رسالة من طاقات

قصة بطالة · #1 (**permalink**) 11-09-2012, 08:12 PM

السلام عليكم ورحمه الله وبركاته

جتني رساله اليوم بالجوال بعد 9 ااشهر من استلام حافز والرساله هذا نصفها :

كجزء من التزامك في برنامج حافز لابد من حضورك لمركز طاقات للتوظيف .

مسئول التوظيف في مركز طاقات سوف يتصل بك قريبا لتحديد موعد ..

حبيت اعرف يااخوان هل طاقات الزامي او لا يعني عادي اروحله او لا ...

وبالنسبه للاتصال متي راح يتصلون فيني .....

وياليت تعطوني معلومات عن طاقات ابي اعرف كل شي ..

تحياتي لكم

سفير النوايا · #2 (**permalink**) 11-09-2012, 08:18 PM

عادي اول شي يتصل فيك ويحددون لك موعد ويعينون لك مستشار توظيف
يجلس معاك ويعلمك بالوظائف الشاغره ويخليك تسوي سيره ذاتيه
وفيه تدريب ثلاثه ايام اول دوره ابتدائيه وثاني دوره استراتيجيه البحث عن عمل
وثالث دوره مهارات المقابله الشخصيه المتقدمه وبعد كل دوره تجلس مع المستشار
ويشوف وش استفدت وكمان يعرض عليك وظائف ويرسم لك خطه بحث
يعني الدوره ممتعه جدا وتحس انك داخل جو وكوفي شوب مو مكان تدريب
ووبعد كل دوره تاخذ شهاده حضور انا اخذت شهاده استراتيجيه عن عمل
وشهاده المقابله الشخصيه المتقدمه ومن ناحيت الوظيفه مو ملزوم لو ما عجبتك ارفض
وان شاء الله يجيبون لك وظيفه تسرك لاني انا عرضوا على بايع خضار ببنده ومعقب وكاشير بمركز تسويق
وما ناسبتني قالوا خلاص اول ما ينزل شي يناسبك ندق عليك وان شاء الله خير

قصة بطالة · #3 (**permalink**) 11-09-2012, 08:22 PM

بيض الله وجهك اخوي رحيتني الله يريحك لاني كنت خايف ان تكون الزاميه لي

الاخت السعودية · #4 (**permalink**) 11-09-2012, 08:22 PM

ماشاء الله ... طيب ونفس الشئ مع النساء؟؟

قصة بطالة · #5 (**permalink**) 11-09-2012, 09:13 PM

ياليت يحصلون لنا وظايف سنعه مو وظايف اي كلام

همس الخـــيآل · #6 (**permalink**) 12-09-2012, 01:18 AM

يب نفس الشي مع النساء والحظور الزامي اكيد او يتم خفض الاعانة خخخخ يمسكوننا من اليد اللي توجعنا دوووم

الموهيم انا رحت المقابلة واعطوني استمارة اعبيها كاملة وعند خانة هل تريد دورة للتوظيف فعملت لا فهذا اختيارك لو حبيتي مو الزامي

الي ماجابت سيرتها الذاتية بيخلونها تعملة على الجهاز طبعا كتير ماجابو وسببو زحمة
انا كانت معي سيرتي الذاتية وياي خخخخخ
فخلصت اموري بدري وياهم
عرضو علي وظائف متل مكياجي نعومي الخ فرفضت بسبب فترة العمل والاختلاط مع ان الراتب مغري
دحين عندي مقابلة مرة تانية بعد اسبوعين طلبو مني ابحث بالمدارس وحتى يتأكدون اني ابحث اعطوني ورقة اعبيهااا بيانات كل مدرسة اهلية

من ١٥ خانه لازم اكتبها
انا حاليا خلصت حوالي مايقارب ال٣٥ مدرسة عبر الاتصالات
حصلت بعضها كتالي ( ماعندهم وظائف - طالبين موظفات بس مش تخصصي - مايردون - الرقم خارج الخدمة ) والحمدلله قدرت اوفر بحدود ١٩ رقم متوفرين ويرحبون بأرسال السيرة الذاتية لهم وبعضهاا طلبو حظوري حتى يقيموني

بشوف مركز طاقات وش بيعملون بعد ما اعطيهم هذا التقرير اذا قدرو يثبتوني بمدرسة او لا من ضمن بحثي

دعواتكم

قصة بطالة · #7 (**permalink**) 12-09-2012, 02:35 AM

بالتوفيق اختي بس بسالك هاللحين الاستماره هل اكتب فيها اني ابي دوره او مااكتب

منول ام عبودي · #8 (**permalink**) 12-09-2012, 05:53 AM

[align=center]
نفس الشي ارسلولي والله يستر منهم
بس ليش دايماا نفس الوظايف وبعدين مو هاذي الوظايف الي اخترناها يعني موالزامي علينا القبول
مثل ماهم يلزمونها علينا
الله يرزقنا من واسع فضله
[/align]

قصة بطالة · #9 (**permalink**) 12-09-2012, 06:36 AM

الحضور الزامي ماقلنا شي طيب هل الوظيفه الزامي او لا ...

وبالنسبه للاتصال طيب لو اتصلوا وانا كنت نايم ولا رديت وش الحل هل ارجع اتصل عليهم والا كيف الوضع ؟