السلام عليكم ورحمة الله وبركاته

طبعا كلنا نذكر حافز 2 والتعليق الي صار بالموقع بين قوسين التعلييييق
والسبب ايش كان يعني.. ناس غيرو المتصفح وفتح معهم وناس غيرت
المتصفح وبرضه ما فتح معهم وكذا المشكله كانت من السيرفرات وهذا اكيد
طيب عطونا مهله من انه غير ملزومين بالتحديث الاسبوعي لمدة اسبوع حد بس
والفتره الي كانت مطلوبه هي اكثر من اسبوع وهذا الي صار للي خصم
عليهم يعني والله لو ان منتدى بطاله كان مسلفهم السيرفر كان ماصار ولا تعليق
ماشاء....
المهم جلست شوي وجاتني رساله وانا والله العظيم جالس احاول فالموق يفتح
جربت كروم وجربت اوبرا وجربت فاير فوكس وماخليت ولا متصفح الا ماجربته
سواءا كان بالبيت والا المقهى مافتح ...وفتحت الرساله وكان مكتوب فيها
انه بيتم خصم مني لعدم الدخول لمدة سبعة ايام والمبلغ المخصوم. 200
اتصلت فيهم وقلت لهم عن المشكله وقالو لي اذا نزل مخصوم اتصل فينا
جلست كم يوم وجاتني رساله ثانيه اكيده انه فيه خصم علي واتصل فيهم
وقلت لهم نفس المشكله وقالو لي نفس الكلام وعاد المره الاخيره نزل الخصم
بالموقع واتصل عليهم ويقولون ماراح يخصمون قلت التأكيد بالموقع وقالو
اذا نزلت الفلوس فالصرافه مخصومه اتصل المشكله اني قلت ميد الموظفه قولي ترا عادي
بيخصمون او لا قالت لا وحيرتني كثيييييييييير
طيب انا قريت من الاخوان والاخوات الي هنا ان حصل معاه نفس المشكله هذي بيصير
معاه خصم لا محاله لا محاله وهذا صدق تحطييييم قوي
وش ذنبنا حنا يعني والله لو بيطلبون بنعطيهم من دون حركات مالها داعي
هذا ظلم وبقوه وما في احد بيرضاه وكل الي صاير معهم نفس المشكله نتمنى تفيدونا
بالذات اليوم بعد التحديث اقصد بعد ماتزل اعانتهم بالصراف

للأسف مانقدر ناخذ منهم لا حق ولا باطل
استنى لحد ماتنزل لك وشوف يخصمون او لا

انا مثلك بالضبط


الله يعينك الخصم 200 مستمر

يعني راح ينزل لك 1800 ريال

يعطيكم العافيه عالردود
..........................

والحين سواها حافز وخصم ال 200 من جد وهذا بعد الانتظار الي هم قالو عنه

طبعا الحين اوقات الدوام انتهت لا احد يتصل ولا حاجه ولكن ان شاء الله باكر نتصل

ونشوف وش اخرتها معهم وتصبحون على خير...

انا الي قاهرني حاجه وحده وبس والله ماهمتني فلوسهم
ولكن ليه هذا الظلم والافتراء الي عيني عينك.

شي طبيعي اذا وصلتك رساله بالخصم راح يخصمون

وبخصوص موظفات حافز للاسف كلهم يصرفون واغلبهم جديده على الشغل ولاتعرف واول مايدق عليهم احد يستفسر تصررفه ... كيف تقول لها وصلتني رساله بالخصم تقول لاماراح يخصمون منك ...! بس هذا يوضح انهم لاهم ولاموظفينهم صادقين بشيء


معوضض ياخوي ...

الله يعوضك بالوظيفة السنعة
بعيد عن حافزهم المذلة

مشكورين كثير على ردكم لي...

اتصلت عليهم وابد ماكان في شي جديد طبعا رفعت اعتراض وانتظر متى توصلني الاستماره
على البريد الالكتروني واعبيها واعود ارسلها لهم

ما اقول الا اللهم آجرني في مصيبتي هذه واخلف لي خير منها.