بنات جبت لكم حساب الخنين والدخيني وكذلك حساب لتجمع خريجات الخدمة ارجوا المشاركه ليصل صوتنا للمسؤلين والله يرزقنا
عبدالعزيز الخنين @A_khoneen المتحدث الرسمي لوزارة الخدمة المدنية الرياض محمد الدخيني @mdukhainy المتحدث الرسمي باسم وزارة التربية والتعليم الارشاد حقا لنا @social099 |
للصبر اخر وين حساب التجمع الخاص بخريجي الخدمة يطلع لا يوجد
تاكدي من اللي حطيتيه |
طيب الحين فيه اختبار قياس لنا او لا
نبغا ندخل المفاضله التعليميه ولازم نختبر بس تعرفو متى ؟ |
اقتباس:
بنات ادخلوا اختبار قيااس ماتدرووا عن هالوزارة وشرووطها وبالذات ان مدة صلاحيته خمس سنواات واتذكر بالمرحله الاولى كان معانا بنات من تخصصات اخرى علم اجتماع واظن علم نفس والله يرزقنا جميع الوظائف الي تسرنا |
هل لبنات الخدمه الاجتماعيه قياس
|
بنات علم نفس وعلم اكيد يدخلوااا الاختبار لانهم لهم مجال بالتدريس ممكن يكونو معلمات
وبالنسبه للخدمة صرح الخنين وقال الخدمة لايدخلون المفاضله التعليمية والشكوى لله وبالنسبه للقياس شرط اساسي للدخول بالمفاضله التعليمية ... يعني شو الفائده لبنات الخدمة من اختبار القياس ؟؟ والله اعلم قرراتهم كل شوي قرار وماعندها ابشري بجيبلك الحساب |
ايوه بس الاختبار متى
انا الموقع حق قياس مو راضي يفتح معايه |
اقول كرهت تخصصي ولا عاد افكر فيه كثير .. المهم حبيت استشيركم الحين فاتحين دبلومات بالامام
وفيه من ضمنها دبلوم تربوي وتوجية وارشاد .. وما افكر ادخلها لان التربوي ينفع للمعلمات فليه ادخله وتوجية وارشاد نفس الشي اشوف مايدخلها الا المعلمة اللي تبي تحول ارشاد مع انه فيه اخ يقول الخدمة ماترشجك للعمل فالقطاع التعليمي الا لو معك دبلوم عالي في التوجية والارشاد واشوفه ظلم وهبال لذلك مفكرة ادخل انجليزي مطلوب بكل مكان وحتى لو حصل وماتوظفتي به هو احس التخصص اللي موخسارة وقتك فيه لانه لغة العصر وداخل بكل شي عكس التخصصات الثانية اللي فايدتها انها بس ترشحك لعمل وهي بالواقع لا فائدة ولا هم يحزنون خاصه لو جلستي بعدها فترة بالبيت بس اللي مخليني متردد كثير سنتين ادرس هالانجليزي .. |
اكتبي اول شي كلمة تويتر بعدين @social099 ويطلع معك ....
او اكتبي بقوقل تويتر الارشاد حقا لنا |
عدد البنين المسجلين بالخدمة المدنية تخصص خدمة اجتماعية 3012 تقريباً
ليش مالنا بالتعليم مع اننا تربوين ومجتازين للقياس ؟؟؟ انا فهم ليش فاتحين التخصص اجل !!! معقوله بنقعد نستنى كل سنه ينقط علينا بكم وظيفة إداريه !! غير الدفعات المتخرجه الي جايه بالطريق ؟ ليش تخليني اطبق كمرشد طلابي ؟ بالمستوى الثامن ؟ ليش تخليني اطبق كمدرس ؟ بالمستوى الثامن ؟ خير وشذا التخبط ؟ |
الله يرزقنا من واسع فضله ..تجمع خريجين وخريجات الخدمة الاجتماعية قاعدين نتكلم عن مطالبنا وان شاءالله نأخذ حقنا بس لازم نسوي شي مو ساكتين فحابه الكل يشارك به التجمع من خلال تويتر واشكر من شارك ,
غيمة أنت تخصصك خدمة اجتماعية وشلون طبقت مدرس؟ احنا تدربنا فقط بالارشاد ممكن تخصصك علم اجتماع ماعندها سالفه وش صار معك ان شاءالله فتح معك التجمع وحصلتيه |
ايه فتح يالغالية
امممم غيمة الاخصائيات مو تربويات فالاصل الا اللي ماخذه تبلوم اداري والله يابنات الوزارة مو عارفه وش الخدمة الاجتماعية وحاقرتها .. ليت بس مسموح لنا نطلع برا البلد ونشتغل باي دولة ع الاقل ناس صاحيه تعرف التخصص وتعرف دورة وتقدرة موب هالعالم اللي ماعندها غير اصدار قرارات ع عماها |
الا بسالكم بنات الوظائف الادارية اللي يقولوا بتنزل لنا فيها شيء
وانتو بجدارة ايش حاطين اداري او الكل .. ومتى نسجل دخول للجدارة لاجل الترشيح مايفوتنا |
مدري متى المفاضله الاداريه بس ياليت يابنات اذا سمعتوا عنها شي حطوا الاعلان هنا عشان الكل يقدم هذا أملنا الوحيد بعد الله والله يرزقنا من واسع فضله ..
