السلام عليكم

رايح اجاوبك بما اعرف لانها تجربها رايح اخوضها باذن الله

وطالب منك الدعاء فقط

شوفي اختي الكريمه
بخصوص الذهب انا جلست تقريبا شهر وانا ابحث عنه واسئل هنا وهناك حتى عرفت بعض الشيء

الذهب تجاره طيبه وحلوه ومربحه بشرط
1 )تعرفي وقت الشراء ومتى تبيعين
2 ) تعرفي من وين تشترينه
3 ) نوع الذهب
4 ) تعرفي زكاته وتخريجيها اول باول

وحطي في بالك انه يعتبر كانه شيك متى ما اردتي صرفه صرفتيه بمعنى انه فلوسك تحت يدك

من ناحية شرائه وبيعه لا بد تراقبين مواقع اسعار الذهب كم يوم وتعرفي وضعه
من ناحية مكان شرائه انا عرفت انه في سوق اليمامه هو محل الجمله وهذا موجود في جده
وانتي حسب منطقتك اعرفي مكان بيع الجمله وين
من ناحيه نوعه هناك الذهب الخالص مثل السبائك ومثل الذهب المصنوع كالخواتم وخلافه وايضا هناك جنيهات ذهب
المهم خليك في السبائك وخذي نصف اوقيه وتاجري فيها او الجنيهات
زكاته يفتونك فيها اهل العلم والله اعلم

هذا بعض ما اعرف
وباذن الله بخوض تجربيته والرزق من عند الله

دعواتكم

والله يوفق الجميع

السلام عليكم

عزيزتي كل شخص عنده افكار كثيره لكن النجاح يعتمد على كم شغله من بينهم انك تركزين
على مجال مستعده انك تقضين وقتك كله فيه.. بمعنى هذي افكارك ابحثي عن كل وحده منهم
وجمعي كل المعلومات اللي تقدرين عليها.. وبعدها شوفي وش اللي تميلين لها اكثر ووش اللي
اللي تعتقدين ان عليها طلب اكبر ..
بالنسبة للتمويل فحاليا فيه مؤسسات كثيره تدعمك برأس مال وتساعدك في الاشراف عليك
اول سنه... من بينهم ريادة/ المئوية/ عبد اللطيف جميل واعتقد في غيرهم ..

بالنسبة للمشاغل والله احسها طلعت من خشومنا بالنسبة لنا اهل الرياض كل شارع فيه عشره
اذا مو عشرين يعني المنافسه جدا قوية فعشان تجذبين عميلات كثير يبغالك
تكونين جدا جدا جدا متميزه ومتقنه وتقدمين شي مختلف يجذب الزباين من المشاغل اللي تعودوا
عليها..

من بين اسهل المشاريع حاليا وعن تجربه شخصيه ناجحه جدا وماتحتاج جهد كبير ولا رخص ولا هم
يحزنون.. اشتري لك بضاعه من الصين وافتحي حساب ع تويتر وبيعي وممكن تفتحين موقع وحساب
ع الفيسبوك.. والبضايع ماتخلص من اكسسوارات جوالات لشنط وملابس سهره لملابس اطفال
لساعات وعدي واغلطي ..

من اكثر المواقع الصينيه ثقة aliexpress.com .. انتبهي من علي بابا الا اذا عندك معرفه كيف تتاكدين
من التاجر .. وعندك في القسم هذا كذا موضوع يتكلم عن الصين اذا كنتي تبين بضاعه كبيره بس
انا اقترح ابدي ببضاعه بسيطه وشوفي نفسك

الله يوفقك ويرزقك من اوسع ابوابه بس ابحثي زين وحاولي تبدين بالمشروع اللي تحددينه بعد
ماتكونين معرفه عاليه فيه يعني اقري تجارب الناس في المجال اللي اخترتيه اتعلمي من اخطائهم
واستفيدي من نصايحهم ..

شوفي ركزي لك على مشروع معين تحبينه
وشوفي لك شغله نسائية تفهمين فيها أحسن لك