه

أثناء مو شايلني جاءه ولد شباب يقوله هاذي معها هبوط جلسها وارفع رجوولها فوووق وقسم بالله فززيت من مكاني يمني عدت ولا اخوي بيرفع رجوولي قدام الناس !

وانا امسكه مع يده واصيييييييييييييييييح اقوله لالالا والله ماترفعهاا هههههههههههههههههه
وامي تقول ارفعها والرجال وواقف يطالع وترني مرررا ينرفز والحريم يطالعون انا خلاس انخبلت ارفع لاترفع وجلست ابكي زي الطفل ودوني البيت ودوني البيت اه والله اني خايفه اللحين اروح افكر اشتري من بييير كاردن او اي ماركة محل لحاله بدون مول تعقدت

عاد انا معاي انخفاض بالضغط بس الحمدالله خفيت كثييير الان اللهم لك الحمد والشكر ! &&

أأأوووم الفلة · #10 (**permalink**) 25-07-2012, 02:18 PM

روح مطير نورتي الموزوع اووي اووي والله يرحم من فقدتيهم جنبك هالسنة والشهر عليك مبارك

Hejabi Najaty نور الموضوعواي موقف تتذكرينه تعالي موضوع خيتك

لافندر اند دايسي اولا سلامتك وماتشوفين شر ي الغلانوورتي الموضوع ذكريات حلوة للحين بالذاكرة بس كلي عدل وانا اختس

فتكم بعافية

,’