الحين البنات بتويتر ارسلوا معاملة لوزارة التربيه وردوا علينا وقالوا تم ادراج تخصص الخدمة الاجتماعية من ضمن التخصصات المطلوبه وباقي فقط رد وزارة الخدمة ,,عاد مدري عن هالوزاره صادقه او تسكتنا بس نتفائل خير بأن القادم أجمل بإذن ربي . |
السلام عليكم اشكر من من قام بطرح هذا الموضوع
انا تخصص خدمة اجتماعية خريج السنه الماضية |
انا علم اجتماع متخرجة من 16 سنة ونقاطي 87 الحمد لله وترتيبي 26 وطابقت شهر 11 وماترشحت حسبي الله عليهم
|
^^^^^
من 16 سنة حسبي الله ونعم الوكيل اللي يفقع المرارة ان التخصص يعتبر جديد المفروض اللي مثلك ومتخرجه من زمان بوقت الخدمة حديثة اكثر انك موظفة من زماااان ياناس لو يشيلون كل المرشدات اللي مو اخصائيات فالاصل مابقت اخصائية فالبيت ولو حطوا بكل مدرسة مرشدتين وهوا المفروض توظفوا كل الخريجات .. لاننا مو كثير مقارنة بالمعلمات .. لكن وش نقول نظااام فااااشل |
مثل ماقالت الاخت الدول الثانية تعمل حساب لتخصص الخدمة الاجتماعية وهنا مافي ويسألون ليه هالظواهر الغريبة اللي تنتشر في المجتمع لانه مالقوا احد يوعيهم ويرشدهم
|
أعرفكم بنفسي ..
خريجة علم اجتماع غير تربوي عام 1429هـ مجتازة لقياس نقاطي 77 همسة لكل منتظرة للوظيفة ثقوا بالله واتركوا التذمر واشغلوا اوقاتكم بتطوير انفسكن وفق استراتيجيات التعليم الحديث حتى اذا اصبحتن معلمات تكونوا مواكبين للتطوارات الحاصلة داخل الميدان : الله الموفق |
أتمنى هالتجمع يتفعل حتى بخريجات علم النفس
لأن مفاضلتنا وحده . |
...............................................
للرفع |
انا خدمة اجتماعية مع دبلوم تربوي انتم ابرد ناس شفتهم زين بس فتحتوا موضوع لكم تفضفضوا عن نفسكم ولا الاقسام الثانية كل شيء عملوا تكلموا في سبق عن حقوقهم تكلموا في القناوات وانتم والله ما احد داري عنكم بالنسبه لقسم الخدمة مو معتبرية قسم مثل الاقسام الثانيه وثلاث ارباع المجتمع مو عارف وش يعني خدمة اجتماعية والمفروض يقفلوا القسم افضل من انو كل سنة يخرج ضحايا وحتى الاحتياج التعليمي جدا قليل مره تعبوا نفسهم ومعنا قسمين علم اجتماع وعلم نفس ولا شفت اعتراض منكم يالخدمة وعلم اجتماع وعلم نفس شوفوا تربية خاصه يوم شافوا الاحتياج قليل تكلموا بسبق ويد وحده ترا ما تصفق
|
^^^^
طيب ياحلوة ابدي انتي بالتحرك ورفع صوتنا واتوقع الكثير بيكون معك .. وبخصوص الاخت العزيز وعد المشاعر .. انه ليه نتذمر ومفروض نشتغل ع انفسنا اعتقد اذا مو جازمة الاغلب داخله دورات ومتعلمة عدة امور والبعض معها الماجستير لكن ايش الفايده لو طورنا وطورنا وفالاخير مافيه وظائف لكن انا مو ضد التطوير بوظيفه او بدون لانه فائدته ترجع لي اكيد لكن العمل مطلوب |
اقتباس:
وهناك عندهم التدريب بالارشاد وبالتدريس بالمستوى الثامن. 6 ساعات 6 ساعات والمستوى السابع 9 ساعات |
بالتوفيق
|
...\\
هلا هلا هالتخصص حيل مظلوم مع انه خلق للمبدعاات امثالكم ومثلي اكيدنن ههههه الموهم ياليت نتكلم عن الاحتياج ونعرف وش المدن اللي فيها احتياج لمثل هاذي التخصصاات ؟ |
هلا بالأخت الفاضلة ماعندها سالفة
صدقت بكلامك معاك حق .. |
ياخي طفشت والله ايش هدا مافيه اخبار تفرحنااا ياهووووووووووووووو
|
هدووء الموضوع ,,, وينكم وكيف اجازتكم وايش اخبار الوظائف معكم فيه جديد
|
كم توقفت نقاط المفاضلة
|
السلام عليكم ورحمة الله وبركااته
بنات بسألكم ,, الحين فيه شي لنا بجداره ؟؟؟ لأنني واخيرا ولله الحمد قررت أسجل في جداره ^_^ سمعت الخبر اللي بكره بتنزل احتياج الوظائف التعليميه ,, بس احناا مو تعليمي صح ؟؟؟ وش تصنيفنا احنا بجداره ؟؟؟ هل من الوظائف الاداريه ؟؟ واذا ايه ,, متى راح ينزل احتياجها ؟؟؟ ***** وسؤؤال ثااني ,, الحين لو بكمل ماجستير ,,, الافضل ادرس تخصص خدمة اجتماعيه او تخصص علم اجتماع ؟؟ >> ماطاح الا انبطح ههههه والله يوفقنا وياااااااااكم يااارب |
حسبي الله عليهم نزل احتياج التعليمي ولايوجد تخصصنا ؟ ليه المدارس مو محتاجة اخصائيات اجتماعية ؟؟؟ الوضع ماينسكت عليه راحت أعمارنا به التهميش لاحول ولاقوة الا بالله .
