السلام عليكم ورحمة الله وبركاته

ياشباب انا اخر سنة لي في الجامعه الاسلامية اختصاص شريعه وتقديري مقبول وما اظن اني


اقدر ارفع المعدل..

سؤالي هل تقبلني الكليات العسكرية بتقدير مقبول ؟؟

علما باني وزني مناسب وطولي مناسب

افيدوني جزاكم الله خيرا

تقبلوا تحياتي

والله شف اخوي

الكليات العسكرية لمن تفتح تقديم بالثانوي تطلب نسبة مثل كليه الملك خالد العسكرية يوم فتح تقديمها هذا الصيف للثانويه طلبو
1- ان لايقل المعدل لخريجي الثانوي (طبيعي ) عن 80% والثانوي (شرعي تجاري معهد علمي وغيرها ) عن 85 %

اتوقع انهم راح يطلبون نسبةة معينه للجامعات يمكن من 3 وفوق ويمكن من 2ونص
غير ذلك يسون لك اختبار لغة انقليزيه واذا اجتزت الاختبار تدخل < مثل الكلية الامنيه

بسس انت تقدر تخش ع الكليات العسكرية وتشوف القبول والتسجيل والشروط


كككل التوفيق لكك اخوي

الله يعوضك باحسسن منهاااااااااااااااااااااا


اي كلية عسكرية للجامعيين اقل تقدير جــيــد



حاول ترفعه باقصى شي لين مايوصل جيــد



وفقك الباري

لو يكون ممتاز اذا ماعندك واسطة والله انك تعرفها

اذا خالي شغال في كلية الملك فهد البحرية
يقولي لو تحفر مراح تدخل وانا كان نفسي اكون ضابط
وثاني شي الكليات تقبل عدد قليل جدا

تبي الصدق معليك من كلامي الي الله كاتبه لك راح تحصله
هههههههههههههههههههههههههههههههههه حطمتك صح

اخوي انا حالي مثل حالك تخرجت بمعدل مقبول من نفس الكليه التي تخرجت منها

اقولها لك بمليء العباره الكليات العسكريه ماتقبل الي معدله مقبول واقول هذا الكلام عن واقع تجربه قدمت في كلية الحرس وماقبلت وقدمت في كلية اللملك فهد وماقبلت بسبب المعدل وازيدك من الشعر بيت قدمت على دورة وزارة الدفاع للجامعيين ورحت لهم ويوم شافو صورة الوثيقه استقبلوني استقبال سيء جدا عارف قالو لي المفروض نحولك على التزوير لاني كتبت في الموقع ان معدلي جيد وهو مقبول وانحرجت قدام زملائي ولا انسى يوم خرجت من بوابة وزارة الدفاع الي في العيينه وانا وقتها كنت جاي من سفر 800كيلو وامي واخوي بالسياره ينتظروني بس خيره

مابي احطمك بس هذا الواقع الي انا بنفسي قبلك عشته قالو لي ناس كثير الي معدله مقبول مايقبل في الكليات العسكريه قلت لا انا لازم اجرب حظي وسفرات وكلفات على الفاضي


مختصر الكلام الي تخصصه مقبول في قسم الشريعه امامك كذا توجه

يا اما تكون موضف عادي على المرتبه السادسه او السابعه وللمعلوميه راتب المرتبه السادسه 6000ريال

يا اما انك تبي التدريس وهذي يلزمها انك تدرس دبلوم تربوي والله يعينك حتتعب شوي لين ماتلاقي كليه تقبل انها تدرسك الدبلوم بمعدل مقبول

جينا للحلوه يا اما انك تشوف نفسك في المحاماه والقانون وبدايتها انك تروح تتدرب في مكتب محاماه ثلاث سنوات وبعدها تفتح مكتب محاماه وبعدها تصبح البيه محامي


آسف على الاطاله وفقك الرب واذا بغيت اي مساعده او استشاره راسلني على الخاص

دمت بحفظ الله

دبرلك واسطة
و صدقني راح تمشي
بالتوفيق

العسكريه تقبلك كفرد يعني رقيب وكيل رقيب
ظابط ماتقبلك أبدا بس لا تنسى إختبر قدرات الجامعيين
شفني نصحتك سجل في القياس وإختبار قدرات للجامعيين
علشان أغلب أيضا القطاعات تبي قدرات سجل

تذكر يا اخوي ساكن طيبه ان هنالك واسطه كبيره جدا الى ابعد الحدود وهو الله سبحانه وتعالى وانا ايضا تفكيري مثلك انا الحين با الثانوي واذ خلصت بذن الله اروح الجامعه واقدم في الكلية الامنيه اذ قبلت فنحمد الله واذ لم اقبل فلحمد لله بس راح اروح فرد وبدل مروح جندي ارووح رقيب او رقيب اول وصدقني اطلب الله ومراح يخيب ضنك وتذكر ان الله على كل شي قدير تذكر

بعد كرف 5 سنوات حرام تدخل وكيل رقيب اتوظف وظيفه على السادسه اريح وازين