اقتباس:
هههههههههههههههه انتي عكس الدنيا ماقدمتي بجدارة واختبرتي قياس :Looking: خلاص مو سائلينك ع طلبك :d:d بخصوص الاخصائيات ايه اغلب الموجودات مو اخصائيات معلمات وحطوهم بالارشاد واللي يفقع المرارة ليه اغلب المدارس بس مرشده حده وش هالظلم الحين مافيه معلمه يمسكونه ماده لكل المراحل الا لو موادها قليله او المدرسه طالباتها موكثير ويجون يحطون مرشده وحده ويبونها تنجز كل شيء وتكون مؤثرة فالطالبات مستحيييل مفروض بكل مرحلة يحطون ثلاث كل وحده مسئولة عن صف ميعين اقل شيء يابتكون مسئولة عن 3 فصول وبالكثير 6 كذا تقدر تعرف شغلها وتسيطر ع مجموعتها اما امة محمد كلها فوق راسك بيطلع هبال مو عمل غير موضوع البرامج الارشادية اللي تتفعل ووالانشطة فالاغلب يحطوها براسها مهلك كذا العمل .................... وصح خريجات علم الاجتماع فرصتهم فالتوظيف اكثر لان ممكن تعمل معلمه ................... وكويس اجل كلامي مضبوط المرشده تكون تستلم راتب معلمه طيب بسالك الحين لمى نحط الاختيارات فجدارة احط تعليمي او اداري اخاف احط اداري ويحطوني اداريه مع انه اصلا المرشده تعتبر من الطاقم الاداري مو التعليمي .. ..... بخصوص الدراسات العليا هي حصلت لنا وقلنا لا :m نقدم ومحد عطانا وجه :c |
اقتباس:
ياعمري انتي عادي احنا متخرجين قبل وللحين ماتوظفنا بخصوص جدارة والله للحين مو فاهمته تمام مادخلته الا مره سجلت فيه بياناتي وعدلتها لكن اذا الموضوع يبيله كل مره دخول فيه والله مدري والنقاط انا وحده حسبتها لي هنا ان شاء الله اي وحده من الصبايا تجي وتخبرك .. |
حبيت ابلغكم بمنتدى حلو ويعطي دورات عن بعد وكويس وكثير من دوراتهم مجانيه
وفيه بعضها برسوم لكن معقوله راح تفيدكم وتنمي معلوماتكم وفيها اشياء كثير تفيدك كأخصائية لو بيوم توظفتي سواء بتعليم او صحه او شئون إجتماعية او بحياتك العلم مافيه شيء اسمه مايفيدني اليوم عندهم دورة بعنوان ( التعلم التعاوني ) راح تبدا الساعه 8 ونصف وبكره وبعده ووو الاغلب مايقل عن 3 دورات فالاسبوع ياليت اللي مو مسجله تسجل وتحضر هالدورات مدري عادي احط اسم المنتدى او لا اخاف ممنوع .. ع العموم بحطة والله يستر ماأنحذف أكاديمية التدريب الشامل .. |
ياحلوات الحين نزلوا اسماء دفعه جديده مرشحات للوظائف اداريه بس مافيه وضوح ولاشفافيه المفروض موضحين التخصصات عشان نعرف وش كثر رشحوا من بنات تخصصنا ..... اذا تذكورن يابنات اول دفعه نزلوها كانوا كاتبين التخصصات ومرشحين 18 وحده تخصصها خدمة اجتماعية وكانت نقاطهم عاليه الرياض ومكه وقفت النقاط على 89 واالقصيم اتوقع 86 ننتظر والله يفرجها علينا
|
يعطيك العافيه ماعندها سالفه من جد راح نستفيد من هالدورات ونحن بحاجه لها وجزاك الله كل خير...
