صحيح بس كلية الملك فهد مو كل الصيادلة يوجهونهم مستشفيات قوى الامن
في ناس مخدرات وادلة جنائية وامن خاص

كل عام وانتم بخير جميعا وتقبل الله منا ومنكم صالح الاعمال

حقيقة أنا إستشرت بعض الأقارب بين الحرس والامنية ومن ضمن من إستشرت قريب لي مقدم بالدفاع المدني

فنصحوني بالحرس كون التعيين بالرياض بمركز المعلومات وكون ضباط الحرس لهم سكن وقريبا سينتهي مشروع اسكان للحرس قادر على استيعاب قوائم الانتظار من ضباط وافراد وايضا الخدمات الصحية بالحرس بحسب ما اسمع متميزه

موفق ولا تنسانا من دعاك

طيب انتم وين قررتم؟؟

لاني محتآآآآآآآآآر

كلنا محتارين وانا اخوك
بس اعطيك اللي اعرفه ان الخدمات الطبيه في الحرس افضل
الامنيةاقل تطويرا وبعثات
بس في قطاعات معينه بالامنيه افضل من غيرها وماتدري وين بتكون الا لما تتخرج

8
8
8

انت فدمت اوراقك للحرس؟؟

وين ناوي تروح؟؟

مساء الخير للجميع
ماشاء الله طلع الشباب متجمعين بهاالموقع وانا ما ادري

المهم بالنسبه لأخواني الصحيين واخص الاطباء والصيادله اللي محتارين بين كلية الملك فهد الامنيه وكلية الملك خالد
اقول لكم توجهو للحرس ومن دون اي تفكير انا طبيب وتخرجت من كلية الحرس ولله الحمد دورات وبعثات ومستشفيات راقيه وراح اسرد لكم الفروقات
طبعا جميع الردود اللي ينصحونكم بالامنيه لم ينظروا لتخصصكم ولذلك انا معهم انا الامنيه افضل من الحرس للتخصصات النظريه وبعض التخصصات العلميه لكن بالنسبه للتخصصات الصحيه فالحرس افضل وبكل المقاييس ثم وزارة الدفاع واخيرا الامنيه للاسباب التاليه
اولا- لاتقارن مستشفيات الحرس بقوى الامن من ناحيه رقي المستشفيات وقوتها
ثانيا- تامين افضل المستشفيات لك ولعائلتك ولوالديك بمستشفى الحرس
ثالثا- الدورات والبعثات والتطوير لجميع الصحيين وتعال للبدلات مع كل دوره وانت وشطارتك اذا اشتغلت على نفسك بتلقى الخير يعني عشر سنوات الا وراتبك دبل
ثالثا- التعيين راح يكون في مجال تخصصك وفي المدينه اللي تبيها بنسبة 90%
انا عارف ان فيه مدن صحيه جديده في المدينه والقصيم لكن راح يعينونك بالمكان اللي تبيه وراح يغطون العجز في المستشفيات الجديده بالمدنيين من اطباء وصيادله

بس الامنيه وين بيحطونك ماتدري والتطوير والدورات عندهم صفر يعني راح تنتظر علاوتك السنويه فقط

طبعا هذي نصحيه اخ لكم ومريت في نفس موقفكم وقبلت قبل ثلاث سنوات تقريبا في جميع الكليات العسكريه وتوجهت للحرس ولله الحمد والمنه ولقيت الخير
بالتوفيق للجميع واي استفسار انا حاضر وبالذات الاطبااء والصيادله لان اخوي صيدلي ومعي بالحرس