اغاني شتاء تقدري تدخلي على ملفك وتعديلين بالبيانات ويعتبر تحديث لبياناتك وممكن تتصلي على الديوان وتسألي وش صار عليك يعني طابقتي ولاطلع اسمك للحين والله يرزقك بالقريب العاجل

عزيزتي في اي سنه تخرجتي ؟؟ كم لك متخرجه !,,, وبعدين انتي تقولين مقدمة بالمجال الصحي وشلون يعني لما رحتي الديوان وقت المطابقه قالوا وظيفتك بمستشفى ؟؟ لانه بجداره ماتقدري تحددين الوظيفه سواء او اداري... والله يوفقك ويرزقنا جميعا يارب ياحي ياقيوم افرجها علينا واغثنا .

امين وياك ي قلبي..

المفاضله الاخيره اللي في شهر عشره ما قدمت عليها لاني ما دريت عن الاعلان ..


لكن ان شا الله التوظيف في تخصصنا ماشي لان فيه وحده قبل كم سنه كان ترتيبها 800 و الحين ما شاء الله في 200 استبشروا خير ي بنات .. (:

تسلمين انا خريجه عام 15/7/1430
وطابقت 28/2/1432
هي ماقالت اني بمجال صحي بس انا كأني لمحت شي صحي بس
اللي متأكده منه ادراي بس يمكن اداري بمركز اعاقه او توحد او شي زي كذا
لأن هذا مجال التدريب اللي طبقنا فيه بتخصصي وقالولنا عن الاماكن اللي ممكن نتوظف فيها

معليش عندي سؤال الحين يعني بما اني طابقت يعني في امل يطلع اسمي مع المرشحات بين فتره وفتره ولا احدث بياناتي واقدم من جديد

وديوان الخدمه هو نفسه مكتب الترشيح والدبلومات مادون الجامعه لهم نقاط :eek:واذا لهم نقاط كيف اعرف نقاطي :zردو علي تكفون

وانا كمان ماقدمت مادريت عن اعلانهم والله يعوضنا يارب ..

الحمدلله ع كل شي والتفاؤل شي طيب والفرج قريب باذن الله اهم شي نكثر من الاستغفار وقيام الليل والتقرب الى الله , والله بيرزقنا ان شاءالله

ان شاءالله فيه امل يعني انتي انهيتي المطابقه وتتنتظر الترشيح متى ماتوفر لك وظيفه شاغره بينزل اسمك والأفضل تتصلي عليهم وتعرفين وش سبب تأخر الترشيح , وبالنسبه للتقديم مره وحده انتي خلاص قدمتي ولما تدخلين على ملفك وتعدلين يعتبر تحديث يعني مو تقديم من جديد خلاص انتي بياناتك موجوده وبالنسبه لي انا كل فتره ادخل على بياناتي واحدث اضغط التالي التالي الين خروج تعرفين الوظائف الاداريه مافيه اعلان واضح ,,
انا ماعرف كثير عن الدبلومات وطريقة توظيفهم بس اتوقع حساب النقاط واحد الي هو
نقطتين على الاقدميه + 50 + نص نقطه لكل درجه زائده على الخمسين

والله يوووفقك

مرحبا
انا علم اجتماع وابي اخذ شهاده من هيئة الاختصاص اخصائيه اجتماعيه
من عندها فكره عن الموضوع تفيدني

هلا عذبة .. والله ماعندي خلفيه عن الموضوع ان شاء الله البنات يخبروونك

ولو اني شوف حظوظ خريجات اعلم الاجتماع اكثر فالتوظيف كمعلمه

عذبه لازم تحضرين دوره الانعاش القلبي من اي مستشفى

وتقدمين الشهاده لهيئة التخصصات الطبيه

وتبدين خطواتك من عندهم هم راح يرشدونك

عذبة الاوصاف اذا حابه تأخذينها روحي لمبنى الهيئة الصحيه واطلبيها وعاد هم يقولون لك ممكن تحتاجين تدريب مدة 3 شهور أو سنة ويطلبون منك دورة الانعاش الرئوي تطلعينها بيوم واحد من اي مستشفى ممكن تحصلينها موضوعها سهل والله يوفقك

طيب بسألك الحين هالشهادة يطلبونها اذا تعينت بوزارة الشئون الاجتماعية ولا فقط بالمستشفيات ؟؟

جزاكم الله خييير كل اللي ردوا عليه

استغفر الله الذي الاله الاهو الحي القيوم واتوب اليه

يالله جلست ادور الموضوع لقيته فالصفحه السابعه .. رحمت نفسي وانا ادور


كيفكم يا حلوات وايش جديدكم ..

