المشاركة الأصلية كتبت بواسطة يزيد الروقي

السلام عليكم بنسبه للشيول ممتاز بس يبيله اقل شي 350الف اذا تبي النظيف والمرغوب اما البوز قيمته فيه لاكن بطي في الشغل ولا يحبونه السواقين وانا اكلمك من تجربه مافيه زي تريله البي وخاصه جفالي من 90 ونت طالع وفيه أوربيه طيبه والقطع حقتها متوفر وافضلها 1735 - 1935 هذي ممتازه وعليها صبر لاكن نصيحه لوجه الله انحش عن المان وطقتها تعبانه الفلفوا طيبه خاصه 12fلاكن 200 الف بتجيب لك سيارة ممتازه وجاهزه وانا عندي 1735 البي ممتازه وتصفيلي اقل شي شهري 14000 وابشر بالخير وانا ادلك الشغل مابي إلا دعوتك

المشاركة الأصلية كتبت بواسطة حيرتني

اخوي تبي تغتني وتبي تلعب بالفلوس
تبي تعيش بعز وتسكن بيت ملك
تبي تسدد كل ديونك

توكل على الله وادخل بسوق الغنم
والله لتعين خير

لكن الغنم يبي لها اول شي مزرعه
ويبي لها اقل شي عاملين

تستاجر لك مزرعه فيها ماء واذا تملك ارض شي طيب
وتزرعها برسيم وتحط حلالك فيها
وعاملين يزرعونها و يرعون الغنم كل واحد راتبه 1000 بالكثير

لو اخذتهم الان بأذن الله وعرفت تضبطهم وتنسق امورك ما يجي عيد الفطر
الا وانت مرجع راس مالك وزياده

والله اعرف واحد باني شاري عماره بـ700 الف وكاش من الغنم
واعرف واحد عريف في امن الطرق بايع على اخوياه دين غنم ما يقل سعرها عن 800 الف
ومو اقساط البيعه لا على دفعتين كل 6 شهور
سددوه والحين اخوياه كلهم معينين خير من الغنم طلعو راس مالهم خلال فتره قصيره

طبعاً المشروع ربحه خيالي لكن يحتاج تفهمه تدرسه وتهتم فيه
لانه يحتاج اهتمام ورعايه وتطعيمات

واااهم شي يكون عندك مزرعه عشان الربح يكون دبل وماهي ظروريه لكن عشان تكتفي
وما يحتاج تشتري اعلاف فقط يكون عليك تشتري الشعير

والله يوفقك يارب

المشاركة الأصلية كتبت بواسطة حيرتني

^
^
ياليت تقبلها مني بصدر رحب
انت وجهك وجه فقر
انت من الي يبي يشرب بالقطاره

فيه ناس الله يرزقها برزق ولا تعرف تتصرف فيه

قال مابي اقابلها بتعيش فقير طول عمرك مدام هذا كلامك

على بالكم الناس المليارديره والي تلعب بالملايين نايمين بالقصور والفلوس تجيهم

ما تدرون انهم على كثر الموظفين جالسين بحلالهم ومتابعينه

الي يشوفك يقول قايل لك ارعى بالغنم واجلس عندها 24 ساعه

الغنم متابعتها تعني كل يوم تروح لها تشوفها ساعه ساعيتن

تشوف ايش مسوين تتابعهم مو ترعى فيهم

على العموم الله يوفقك يارب

وكل انسان عقله براسه يعرف خلاصه

المشاركة الأصلية كتبت بواسطة الحلوش

السلام عليكم عين العقل وصواب الكلام اخ يزيد
اعرف اكثر من واحد مأجر له تريلة والشغل زي الحلاوى
وماتتأخر عليه الدفعات الشهرية
لان من بنود العقد عند الأخر لمدة شهرين يحق لك سحب المعدة والمطالبة بباقي العقد.

وايضا مثل ماقال اخي يزيد لو تزيد رأس المال شوي الشيول مرغرب مديل 966f والمديل كل ماكان احدث تفضله الشركات لانه قليل الاعطال وينجز عمله بسرعة.
وفيه بعض الشركات عندهم دوام فترتين صباحي مسائي حلوة ترجع لك راس المال سريع بس تنهي العمر الافتراضي للمعدة ايضا سريع.

المعذرة ع الاطالة تحياتي لك اخوك أبو وسيم