مجروحه التقديم على جداره مره وحده بعدين يلزمك التحديث من فتره لفتره وضروري تحدثين اذا اعلنوا عن مفاضله ........ انا اتصلت على الديوان قالت لي انتي مادخلتي المفاضله الي كانت بشهر 10/1433هـ لاني لم أحدث بياناتي يالله العوض ان شاءالله بالمفاضله الجديده لهذه السنه بس مو عارف بأي شهر ولاأحد أعلن عن شي وأرسل للخنين بتويتر بس لاحياة لمن تنادي |
اقتباس:
بس صدمتيني بانهم واصلين الين 86 اجل تونا عز الله انه شيء ييجيب المغص |
اقتباس:
ويعافيك قلبي انا اخر من يدري ان فيه مفاضله ع العموم اتمنى اي وحده تعرف متى تفتح المفاضله الجاية تجي تخبرنا ع طول |
هذا اعلان منزلته عضوة اسمها فيء
حبيته انسخه هنا للي ماشافته .. والله يوفقكم فيها شركة تعليمية كبرى بحاجه لـ مرشده طلابيه بكالوريوس نفس التخصص العدد 30 سعوديه اداريين واداريات ( المؤهل ثانويه( داخل - خارج الرياض ) العدد 20 سكرتيره المؤهل ثانوي العدد20 أرسال السيره ع الفاكس 2455118 qehcademy@gmail.com ^^ جميع ما أعلن اعلاه من جريدة الوسيلة موفقين |
اقتباس:
حااامت تسسبدي يختي ,, انا احب تخصصنا هوو مره حلو كعمل كخدمه تقدم يعني فضلا على انه اذا توظفتي فقط عمل تتقاضين عليه راتب ,, ببعد هو خدمه للناس عليه اجر من ربي لو نويتي كذاا يعني اجر بالدنيا والاخره ,, لكن وش نسووي عسى الله يحلها من عنده واليوم تو اشوف موضوع البنات عن اانه داوود الشريان راح يتكلم عن المتخرجات العاطلات وانهم كانوا يبون بنات يطلعون معه لحلقة اليوم :cry: تووني ادرررررررررررري انقهرررررررررررررررت ,, كان عندي استعداد اطلع معه واتكلم عن تخصصنا والاجحاف بحقه من وزارة الخدمه المدنيه واقول كللللللل شي عننا وعن غير التربوياات لكن للاسف توووني ادري ,, اليوم الحلقه انعرضت ,, وهم لهم اسبوع يدورون بنات يطلعون في الحلقه مرره قهرررررررر يالله عساها خيرره ومثل ماقلتي ,, اذا لا سمح الله وقدر الله وكتب ووظفوا مرشده طلابيه من تخصص خدمه اجتماعيه يكرفوونها كررررررررررررررف وكل الانشطه فوق راسها ومايوظفون الا وحده لكل المدرسه ولكل المراحل ,, يعني فشل × فشل :( وبالنسبه لسؤالتس عن وش تختارين بجداره تعليمي او اداري والله وانا اختس جداره هذا ما ادل طررريقه ولا اعرف وش هو من لحيه :d:d:d:d فماعندي اي ادني خلفيه عنه للاسف الشديد من اسمها جاني مغص فمابالك اني اسجل فيه :d اجل جداره ,, اها بس اها :d اللله يرررزقنا من عنده وييسرلنا وظيفه تسر خواطرنا ياكريم فتكو بعافيه :d |
^^^
هههههههههههههههههه ماتدرين وشو من لحية .. يقطع ابليسك سجلي فيه كيف تبينهم يوظفونك وانتي مو مسجله :court: اقول زيين انك ماادريتي عن برنامجهم ورحتي هاوشتي عليهم وانتي مو مسجله تسان داوود يقولتس .. وشوولووه اجل جايتن تصيحين علينا :d:d:d:d:d الا روحي صلي لك ركعتين شكر انتس ما انحطيتي فموقف خاايس :r وبجد علمنا حلو بس يحطوون فوق راسنا الف شغله يخلونك ماتعرفين تسوين شيء :m |
سجلووني معكم ..
خدمة اجتماعية .. وربي وين ماطقها عوجا انا وهالتخصص آه ياقلب العنا بسس <<فيس يبتسسي |
^^^
يا اهلا يا اهلا بالصديقة الجديدة بدوووا يطلعوا الاخصائيات من خلف الابواب :d |
والله بنات الخدمة ماشاءالله طلعوا بعد التجمع والله سويتي فينا خير (ماعندهاا سالفه) وانا احسب بس انا لحالي خدمة في هالمنتدى ....