الحمدلله أنتي كيفك ياعسل ...... اخبار انتظار وترقب وتفاؤل بالوظيفه بإذن الله

اوما الصفحه السابعه لازم نرفع الموضوع كل شوي ونتواصل لعل فيه اخبار حلوه قادمة ...

اهلن فيك ياعسل ..


طيب بنات انا ماسبق قدمت بإختبار القدرات الجامعيين ومفتوح حاليا

بس لمى جيت اسجل ماعرفت لموضوع المنطقة التعليمية

المشكلة انا متخرجة من كلية الخدمة الإجتماعية قبل كم سنة والحين انظمت يقولوا


لجامعة نوره ادخل اي اسم طيب اللي بالشهاده او نورة


واللي اختبرت قدرات كيف كان .. ولو فيه كتاب تراجع منه خبروني

انا تخصصي علم اجتماع 1430 تقريبا من اربع سنوات متخرجه واملي في الله كبير ولو اني الفتره دي مرا محبطه منهم
ماني عارفه ايش اسوي منجد لمتى الانتظار بس
الحمدلله على كل حال


فيه احد منكم يعرف متى اعلان عن وظايف اداريه او صحيه او اي شي ؟ معلومات بقصد

الله يوفقكم يارب

السلام عليكم ورحمة الله وبركاته
زين يابنات فتحتوا هالموضوع الله يجزاك خير أختي (ماعندك سالفه) ^_^

تخاريف إنتي مثلي بالضبط خريجة علم اجتماع من عام 1430 غير تربوية
يعني لا أخذت دبلوم تربوي عشان أنضم للوظائف التعليمية >> ومافيني أدرس من جديد ولا أتوظف معلمة يعني التدريس مو في بالي كلش
ولا أخذت شهادة تصنيف عشان انضم للوظائف الصحية
ولا دخلت قياس

بصراحه مو عارفة وش أسوووووووووووووووووووووي ...

اهلا بالعضوات الجديدات ..


ليه طيب ماتاخذي تربوي او كلش ماتبين تعليم .. طيب بما انك علم اجتماع ممكن تنقبلين فالاداري

كمرشده لكن تأكدي لاني مو متاكده من هالمعلومة ..

واختبري قياس ممكن يجي بيوم تحتاجي هالاختبار وتقولي ليتني اختبرت ولا ضاعت علي فرصة





مازلت انتظر اي وحده عندها خلفية بخصوص اختبار قدرات الجامعيين .

انصحكم بالتقديم ع التشغيل الذاتي محتاجين لاخصائيات اجتماعيات

ولازم يكون معكم تصنيف الهئيه وشهادة السبي ار

انا مثلكم خريجه خدمة اجتماعيه ولله الحمد توظفة ع التشغيل الذاتي بالطب المنزلي

واتمنى لكم التوفيق واي استفسار انا مستعده

ماعندها سالفه والله انا موفاهمه احنا نختبر قياس او لا تخصص الخدمة مدري وش وضعه بالضبط؟؟

الجازي مبرووك الوظيفه وين توظفتي ؟ وشلون اقدم على التشغيل الذاتي اللله يسعدك فهمينا طريقة التقديم لاني ادخل مواقع المستشفيات ولااحصل تقديم مفتوح لتخصصنا خدمة اجتماعيه لاني حابه اتوظف اخصائيه اجتماعية ع التشغيل الذاتي

السلام عليكم كيفيكم صبايا
انا خريجه علم اجتماع من سنتين يعني عام 1432 بس بلوثيقه كاتبين علم اجتماع وخدمه اجتماعيه وبجداره مافي الا علم اجتماع مافيه خدمه والي سمعته انه جامعه الملك عبدالعزيز لغت تخصص خدمه اجتماعيه وخلت مسماه علم اجتماع وخدمه اجتماعيه يعني صار تخصص واحد المهم انا دوبي متخرجه ولمن اقرى البنات الي تعينو بشوال لهم 10 سنين متخرجين بصراحه فقت الامل بلوظيفه المشكله اني غير تربوي وانتساب يعني فرصتي ضعيفه جدا بلوظيفه

الله يبارك في عمرك اختي
انا قدمت ع الوظيفة في جازان من سنه تقريبا رحت ادراة التشغيل وقدمت عليها
وبعد شهور اتصلوا فيني والحمدالله واختاروني بالطب المنزلي

ولازم يكون معك تصنيف من الهئيه وشهادة السبي ار يعني انعاش رئوي

واتوقع الحين عن طريق النت
وصار التقديم كل 15 في الشهر حاولي انك تروحي الادارة الافي منطقتك وسلمي اوراقك لهم
والله يوفقكم

سو سو الحين صاير التوظيف مره صعب ومعقد بس اللي ربي كاتببه بيصير وتفائلي خير والله يرزقك ويرزق جميع بنات هالتجمع يارب ...


