والله فلة الدورة بس عيبي اللياقة صفر وانا ما ادخن بس اتعب كثير

اعزائي واخواني : بالمختصر المفييييد والله لولا الظروووف اني لا اسحب على مندوووب العكسريه
لاكن الواحد يصبر عشان مصلحته ومستقبله وعشان يتزوووج ويصرف على نفسه وتمضي الحياة
وناخذ عادتن سر وخطوه بدل لين نتقااااااعد والتعب منسي والتعب في الدوره فقط .

الان عرفت الأسباب اغلبها نفسية وعدم راحة وتغير من حياة مدنية الى عسكرية وكل شي مختلف تماما

لكن اقول لك من يقرا كلامي حط فبالك ان بعد التعب هذا بتحصل راتب ووظيفة وتصقل شخصيتك تخليك تتعود على مصاعب الحياة وتتحمل وبتعدي ان شاء الله لا احد ييأس لو حطوك بحرب وش بتسوي بتقول بفصل ؟ احب اختم
قال عمر رضي الله عنة " اخشوشنو فإن النعم لا تدوم " بكرا ماتحصل وظيفة ويجيك الذل من الهنودو الفلسطينيين والمصريين ولاراتب زي الناس ويتسلط عليك اجنبي مايسوى الي برجولكم

أسئل الله التوفيق لنا ولكم وكل مسلم

ياناس العسكرية اليوم دلع مو مثل اول كرف ونفسية من جد

صح اول اسبوعين ضغط وتعب لأنك متعود على الهجولة والبر والطلعات مع الشباب علشان كذا اول ماتدخل الدورة تتغير الاجواء لانك ماتعودت عليها لكن مع الوقت تتعود ويصير الوضع عادي

وقبل لاتفكر تهرب من الدورة تذكر انك اذا كملت راح تعيش جوك على اصوله وترجع مع اخوياك على الاقل وظيفة وراتب وطناخة ومنت محتاج احد اما اذا هربت راح تكون عاطل وطفران وكل يوم متسلف وتكون عالة ونشبة على اللي حولك

نفسيا :

1) تستوحش المكان ,
2) تحس بأنك غريب . ما تعرف احد وتحس انك وحيد وسط الناس .
3) عدم الارتياح . الواحد يوم يغير ديرته يحس بضيقه ويتمنى يخلص شغله ويرجع .
4) التفكير . تفكر بالعالم برا وربعك واهلك وتضرب فيوزاتك .
5) ضيقة الصدر بسبب تقيد حريتك . كل شيء تسويه بأمر عسكري ،،
6) الحرب النفسيه من قبل المدربين كمنعك من الشرب .
7) تغيير حياتك وروتينك اللي متعود عليه ومناسبك .

أول شي يجب عليك ان تحفظ هالمقوله (العسكرية مثل ماهي مصنع الرجال فهي إهانة الرجال أيضا) مقوله قاسيه لكن واقعيه نسبيا..
ومن ناحية الأسباب أعتقد ان فيه أسباب تدعو للهروب أو الفصل مثل ظروف صعبة لايقدرها سوى الشخص نفسه كظروف عائلية أو وجود وظيفة أفضل.. وأيضا الإصابات الخطيرة (سواء الجسدية أم النفسية)
والأسباب اللي مالها داعي هي عدم إلمام الشخص بالدورة من حيث الصعوبة والقسوة
والصدمة بعد دخول الدورة بقسوة الأوامر والنواهي في العسكرية بسبب اعتقاده الخاطئ عنها
لكن بالنهاية يجب على الشخص أن يعرف ويدرك أن مافي شي يجي بالسهولة والراحة ويعرف كمان ان تعب الدورة تعب مؤقت ولازم يتكيف معه وقبل لايفكر يهرب يتذكر ان كثير يتمنون مكانه وانه اذا كمل راح يحقق ماكان يتمنى ويبني مستقبله ويعيش بكرامه واذا هرب راح يواجه العكس يعني يهرب بسهوله (يرتاح وينام مثل مايبي) لكن يواجه صعوبه تظل معاه على طول(يصير عاله على اللي حوله) وتهينه أكثر من انها تريحه لأن البناء صعب بينما الهدم سهل

بس فكر بأيام الطفره والسلتحه ولما تشوف شي يدخل خاطرك ولا تقدر تجيبه (ماراح تشرد)
بالتوفيق

يارجال خلها تجي هي الحين علي الحرام ماهرب لو ايش