ننتظر المفاضله الاداريه وان شاءالله ربي يعوضنا فيها بس مالها طاري مدري متى تنزل ؟؟ الى الله سرنا... عزيزتي انا معي بكالوريوس خدمة وماستر علم اجتماع وماحسيت اني خرجت من مشكلة تهميشنا بالوظائف بالعكس نفس الشي الاساس بجداره البكالوريوس فققققققط ولحد الحين مافيه مفاضله للدراسات العليا نساء الله المستعان . استخيري والي حابته ادخليه ممكن اذا درستي ماستر خدمة تقدمي معيده بالكليه .. |
انا علم نفس اخصائيه نفسيه للاسف زيكم طالبين بس 8 ومتشرطين بعد يبونها تدربت بمستشفى او مركز تاهيل وانا الي رحت اتدرب في مدرسه على بالي احسن .. حسبي الله ونعم الوكيل ابي اراسلهم بس يرفض يرسل الاستفسار ماادري ليه يطلع لي ادخل 800 حرف واستفساري سطر بس عيا يرسللل
|
الله يرزقنا جميعا يارب في هذا اليوم المبارك ويكتب لنا الوظيفه في القريب العاجل اللهم امين
|
قدموا بديوان المظالم طالبين تخصص خدمة اجتماعية .. الله يرزقنا يارب
|
يارب متى يرتفع حظنا ملينا
|
بنات لنا شي بجدارة هالايام او لا .. نحتاج نحدث او لا
|
مرحبا بنات كيفكم عساكم بخير
حبيت اقولكم اللي للحين عاطلة وفاضية وحابه تتدرب عند أخصائي محاضر بجامعة الملك سعود ومسشتار .. حاط عرض انه ع استعداد يدرب مجموعة من الأخصائيات الاجتماعيات ويوظفهم انا رحت وكنت اول وحده تقدم فطبعاً ماعطاني رد بالقبول او الرفض لكن روحوا عرض مايتفوت ترا احنا نحتاج تدريب والمقابله تافهه ولا فيها شي يتاهل التوتر ادخلوا ع حسابه بتويتر وقولوا عرضك الخاص بتدريب الاخصائيات مازال او انتهى وبيرد عليكم وعطاني ايميل ارسلت عليه وباليوم اللي بعده كلموني وحددوا وقت للمقابله وكانت بمركز أملي ع طريق التخصصي هذا حسابه بتويتر/ dr_Alawad د/ سلمان العواد .. واللي تروح وتنقبل تخبرنا والله يوفق الجميع |
يعطيك العافيه ماعندها سالفه ومشكوره ياقلبي .. يعني أسأله بتويتر بالعام وبيرد علي طيب ياقلبي التدريب كم فترته !وهل هو مجاني او برسوم ؟؟؟؟ والله يوفقنا جميعا ويبشرك بالقبول
|
السلام عليكم ورحمة الله وبركاته
الله يوفقكم ويرزقكم بوظايف تاليق بامقامكم عاطل جديد تخصصي علم اجتماع واخدمه اجتماعيه . سنة التخرج 1434 سوال /هل الوضع بيستمر بشكل هذه بدون تعديل من الديوان؟ سوال/ لي ماحد يتواصل مع الاستاذ داود الشريان ويجيب عبد العزيز الخنين مع الشباب وا البنات ؟ الخنين مايرد علي احد فعاد لازم ينجاب هو مع الدخيني:mish::mish: :cry::cry::cry::cry::cry::cry:"P"P"P:cry: |
الساعة الآن 09:35 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين