قاعدة: الوظيفة الحكومية افضل من وظيفة القطاع الخاص
إلا في حالة كون راتب وظيفة القطاع الخاص لشهر يساوي راتب شهرين من رواتب الوظيفة الحكومية.

يعني لو راتبك 16 الف في القطاع الخاص وفي القطاع الحكومي 8 آلاف
القطاع الخاص افضل، غير كذا لا.

أخوي اول حاجه صلي صلاة أستخاره وشوف وين ترتاح فيه
وثاني شي الوظيفه الحكوميه أريح بكثير وامان أكثر , وبعدين انت ماستر يعني الدرجه السادسه وراتبها جدا رائع
واذا انت ماتحب التدريس وتحسه تعب عليك ,تقدر تحول موجه وترتاح

اخوووي التعليمية افضل لك والخفجي ليست بعيده من الدمام كلها مسافة ساعتين ونص ,,

اخوووي شركتك وووين بالجبيل ..؟ مليت من القعده معي بكالوريس علوم حاسب يقبلوووون ...؟

واللي معه بكالوريس اي مرتبة يستحق بالتعليمي ,,؟؟

اخوي عليك بالاستخاره فهي المنير لك والمغنيه عن سؤالك لنا وحيرتك ..
ماقدر اعطيك رأيي برؤوس اقلام حتى اعرف ثلاث امور :

1- طبيعة عملك بالوظيفه الحاليه
2- عدد ساعات العمل باليوم
3-عدد ايام الاجازه ؟ وهل هي دوام او شفتات؟

اشوف بعض الاخوان يتكلمون عن الامان الوظيفي لايوجد شركه تطرد موظف لها ابدا الا نادار .. خاصه اذا كان الموظف منتج ومنضبط .. واغلب الذين يطردون هم من يتوظفون على 4 الاف او 3 لسهولة الحصول ع غيرهم ..

دام راتبك 8600
او حتى 9600 في الخاص

فلا تترد ورح للتعليميه
اخذها نصيحه اخ
وكمل دكتوراه في التعليم الموازي زاتجه بعدها للتعاليم العالي كمحاضر

لا تبقى في القطاع الخاص .. اضمن مستقبلك .. الخاص ماينظمنون حتى لوشركة ولد عمك

ابحث عن الامان الوظيفي مادام الرواتب متقاربه والزيادة اللي بالخاص لاتذكر

واول ماتباشر عملك أرفع اوراق الماستر وتأخذ المستوى السادس على طول


بالتوفيق للجميع

الماستر يحسبونه لك ....
اذا كان ماده تدرس او يستفاد منها في ادارة التعليم

+++

وجهة نظري شوف اللي يناسبك من الجهتين ذول


الخاص الحكومي
فيه تأمين طبي في اجازات طويله



اختار احد الخيارات


النقل مراح تطول لا تشيل هم

نعم لو أنا مكانك كان وقعت في أشد حيرة
لكن لو أنت تريد العمل المريح التعليمي ساعات عمل أقل من الشركات و أجازات لكن روتين يتكرر أما الشركات عملها صح متعب لكن متجدد يقدر الأنسان يطور نفسة
أما مسألة الأمان الوظيفي الأنسان المجتهد في عملة ما علية خوف كل شي محسوب له

ا

من رأيي اشوف التعليميه افضل كوظيفه حكوميه

التعليم كم افضل الوظائف الحكومية

مستقبلك جيد بعد خدمة 24 تحصل على راتب 19391 ريال صافي هذا على المستوى الخامس

انت معك ماستر اذا كان مقبول من وزارة التعليم والخدمة المدنية راح تحصل على المستوى السادس

المستوى السادس اعلى راتب ( رسمي محسوب في التقاعد ) هو 20219 ريال صافي اذا وصلت الى نهاية السلم ( تقريبا 20 سنة فقط ) وبعد كذا راتبك ما يوقف بل يستمر وتاخذ علاوتك كاملة بدون ما يخصمون التقاعد منها وهي 595 ريال سنويا الين تتقاعد وطبعا تكون غير محسوبة في التقاعد ولكن تعتبر ميزة قوية

رواتب التقاعد على المستوى الخامس بعد خدمة 25 سنة فقط تاخذ 12700 ريال ولو تخدم 30 سنة تاخذ 15240 ريال راتب تقاعد

على المستوى السادس خدمة 25 سنة تاخذ 13268 وبعد 30 سنة خدمة تاخذ 15922 ريال

العمل على ارض الواقع مريح جدا ( اذا انت قوي شخصية وتعرف كيف تسيطر على الطلاب وتتعامل مع الادارة )
بالنسبة لي العام الماضي يومين من الاسبوع الساعة 12 اكون في البيت ويوم او يومين الساعة 1 ونص اكون في البيت وعندي يوم اطلع فية الساعة 9 ونص

في الوظيفة الحكومية صعب جدا انك تنفصل حتى لو جاك مدير سيء تقدر تجننة وبينك وبينة نظام وممكن في بعض الحالات يعفى من الادارة اذا جا علية شكوى جماعية من المعلمين اللي في المدرسة

عملك معروف مسبقا من اول السنة الى اخرها انت تكون عارف وش وضعك

ممكن مستقبلا تطلع وتصير وكيل ومدير ومشرف واذا علاقاتك ممتازة تنتقل لادارة التعليم ولو تكمل دكتوراة ممكن تنتقل الى منصب قيادي وللامانة الامور هذي تحتاج علاقات

بالتوفيق