انا قدمت على مستشفى السعودي البريطاني وكلموني اليوم بكره مقابلتي احد عنده خبر عن اسئلتهم ؟؟ والمشكله ماعندي لغة انجليزيه ابدا ومتردده اروح ولا لا وش اسوي وش رايكم ؟؟ حيل محتاره

طبعا الوظيفه مو مقتنعه فيه بس شسوي ماحصلت شي ممكن موظفة استقبال او موظفة مواعيد يارب حقق جميع آمالنا واجعل اخر صبرنا وثمرته الوظيفه عاجلا غير اجل .

الله يجزاك كل خير الجاازي ,, ايوه انا رحت للهيئة عشان اطلع البطاقه التصنيف قالت تدربي بمستشفى سنة كامله لاني متخرجه اكثر من خمس سنوات ,وعطتني خطاب بس المشكله سنه مره مدة طويله علي اتدرب بدون راتب ولاشي وايضا سمعت انه بفلوس كل شهر اعطيهم الف ريال..

والله حابه اخذ هالشهادة دورة الانعاش الرئوي مقدور عليها بس التصنيف شرط التدريب شوي صعب .
انتي خذتيها بدون تدريب ؟

ووياك اختي
لا ماتدربت لانه انا تخرجت سنه 1430 وتوظفت سنه 1433
فيمكن تدريب الا خمس سنوات واكثر اتوقع

بنات الخدمة الاجتماعية لازم نقدم شكوى نسوي شي عشان ندخل المفاضله التعليمية ليش مستيعدينا منها ؟؟؟ مو حقنا نكون مشرفات بمدارس ؟؟ حسبي الله عليهم

خريجات عاطلات قديمات حاطين موضوع بتويتر بالهاشتاق ودائم يتكلمو عن معاناتهم ويوصل كلامهم للخنين والدخيني صاحب التربيه ...
بنزل موضوع بهاشتاق عشان توصل معاناتنا وظلمهم لنا ولعل وعسى يرحمونا ويعيدوا النظر فينا لنا كذا مهمشات وساكتات عن حقنا بالتوظيف اقل شي ندخل المفاضله التعليمية ونقدم ونفاضل مع جميع التخصصات لكي نمارس مهنتنا بالمدارس ونحل مشاكلهم وماتروح دراستنا ع الفاضي ..

وش اسم الموضوع الي تختارونه وش رايكم خريجات الخدمة الاجتماعية بلا وظائف ؟؟؟

للصبر مخي مشوش حاليا .. بخصوص الهاشتاق


بس انا شبه مصدومة من كلام الاخ اعتقد عثمان اللي يقول من شروط

القبول بالوظائف الحكومية اختبار قياس ..

وكملها بكلامه انه ماترشحك الخدمة تصيري مرشده بالحكومي الا لمى تاخذي دبلوم عالي توجية وارشااد

سلاااااااااااااااااامااااات ..


هالكلام ينقال للمعلمات اللي يبون يحولون ارشاد مو الاخصائيين اللي درسوا 4 سنين وطبقوا تخصصهم الارشادي بالمدارس



انا منقهره من هالكلام مع اني ما ابي اتوظف مرشدة وبحكومي او اهلي بس هالكلام كبير وينرفز ..

وش يحسووون فيه هالمسؤلين كل يوم لهم سالفه جديده اقسم بالله انهم مايدرون وش تخصص الخدمة الاجتماعية اجل ليه يبون ندرس توجيه وارشاد وحنا متخصصين ودراستنا كلها بحل المشاكل وتشخيص الحالات الشكوى لله بس ...

تحطيم لتخصصنا ضاعت اعمارنا وحنا كذا نبي مسمى وظيفي فقط يارب تنحل مشكلتنا قريبا

حسبنا الله سيؤتينا الله من فضله إنا الى راغبــــون..

