السلام عليكم و صباح الخير

انا كنت كاتبه السي في في قسم السيرة الذاتيه وبعيد كم شغله وابين لكم الوظيفه اللي جاتني

معاي بكالوريوس لغة انجليزيه ( غير تربوي )
دورة خدمة العملاء
دورة من ارامكو
دورة التواصل و الانماط المعيشية

خبرة 5 شهور كمساعده سكرتاريا

المهم جاني عرض وظيفي كـ موظفة استقبال في مستشفى خاص و كبير

رايكم.. في الوظيفه؟ مع العلم انو اكيد دوامين

وعلى سالفة الاختلاط, بحاول اطلب يكون الاستقبال في القسم النسائي

اختي جربيه مارح تخسري شي
اهم شي راتبه زين بس
اقل من 6000 الف خليهها ما تصير حق ار بع سنوات دراسة

المشكله ما اتوقع الراتب يعدي 2000 ريال,, اذا ماكان 1500 كمان
حرام 5 سنين دراسه و بالنهايه شهادتي زيي الثانوي و المتوسط!


بس الله يسهل اذا فيها خير, بروح و اشوف

يا اختي في 1644 اسم نزل شوفيله على موقع الخدمه المدنيه وهذا الرابط
http://www.mcs.gov.sa/InformationCen...114331109.aspx

برنامج وظائف الي يجي على قناة روتان هذا موقعه على النت تنزل عليه وظائف

http://www.wada2efrotana.com/

عندك موقع الموارد البشريه سجلي عليه وبتجيك عروض توظيف

https://online.hrdf.org.sa/customer/pc_register.php

موقع طاقات لتوظيف

http://www.taqatonline.org.sa/

لاو الله مالها لزمة ومو من مستواك ومؤهلاتك !
وتسيري فرجة للي يسوى واللي مايسوى اتركيها لوجة الله وربنا يعوضك بالوظيفة اللي تناسبك وتستاهلك !

وتظل

وجهة نظر تحتمل الخطأ والصواب ~

انا مع اختي لافندر ميه بالميه والزمي الاستغفار وربي يفرج عليك وعلينا

لا والله اتركيها
انا اراجع مستوصفات خاصه واغلب الاستقبال حريم
ووالله اني ماني راضي بالشيء هذا ومقلقني
لكن الي ترضى على نفسها تكلم كل من هب ودب الله يعينها
يمكن في نظركم مافيها شيء بس انا مارضاها

مآعليك من أحد

اللي يقول مآ أرضآهآ عطهآ راتب شهري ولا اقعد بين 4 جدران تنتظر ابوك يعطيك مصروفك آخر الشهر ولا المنه اللي تجيك لا تمنيت شي سعرهـ يفوق مصروفك ولا حقانة حآفز

شوفي حبيبتي أول شي استخيري
ثاني شي شوفي شنو المميزات ماظن 1500 او 2000 اذا كبير رواتبهم 3000 وفوق
لأن شهآدآتك حلوهـ وعندك E الدوام غالبآ شفت مو شفتين للبنات
أحيانا يكون عندهم مواصلات
اشرطي عليهم شروطك ان قبلوها كان بها اذا ماناسبك ارفضي

لو تتحقق لي
شفت ومواصلات وراتب فوق الـ 3000 بوافق

استخيري وحطي براسك مو الكل مثل ظروفك ولا نفس تفكيرك
واذا كتبها الله لك لا تعلمين أحد ( احفظي نفسك عن القيل والقال الناس لو انك طبيبه طلعوا عليك حكي واتحداك حد منهم ينفعك )

الله يوفقك ويكتب لك الخير ويعطيك من خيرها ويكفيك شرهآ

ان شاء الله تلاقين احسن منها قهر ترى
معك شهاده جامعيه وبالنهايه موظفة استقبال
ان شاء الله تلاقين انتي خليك متابعه منتدى البطاله
وتواصلي مع المنتدى وبأذن الله تنفرج عليك وتلاقين ..
تحياتي ,,