بنسبه لحلقة الثامنه اليووم جزاهم الله خيرر البنات بس ماعجبني انهم تكلموا عن القياس لانه نظام طبقوه ولا راح يغيرونه ليتهم تكلموا عن التخصصات المهمشه مثل تخصصنا وغيره من التخصصات الغير مطلوبه والله اني ناويه اراسل داوود بتويتر وبي وسيله حتى يكون فيه حلقة عن تخصصنا ويشرشحهم لين يعينونا مرشدات في المدارس اجل احنا الي نتعب وغيرنا يأخذ مكانا من جد شي يقهر بس الله كريم ماورا الصبر غير الفرج .. وياحبني لك الى الله سرنا اجل بنخليك المتحدثه لوضعنا وان شاءالله تتخصص لنا حلقه وش رايكم يابنات نراسله ؟؟ ولاتنسون بنات تحدثون بياناتكم لانهم يسحبونها بدون لاحس ولاخبر ومهما كانت النقاط عاليه راح تساعدنا كثرة الرغبات المكانية والله اني شطحت مرره بالرغبات ابي الوظيفه لو اتغرب وش اسوي الله يعين يارب ويفرجها علينا يارب ياحي ياقيوم ارزقنا الوظيفه |
اقتباس:
هههههههههههههههه شفتي كيف طلعوا .. كنت مثلك احسب اني بس انا بروحي وبخصوص الحلقة والله ماشفتها انا ولا ادري عنها اما موضوع الاخصائيات ياليت يكون لها حلقة كاملة لانه تخصص مهم وللحين مهمش مو ذاك التفعيل المطلوب له وترا فيه كثير اخصائئين من الرجال متضايقين من هالامر مو بس احنا البنات اذكر مرة قريت ان فيه شخص دخل ع مسئول نيابة ع الاخصائئين وكان يشكي الوضع لكن مادري مين ومتى هالكلام بالضبط ياحظي ع هالناس اللي ماتفهم تصدقوا يقولوا بامريكا الاخصائي يعتبر عضو مهم فالمجتمع وله احترام وتقدير مثل الدبلوماسي ويمكن اكثر وبكل قطاع مهما كان تافه فيه اخصائيين وبعد يقولوا هناك كل اخصائي مسئول عن 5 افراد فقط قلت من يهج معي ونروح لهم احنا هنا حتى لو عينوك اخصائية حطوا فوق راسك امة محمد كلها انتي المسئولة عنها ياناس الاهالي مو قادرين يتابعون 3 او 4 او 6 من عيالهم كيف تبون وحده تتابع وتلاحق جيش :court::court::court: عاد هالزمن اغلب الجيل لاتربية ولا سنع اهالي يخلفون ويرمون ع الشغاله يعني وجود الاخصائيات والاخصائئين الحين مطلوب اكثر غير السلوكيات والانحرافات اللي زايده ناااس ماادري كيف تفكر بتعاملها مع تخصصنا :r |
اقتباس:
حبيبتي كيف يلزمني التحديث .. ممكن تشرحين لي متى أحدث وغير وقت المفاضله يعتبر التحديث ولا بس اذا كان فيه مفاضله احدث ؟؟ وممكن حساب الخنين واللي عندها حساب منتظر تكتبه هنا لاهانت .. |
مجروحه اذا أعلنوا عن مفاضله لابد تحديث لكن بالوظائف الاداريه الي احنا لازم نقدم عليها ويكون تخصصنا موجود مايعلنون عنها عكس المفاضله التعليمية الي اعلاناتها واضحه لانه بشهر 10 الي فات سحبوا البيانات للمفاضله الاداريه وبياناتي مانسحبت قال لي الموظف أنتي ماحدثتي ؟ فما أدري أنتي ممكن تكوني داخله بالمفاضله ! عشان كذا الأفضل التحديث أسبوعيا وعلى كلام البنات التحديث تضغطي التالي لين الاخير بعدين خروج ويارب تكون فيه مفاضله جديده قريبه وحده من البنات سألت منتظر عن المفاضله الاداريه ورد عليها انه للحين يأخذون من قوائم الاسماء الي انسحبت بشهر 10 والله يوفقنا جميعا
