انا قبلوني مبدئي على رتبة رقيب بالمباحث
وسويت مقابلتين والثالثه كشف طبي

الاربعاء اللي راح رجعوني لأن وزني 107 وحاليا ( 106 ) الطول ممتاز قريب لل 175
صحتي سليمه ولله الحمد والنظر ممتاز


معطيني فرصه للاربعاء القادم انزل 3-4 كيلو


ماقدرت انزل الا 1 كيلو فقط مع ان كل يوم امشي على السير


لو ردوني اقدر ارسل برقيه لوزير الداخلية واشكي الوضع ؟ عمري 26 وعاطل لا عمل ولاشي


هم طردوا جامعيين عددهم 4 مدري اكثر عشان طولهم قصير , تتوقعون يمشوني لأن عندهم نقص ؟

آسف على الاطاله بس ابي اوضح كل شي

من ناحيه البرقية ماتفيدك بشي مسوين فيها النظام يطبق على الجميع شفلك واسطه ابرك من الف برقيه بالتوفيق لك

اول شي / اسأل الله كل التوفيق ..

عندك اسبوع صح ؟ لاتمشي على سيري ولا امشي على سيرك .. السير م بينفعك وانت نظام اكلك مو تمام


روح اقرب نادي والافضل وقت اللياقه لان المدربين خبره
وضح لهم قول بنزل 4 كيلو خلال اسبوع ، في برنامج يومي تمشي عليه اكل ، وفي اشياء تاكلها بشكل يومي من الخضار والفواكه ،
بعد اذن الله الكريم تنزل .. وتزبط امورك اهم شي خلي نظامك 24 ساعه على الجدول الي يعطونك وحاول تشوف مدرب خبره اهم شي وتمارين واكل وكلش . حتى مشروبات هم يحددونها لك
وبأذن الله الاحد الاحد تنزل وتخف ..

==

وحتى لو نزلت 3 لما تروح هناك ، شد نفسك في الوزن
تقولي كيف اشد نفسي ؟

انفخ صدرك وارفعه بقدر الامكان ، وارفع نفسك فوق بقدر الامكان وشد نفسك ، كذا وزنك يقل وطولك يزيد للمعلوميه .. تنفعك اقل شي بكيلو يروح عليك او نص

ولو م مشيت اقعد بنحر حق الميزان لو مشاك شي حلو ، م مشاك لاتطلع ي حبيبي من التجنيد
او ادخل ع الضابط حق مكتب التجنيد واشرح له وضعك يعطيك فرصه او يمشيك
قوله عمري كبير ومتخرج وعاطل وماصدقت انقبلت ومن ذا الكلام
تراه انسان مثلي مثلك وبعضهم وربي محترمين يمشيك او يعطيك فرصه، اهم شي كافح ترا مافي شي يجي بدون تعب ومكافحه

لاتيأس ياعزيزي ان الله معك ، اهم شي اصدق مع ربك وصلي الوتر وادعي ربك
وترا ربي م بيخليك ، رقيب وفي المباحث ، بتنسيك ايام الجحف والعطاله كلها لما تستلم اول مربوط 12 الف .. او 14 الف لو كنت علمي ،


بالتوفيق لك ، اهم شي شد حيلك واصدق مع ربك وخلي الوالده تدعي لك ، وشد حيلك ومثل م قلت لك اقعد بنحر الي يقيس وزنك واهم شي ادعي ربك وخلي واسطتك ربك
ولله اني اعرف ناس انفكو من ازمات مايفرجها الا الله سبحانه ،
انت سوي الي عليك وكله على الله .. وبالتوفيق لك

الله يهديك يومين وتوك تكلم ..

مالك الا تمكنها مشي ي حبيبي كل يوم من بعد صلاة العسر لبعد صلاة العشاء ولو تقدر كمان لازم تكد نفسك كد
وتاكل تبوله على الفطور والعشاء .. كان المفروض من بدري تشوف وضعك

عموما شوف ، توكل على الله وروح ، والي مكتوب لك بيصير اهم شي كافح ي رجال ب المركز .. ولا تخرج الا وانت سويت كل الطرق ومانفع اهم شي ،


مع انه غريب ! الي اعرفه الي متين يدخلونه ويشتروطون عليه ينقص وزنه ب الدوره ..

اخس يدب عجزت تنزل وزنتك بس تلهم من العيشه وردوني عند وزني ههههههههههههخ
حرررام عليك رقيب ممكن فوق 10 الاف والعمل بثوبك !!!
وتضيعهااا كذاا ؟؟؟؟

ان شاالله يساعدونك

ياخي والله لو اني مكانك ماقعد قزرها مشي اليومين ادعسسس لا توقف اضغط على نفسك لقصى شي

انت بي مدينه ..؟