حسبي الله ونعم الوكيل
الله يوفقنا جميعا

:

وزارة التربية والتعليم أغبى وزارة شفتها بحياتي..

ذبحتنا تطوير التعليم وبيئة التعليم وهي موظفه مرشدات غير متخصصات

واللي يدل على الغباء تقول لهم خذوا دبلوم توجيه وارشاد

والمتخصصات وش كانوا يدرسون حقره بقره ..

وبعدين وين وزارة الشؤون الاجتماعية احنا بعد تابعين لهم


اللهم عليك بكل ظالم وكل مسؤول لايؤدي واجبه..

حسبي الله ونعم الوكيل..

تخصص مهم ومظلوم

الله يقهرهم ويحبطهم في حياتهم زي ماحبطوننننني


بنات انا ماعمري سجلت بقياس ويقولوا الحين انو فتح وابغا اسجل ورفض يفتح لي الموقع
ايش الموضوع بالزبط ماني فاهمه وانا تخصصي علم اجتماع

هلا زهرة الاقحوان وتخاريف ...


والله يابنات احترت مدري كلامه جد او لا .. بخصوص هالدبلوم


تكفون اللي تعرف احد ثقة وفاهم او اسئلو منتظر هاللي تقولوا عنه صدق هالكلام

انه ماترشحنا الخدمة المدنية للعمل كمرشدات بالحكومي الا بعد اخذ دبلوم فالتوجية والارشاد


وهالقياس جننا ناس يقولون ماتختبرونه وناس يقولون الا ...


اصلا هالتخصص مو دارين عنه هالوزارة ولا حتى الادارات بالمدارس سبق عملت بمدرسة


والله انه دااجين ويتفلسفون ووووو الى مالا نهاية ... مفروض بكل بمدرسة مالايقل ع 3 اخصائيات


وزين بعد يلحقون يحلوا مشاكل البنات ويتابعوهم العمل ممتع لمى يكون فيه ادراة تفهم ايش معنى


اخصائية اجتماعية ويكوون مع اخصائيات يساعدونك ..


لكن الله يقهرهم مثل مايقهرونا ..


يعني لا مدارس يوظفونا ولا مستشفيات الا بعد تدريب سنه كاملة والله من التعقيد

بنات مو معقولة ساكتين كذا

لازم نشوف حل

بنات الخدمة الاجتماعية ماأدري احنا نختبر قياس او لا بس الي أنا متأكده منه شي واحد انه مالنا وظائف في المدارس ولانقدر نقدم على المفاضلات التعليمية وجودنا زي عدمنا أصلا لاوجود لنا وحاذفينا من قاموس الوظائف عندهم ماقول غير حسبي الله ونعم الوكيل لاززززززززززم نطالب نكلم محامي نسوي شي عمرنا ضاع واحنا مظلومات اجل ليه يعشمونا وتخصصنا كويس ومطلوب بالمدارس وبالأخير أي وحده غير متخصصه تمارس دورنا هذا مو ظلم ؟؟؟ بتويتر قاعدين البنات يطالبون ويتكلمون احس صاير فيه حركه شوي ادخلوا تويتر كل ماكبر عددنا كل ماأنظروا لنا وحسوا بمعاناتنا بس مو حلو نسكت ماراح نأخذ حقنا واحنا ساكتين

انا كل يوم ارسل للخنين والدخيني صاحب التربيه ازعجتهم بس لابد الكل يراسلهم نبي نتوظف بمدارس فياليت الكل يراسلهم وبرسلكم حساب بتويتر مطالباتنا موجوده فيه وكذلك عبر الهاشتاق والله ينصرنا على كل من ظلمنا

حسبنا الله سيؤتينا الله من فضله إنا إلى الله راغبون

ايش طبيعه عملك
ودرستي علم اجتماع بجازان؟
وكيف الراتب ووقت العمل حقك طويل؟
يسعدك ربي

ويستقبل المجلس مقترحات المواطنين واستفساراتهم التي يرغبون عرضهـا على معالي وزير الخدمة المدنية على البريد الإلكترونـي webmaster@shura.gov.sa أو على الفاكـس رقم 014816971 حتى موعدٍ أقصاه يوم السبت القادم

بنات ارسلو له نطالب باضافة تخصص الخدمة الاجتماعية بالمفاضلات التعليمية كثفوا الرسائل . يوم الاحد بيكون بالشورى وبيرد ع الاسئله