وهذا حساب الخنين بتويتر A_khoneen وحساب منتظر newlive_ ازعجوهم متى المفاضله الاداريه لهذه السنه !! وبالتوفيق |
ياحلوات الحين باذن الله نتوظف جميعا وقريب ان شاءالله واحتمال وقت المطابقه يطلبون شهادة التصنيف فأنا ودي اطلع هالبطاقه من بدرري بس مشكلتي مابي تدريب لاني لو بروح للهيئة الصحيه واطلب هالشهاده بيقولون تدربي بمستشفى سنة كامله وأنا مابي اتدرب ابي اخذ الشهادة ع طول وش الحل ؟؟؟
|
اقتباس:
بسالك انتي حاطه فخيارات الوظيفه ادراري او خيار الجميع ؟؟ غير كذا دامك عادي عندك موضوع الصحه روحي تدربي ما احد يستثقلها الا اللي ماقررت او اهلها للحين ماعطوها الاوكي تداوم بقطاع صحي .. اذا الامر عندك عادي من الان تدربي .. الا بسالك كم نقاطك ؟؟ |
السلام عليكم
ماعندها سالفه انا لو رشحوني اروح مع داوود الشريان ,, راح اقرأ عن جداااره واعرف وش سالفته وكللللل شي عنه واروح اقول كل مافي جعبتي مااعليتس لا تخاافين علي ,, بس طبعا بدون ما اسجل فيه :d:d عاد طبعا البركه فيكم انتوا اللي مسجلات ,, تعلموني كلل شي عننه لو اضطر اسجل بورقه >> صددقت انها بتروح :d:d:d *** للصبر اخر خلاص ايييييه ياليت والله يخصص لنا حلقه ,, ونروح نعلمهم مين احنااا ,, احسهم ناسيننا :Looking: حتى ماايدورن تخصصنا وش معناه >> ياحياة الشقى بس :cry: وحتى انا ابغى اخذ بطاقة الهيئة السعوديه للتخصصات الصحيه ,, اييه صحيح هي فيها تدريب بس مو سنه لا ,,, 3 شهور فقط وش رايتس اذا كنتي من اهل الرياض ,, نروح انا ويااك ونتدرب مع بعض :wa ******** مااشاء الله الاخصائياات كثيرررر اشوووف ,,, ياحلينا كنا متوزيات :m سوويتي فينا خير ياماعندتس سالفه الللله يوووفقكم يابناااات وييسر امركم والله يرزقنا بالوظظيفه اللي تسر خواطرناااااا يااكررريم :w |
^^^^^
هذي اللي تبي تنجلد انتي للحين ماسجلتي بجداره:court::court: كيف تبين تتوظفين اجل ترا مامعتس الا جدارة سجلي فيه او تراك مو متوظفة :d وايه شفتي كيف طلعوا الاخصائيات اللهم زد وبارك :tsfiq::tsfiq::tsfiq: ........................... اقول من فيكم سبق عملت سوا مدرسه او غيره لاتقولون كلكم عاطلات ولا فكرتوا تداومون حتى لو بقطاع خاص :mish: |
ماعندها سالفه اختياري بجداره كان الجميع ونقاطي انا حاسبتها اتوقع 76 الله يعين بس وبالنسبه لشهادة التصنيف مدري الحين الي تتوظف اخصائيه اجتماعية بوزارة الشئون الاجتماعية مايطلبون منها هالشهاده لاني أشوف بنات علم نفس وعلم اجتماع وظفوهم اخصائيات وطلبوا منهم هالشهاده يعني الي فهمته من كلامك هالشهادة يطلبونها بس لما أتوظف بمستشفى بوزارة الشئون مو مطلوبه !!
اختي مجروحه اي انا من الرياض بس مالي خلق تدريب احسه تعب ع الفاضي <<< عجوز انا كملت رداسات عليا خذيت ماجستير علم اجتماع ماحب الدراسه بس ماحصلت وظيفه قلت أدرس افضل من قعدة البيت وللأسف حتى الماجستير وهي شهادة كويسه الا أنه مافيه وظائف يعني ممكن البكالوريوس افضل بكثير وتوظفت في مركز احتياجات خاصه لمدة سنة بعدين تركتهم تعب وكرف والراتب قليل الله يكتب لنا التوفيق يارب. |
صباح الخيرات ياصبايا
وانا ضموني لكم ماجستير علم اجتماع وعاااااطله ومانقول الا لاحول ولاقوة الا بالله |
اقتباس:
والله ماادري اذا يبون شهادة التصنيف حتى لوزارة الشئون الاجتماعية بس ما اتوقع احسها بس تخص اي قطاع صحي بنات من تعرف عن هالموضوع تخبرنا اذا ضروري اجل ضعنا ولازم نطلعها :mad: مااااشاء الله اجل ماجستير يختي ابي اكمل بس ماجات معي يايروح علي التقديم او ما أنقبل .. انقبلت مره مبدئيا لكن حصل لي ظرف يوم الاختبار التحريري وماقدرت احضره يا اني منقهره عليه للحين :cry::cry: بس كيف الماستر صعب او لا اخذتيه صباحي او موازي ؟؟ وليه افهم من كلامك ان الماستر فالتوظيف اصعب ..:court::court::court: |
اقتباس:
اهلا اهلا بالاخصائية الجديدة .. ماشاء الله ماشاء الله حتى انتي ماستر الله يوفقك والله جد ودي اكمل حسبي الله ع العدو متخرجه من زمن جدي وماتيسرت معي لكن اللي يقهر انكم ماجستير وبدون وظائف والله الدنيا ماشيه مقلوب ناس معها ثانوي وماسكه وظائف تجنن وناس ماستر عاطله :mad::mad::mad::mad: |
ممكن خيره لك مانقبلتي بس صراحه أنا أشوف ماجستير وعاطلات شي يقهر ...
موازي دراستي بالامام دكاتره كويسين حيل .. وحده من البنات تقول اذا تعينتي على مسمى اخصائية لابد من بطاقة التصنيف والله أعلم الله يسر أمورنا يارب كم نقاطك ماعندها سالفه ووش المناطق الي اخترتيها بالرغبات ,, أنا اخترت الرياض والشرقيه ومناطقها الحين فيه مراكز تأهيل واستشارات اسريه ليه مايوظفونا تخصصنا ينفع مع هالمراكز الله يوفقنا ويكتب الي فيه الخيرر |
اقتباس:
ماشاء الله متى خلصتي انتي الماستر وصح انتي تخصص خدمة فالاساس او علم اجتماع متعيجزة اراجع الاجوبة نقاطي وحده حسبتها لي تقول 79 وشوي ناسيه كم الشوي ذي:d من جد مفروض يوظفونكم قدمتي عليهم انتي طيب .. ؟ |
هل يوجد امتحان قدرات في قياس للخدمة الاجتماعية ولا لا
|
السلام عليكم
خريجة علم اجتماع :من عام 1425 ولله الحمد اجتزت قياس بس ياليلل ما طولك مع ديوان الخدمة المدنيه |
هلا ام احمد وعارف ومبررومك .. اتوقع لك الخير احس نقاطك فالثمانين وفوق صح او لا
|
مرحبا
انا تخصصي علم اجتماع متخرجه 1432 غير تربوي |
هلا فيك .. ياحليلك توك متخرجة
وين الجماعة اللي هنا لا حس ولا خبر .. |
اقتباس:
بالنسبه لنقاطك حلوه قدمتي بالقصيم والشرقيه !! وانتي داخله المفاضله الاداريه الي يرشحون عليها دفعات حاليا والله يوفق الجميع وحده اعرفها تخصصها خدمة وكانت موظفه قديم بمحو الاميه والحين ثبتوها بمدرسه اخصائية اجتماعية وتقول مسماها بالديوان معلمة وأظن تأخذ نفس راتب المعلمة تقول عندنا بالمدرسه 3 مرشدات الحين الي أبي اعرفه احنا يرشحون من تخصصنا في المفاضلات التعليمية ؟ ولافقط بالاداريه اتوقع ماندخل التعليمي ومكتفين من ناحية المرشدات اللي بالمدارس |
صباح الخيرات ..
