10-01-2013, 08:42 AM
|
عضو موثوق به
|
|
تاريخ التسجيل: Dec 2011
المشاركات: 5,877
معدل تقييم المستوى: 4901988
|
|
اقتباس:
المشاركة الأصلية كتبت بواسطة أبا عمار
آمين ووياك يالغالي
والله يابن العم انا كملت الدراسة فمعهد خاص واخذت شهادة الدبلوم لأن الثانوية ماعاد توكل عيش
وسبب قلة مشاركتي في هالمنتدى لأن المنتدى يسبب لي الاحباط والنفسية فلذاك استبعد نفسي حتى ما أصاب بالاحباط .
والسبب الثاني بعض الوظائف ماتصلح لي لأن عندي تأتأة بالكلام بسيطة وفي المقابلات الشخصية انواع الاحراج . 
إذا الله ماكتب لي هالوظيفة بإذن الله ابكتب معروضي وأبفرش فراشي عند الديوان الملكي 
وفالك الوظيفة والحرمة السنعة  |
بصراحه فيه بعض الاحباط لكن خلك مثلي كل ما شوف مثل هذا الشيء ما اعطيه أي إهتمام .
ونصيحه لك اذا فيه مجال تكمل بعد الدبلوم كمل .
بالنسبة للمقابلات الشخصية لا تجلس تقول هذا الحكي اي وظيفة قدم عليها ورح ما بيضرك شيء لا تجلس تقول محد بيقبلني انا لي قريب والله إنه في بعض الأحيان بالقوة يتكلم وقدم على وظيفة جندي بالقاعدة الجوية قبل 9 شهور وقبلوه ( وهاذي وظيفة عسكرية يدققون فيها على كل صغيرة وكبيرة فما بالك بالمدنية اللي يتجاوزون عن اشياء كثيرة ) وصدقني ما كان عنده وساطه لما قدم ولما قبلوه
أنا كمان مثل كثير من الناس بعض الأحيان لما اتوتر او لما ادخل مقابلات شخصية بعض الأحيان الواحد يمل مني وأتلخبط وبالتدريج ودخولي لكذا مقابلة قدرت اتغلب على هاذي المشكلة ولله الحمد ومع هذا دخلت كذا مقابلة بس مالي نصيب معاهم ...
وهذا الشي مهب عيب ولا نقص في الانسان
ترى هذا يقولون من ( الجمال ) هههههههههههه والله عن جد اتكلم
شف نبي الله موسى عليه السلام كيف كان لسانه ثقيل
( وأخي هارون هو أفصح مني لساناً ) كان لما يتكلم موسى عليه السلام ما بيّن كلامه بسبب لسانه ...
لجل كذا قال فرعون عنه ( .... ولا يكاد يبين )
شوف كمان القطاع الخاص لا يكون كل همك بالوظيفة الحكومية فقط
سؤال قدمت على برنامج جداره ؟! (( الخدمة المدنية ))
الله يسمع منك ونتوظف الواحد وصل عمره 34 وللحين عاطل .
التعديل الأخير تم بواسطة فيصل العبدالرحمن ; 10-01-2013 الساعة 08:48 AM
|
العرض العادي
