أنا أقدر. أدبر لك شاحنات وادخلها لك الشركات

أقدر. أعرفك على شركات السيارات بأنواعها
وأخليك تأخذ بأقل الأسعار ،
وأقدر أعرفك على تجار ومستثمرين.
أقدر أخدمك في الإستيراد والتصدير
.....
،وتعين خير


بشرط ما تفصل من وظيفتك

لأنك راح تهدم مستقبلك بسبب شئ تافة؟
بإمكانك أخذ إجازة لمدة ستة شهور أو سنة بدون راتب

فكر قبل كل شئ لا تتهور حتى لا تندم ؟

خلك على وظيفتك. وأشتغل أعمال حرة

والله ياخي أنصحك تدخل شراكه وتجرب لا تدخل بفلوسك كامله

ولا توظف سائق تريله وشف الشغله. ولفهمتها أشتغل بحلالك الخاص
أتمنى لك التوفيق

مرحبا بك أخوي آسف على التأخير لكن لدي بعض الظروف الخاصة
أخوي هناك أشياء مهمه في التريلة عندك المكينة والقير والدفرنس أهم شي تكون نظيفة وكذلك الطرمبة وبالنسبة للتيدر فيه تيادر قاعدة 14 و 15 و 16 أسأل عنها وشوف اي نوع يصلح لك وفيه نوع أسمه لعاب ماأنصحك فيه وهو غير مرغوب ورخيص لكن مثل ماقلت لك هالنوع غير مرغوب فيه وفالك التوفيق

اذكر الله وخلك في وظيفتك واشتر تريله , وحط لك فيها سواق وشغله بالنسبه او راتب شهري أفضل

التهور اللي نتايجه تعود عليك انت هذا انت حر فيه / لكن هذا نتائجه على زوجتك وعيالك ماهو من حقكك تاخذ زي هالقرار .

نصيحه لوجهه الله اترك كل من يقولك الوظيفه عبوديه / ومش عارف ايش , تقدر بـ الـ 250 الف تفتح مشروع باسم زوجتك او والدتك / وتشغل فيه عمال وتمر عليه يومياً العصر وارباحه شهرياً بـ جيبك إلين توقف على رجليك


او تاخذ تريله وحط عليها سواق

اول شي انصحك انك تستخير قبل كل شي
لاتطلع من وظيفتك على طول زي ماقال لك الشباب اشتر تريله بحدود 150000الف وطلع عامل واجرها على شركة
انا قبل فترة سألت عنها في كم واحد قالولي اشتر من الاردن من السوق الحره ارخص وانظف وفي شي لزم تنتبة له اغلب المعروض هنا في السوق يكون راعيه طلع فيزا سواق واذا طلع ماتقدر تطلع عليه مره ثانية (لا تقول مااحتاج لها ماتدري قدام ايش يطري عليك وبعدين حتي لو مااحتجت لها بيعها ب 15000الف )
انتبة انتبة لزم تخلي معاك اقل شي 20000 الي 30000 الف حط خط على اقل شي ترا صيانتها جدا غالية ولا قدر الله خرب اي شي بتدفع مبلغ عالي جدا
نصيحة لا تنسا الاستخاره
الله يفك كربك وييسر لك امرك
وصدقني اكثر من الاستغفار و ركعتين اخر الليل وربي يسهلك لك امورك
مافي شي صعب على رب العباد
دعواتكم لي بالتوفيق

الله يوفقك وييسر أمرك

ماعندي غير نصيحة وهي

قبل لا تستقيل خلك بالعمل لو شهر أو شهرين تداوم الصباح وبعد العصر أجلس عند أصحاب المعدات الثقيلة ولو تحصل شغل عندهم مسائي أو خميس وجمعة يكون أفضل

منها تعرف الشغلة وتكون خبرة حتى تدخل بالمشروع وأنت عندك أساسياته

والله يوفقك ويسخر لك من يعينك

عندي لك فكره بس ياليت تدرسها صح

اذا اشتريت شاحنه وبقي معك رأس مال تشتري فيه بضاعه من جمله الخضره وتطلع بها على دوله

من دول الخليج او العكس وتبيعها بالجمله

مثل البحرين او الكويت يعني تاخذ فرق السعر ومشوار يوم واحد


بس اتمنى تدرس السوق قبل ماتجازف حتى لو تسافر بسيارتك وتدرس الاسواق والأسعار

ولا تستعجل على رزقك الين تعرف وش جالس تسوي

الله يوفقك ويرزقك من حيث لا تحتسب

الله يفتح لك باب رزقة

تستهبلون عليه ماعمري شفت موظف افلح بشغله او عمل حر او نجح في اداره مشروع

كيف وهو تقريبا الى العصر في الدوام واذا طلع بيتغدى ويحط راسه وينام ساعه وبعدين يصحى ومايمديه يسوي شئ الا والمغرب اذن

متى بيقابل شغله متى
الغريب يجيك شخص متحمس ثم تطلعون له بترهيبه وتخويفه وترى وترى بالعكس تشجعونه والله يكثر من امثاله وليت كل الشباب كذا كان ماتلقى عاطلين او موطفين برواتب الف وخمس او 2000 ريال

والغريب اكثر اذا واحد مقابل وظيفته ويقولون له يا اخي اجمع لك قرشين وافتح محل وسوا مشروع وافعل وهو بدوام مو على كيفه فيه عقبات كثيره الا اذا قدم استقالته وتفرغ راح يعمل ويسوي

والغريب ايضا تلقى واحد ماعنده شئ حتى طموح ماعنده يقولون له يا اخي اشتغل لو تدين لو تشتغل عند احد براتب وتجمع لك قرشين ومن روح طقطق ومن الكلام الزين وهو صفر صفر صفر صفر

والرجال هذا متحمس ومتوجه صح ويبي دعم لو نفسي وانتم تحبطونه وتخوفونه

توكل على الله في واحد معي موظف راتبه 14000 الف ريال وفجأه استقال انصدمت بصراحه قلت يمكن الرجال جرى شئ بعقله وبعد ماكلمناه قال انا قررت بعد تردد وخوف استقيل وافتح محل كمبيوترات واجهزة واكسسوارات

والرجال يقول مكسبي بالشهر حول المية الف ريال واحيانا اقل واحيانا اكثر

الله يوفقك و ييسر لك امورك

الله كريم و انصحك كثر من الاستغفار