سجلوني معكم اخصائيه اجتماعيه .. مع وقف التنفيذ .. (: خريجة بكولوريوس خدمة اجتماعية من ١٤٢٤.. الله يرزقني وياكم رزقً من عنده يغنينا عمن سواه .. |
مرحبا , ابعد من الحلم ,, الله يرزقك ويرزق جميع بنات هالتجمع يارب يارب ياحي ياقيوم. اكثروا من الدعوات حاليا في وقت المطر الله يعجل فرجنا ويعوض صبرنا ويرزقنا الوظيفه عاجلا غير آجل الله كريم
ابعد من الحلم لك تقريبا 10 سنوات متخرجه الله يعجل برزقك يارب وان شاءالله تكون نقاطك عاليه ويطلع اسمك قريب . قدمتي بأخر مفاضله اداريه ؟ |
احنا ضايعين بين الاداري والصحي والتعليمي
عسى ربك يفرجها من عنده |
انا خريجه دبلوم خدمه اجتماعيه وقدمت ع جداره اداريه مجال صحي قبل سنتين وطلع ترشيحي
وفرحت واتصلوا علي ورحت مكتب الترشيح وطابقت بياناتي وكل شي اوكي بس قالت اذا فيه شاغر نتصل فيك ولهم الحين سنتين ماتصلوا يعني فيه امل يتصلون ولا اقدم مره ثانيه ع جداره |
غريبه من جد بس اول مره اسمع انه فيه دبلوم خدمه من اي جامعة هالدبلوم ؟؟ ممكن نقاطك كويسه كم نقاطك أختي !!واحتمال مالقوا لك شاغر بالنسبه للمناطق الي اخترتيها , ممكن كذا اذا بتضيفي بالرغبات او تغيري ممكن ينفع والله اعلم ..
بس غريبه بكالوريوس خريجات الخدمة وش كثرهم ولاوظفوهم حت اليوم منزلين بجريدة الرياض موضوع عن معاناة خريجات الخدمة الاجتماعية وكاتبين بالعنوان خريجات الخدمة جالسين بالبيون من جد ياليتهم يلقوا لنا حل ويقول الخنين تخصصنا معترف فيه ! وكحال التخصصات الاخرى وشلون اقنعني اذا مدرسه بكافة المراحل التعليمية ولايوجد بها اخصائيه اجتماعية ولاهم فاهمين وش دور الاخصائيه بالمدرسه ودورها بعلاج المشكلات ! واذا فيه ماعندهم مشكله اي تخصص ممكن تمارس دورها الله المستعان بس يارب ياكريم يسر امورنا وارزقنا الوظيفه وعوض علينا سنين الصبر .. |
السلام عليكم
زوجي لما راح يطابق عرفوا انه عسكري فطلبوا منه يجيب ورقه أنها خدمه بالأول وبعدين يعبي الاوراق اللي عطوه ويجيبها لهم كلها مع العلم انه يقلون له مو أكيد تتوظف حتى مايعرف اسم الوظيفه ولا ووين فيه مع العلم ان تخصصه علم اجتماع ايش الحل معهم؟ لانه كنت اسمع كثير عسكر توظفوا ولا شرطوا عليهم من البدايه إنهاء الخدمه تخصصه علم اجتماع خريج 1427 تقدير جيد عمره ٣٨ |
اختي تخصصها علم اجتماع
خريجه 1421 بطاله مع وقف التنفيذ |
مادري عن الدبلومات لهم نقاط او لا ضايعه بالطوشه دبلومي تابع لمعهدماي فيوتشر بالقصيم. وترشيحي من بريده يعني فيه امل يتصلون ولا لا
آّنـا ماني مستعجله ع الوظيفه بس. ابيها بعد 2. او 3. سنوات |
الساعة الآن 09:44 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين