اتفق معاك
توظفت تقريبا من 20 سنه وكل سنه اقول هذه اخر سنه واستقيل واخاف واقول خلها كمان سنه وكان معي ثلاث زملاء تفس تفكيرى بس الفرق انهم اتخذو قرارهم بشجاعه وبدئو بالتجاره اكيد في البدايه تعبو وواجهو مصاعب كثيره والتقينا بعد فتره طويله في احدى المناسبات واخذنا الحديث وكل واحد منهم ماشاء الله يتحدث عن بداياته والتحديات التى واجهته وكيف تغلب عليها وهم الان ماشاء الله تجار كبار احدهم من كبار مستوردي السياراة الامريكية المستعملة ويعمل اسبوعيا مزاد على المئات من السياراة ولديه معارض سياراة ماشاء الله والاخر لديه مصنع رخام ماشاء الله والثالث من كبار تجار تشليح السياراة ماشاء الله وكلامهم كله بالملايين ماشاء الله .
وانا والحمدلله مازلت في وظيفتى واسكن في منزل والدي ومازلت اقول كل سنه السنه القادمه استقيل ( تسويف في تسويف ) ( خوف تردد ) ضيع فرص كثيره

الحمدلله رب العالمين ولاكن يا اخوان واخوات ثلاث ارباع الرزق في التجارة

اعتذر على الاطاله ولاكن هذا الموضوع مهم جدا ولابد ان تتغير المفاهيم والمعتقدات تجاه الوظيفه الحكومية لانها تقتل الطموح بصراحه

موضوعك رائع جداً ويدور في بال الكثير من الشباب وانا اول واحد

يعني ندرس ابتدائي 6 سنوات ومتوسط 3 وثانوي 3 وجامعة 4 مجموعهم 16 سنه !!!

تخيل 16 سنه راحت من اعمارنا وفي الاخير ما تحصل وظيفه واذا حصلت وظيفه راتبك حده 9000 ريال والله ما تسوي شي يعني ( معاش ) قالوها الاولين يعني اكل وشرب لا تقدر تشتري سياره مثل العالم ولا تقدر تفتح لك بيت ولا ولا .....

طبعاً الحمد لله على النعمه اللي حنا فيها

لكن البلد فيه خير كثير والاجنبي يجي سنتين يروح لبلده ملونير !

يعني تخيل لو ان آبائنا علمونا التجاره منذ الصغر كان ايش صرنا الحين ؟

والله افكر اعلم الولد التجاره منذ صغره ولا يمنع التحاقه بالمدرسه للعلم فقط لا للوظيفه

المشكله اخوي انا اعرف ناس عندها ملايين ومشاريع كثيره وخدمتهم 20 و 30 سنه ووظيفته تافه وراتبه عادي جدا ولا يبي يترك الوظيفه خايف يقول الوظيفه مضمونه لا سمح الله خسرت او شيء رغم الملايين !!

ما يدري لو انه بدل ساعات الدوام في الوظيفه لو اشرف بها على عمله او اشتغل فيها في مشاريع كان دخله اضعاف راتبه ؟

بذكر لكم قصة اصحاب ثلاثة تخروجو من الثانوي سوا , الاول دخل كلية الضباط وين راسه ههه , والثاني صار في ارامكو اوووه هههه , والثالث قال انا ابي اعلق الشهاده في البيت واطقطق في التجاره ,ضحكو عليه اصحابه : مجنون انت , دارت الايام وبعد عشرين سنه تقابلو وسألو بعض عن اوضاعهم قال الاول انا ضابظ راتبي 17 الف ساكن في شقه ومديون والثاني في ارامكو خبركم ارامكو اعطوه بيت وراتبه معيشه على قده , والثالث اصبح رجل اعمال ولديه فيلا تتطارد فيها الخيل والسيارات طب وتخير اصبح مليونير ...

اعذرني ع الاطاله

مشكلتنا الكبيرة هي
ضعف التوكل على الله فى الرزق

السلام عليكم ًً أنا في رأيي أنها للأسف ثقافة مجتمعنا الخاطئة ثقافة( العيب وش يقولون الناس) وهذه مصيبتنا والسبب الي خلا الأجانب يسيطرون على التجارة تجزئه وجمله ومو بس يسيطرون كمان يحاربون السعودي لا شافوه دخل بينهم ويتفقون عليه ،وكثير من التجار الكبار كان بدايتهم مع الأجانب ،أما الآن الأجنبي ما يرضى يشتغل عند السعودي ويخسرك عشان تقبل عليه المحل ،يكفي أننا ما عندنا حتى كلية تجاره زي مصر مثلا ،عشان كذا السعودي يدخل السوق مو داري كيف يبدأ وكيف يسوق بضاعته.ولو سالت أي طالب في المدرسة وش تبي تصير مستحيل يرد عليك واحد يقولك بصير تاجر ،الي يقولك بصير طبيب ولا مهندس ولا عسكري ،لاكن أن شاء الله يتغير هذا التفكير ونحصد خير وطنا ،وآسف على الإطالة ، أخوك :::ماجد الجابري

الحين الوظيفة ماتكفي سواء في قطاع عام او خاص
لازم يكون لك مصدر دخل اخر
وش المشكلة اشتغل في وظيفة في الصباح وفي المساء اجلس على تجارتي
المشكلة هذي تعود لعقلية الشخص نفسه

الاعضاء الاعزاء هدفي كبير ناصر الفارس روزما سليمان الجهني ماجد الجابري الستروميري
اشكركم جميعا على مروركم واضافاتكم
تحيات اخوكم الابجدي اب ت ث *

الوظيفه عموما والحكومية خصوصا....
اهم شئ الشعب لا شباب او شابات تعودو واحد يداوم كم ساعه يجيه راتب
شعب روتين مو انتاج وابداع ومغامره
الا من رحم ربي
وصدق الشعب استهلاكي درجه اولى واتكالي اي شئ ينفع يصير مشروع لاتكبرها ولازم محل ودنيا لكن تعبنا من كثر ما تكلمنا
تمنيت اني ولد لان البنت مقيده من كل جهه حتى لو فكرت وفكرت واي شئ فيه الحريم مربح
لكن لابد من الرجال عشان الامور تمشي
لي حول السنه اقرا في المنتدى بديت من دماغيات وتشجع الواحد وصار كل شوي يتكلم بالمشاريع لكن مثل العاده المتشائمين اللي حولك لا لو خسرتي وصار عند الواحد خلفية للمشاريع البسيطة لكن مثل ما قلت لازم رجال حتى الاخوان ما ودهم يكلفو نفسهم بمقابل يساعدو..
رغم مو من بعيد جدي وجدك ما كان عندهم الوظايف كانو هم اساس التجاره في هالبلد....

طيب ياجماعة الخير انا طالب في الخارج وجمعت لي 90 الف الى الان
كيف ابدا تجاااارة ماعندي شي لا سيارة والا ارض ولا شي ابغى ابدا تجااااااارة