26-04-2014, 10:10 AM
|
عضو نشيط
|
|
تاريخ التسجيل: Oct 2011
المشاركات: 118
معدل تقييم المستوى: 50
|
|
أختي ركزي معي :
روحي عند محلات دهن العود مثل الدخيل للعود واطلبي كيلو دهن عود كمبودي بتحصلين درجة ممتازة ومناسبة والريحه حلوة اعتقد سعره من 1500 ريال وربما يصل الى 2000 ريال ( بس لاتروحين عند اي محل يبيعك .. روحي عند الشرهان او الدخيل او القرشي ) اما العربية لاتروحين لهم لانهم يغشون .. انتي ادفعي طبعا هالتجارة مافيها خسارة اصلا وتصريفها سهل ويعتمد عليك بالعرض بشكل مستمر
الكيلوا تعبي لك مايقارب 250 الى 300 ربع تولة .. كل ربع تولة بيعيها على 100 ريال
طبعا انتي قسمي بين ربع تولة ونص تولة
الربع بـ100 ريال
والنصف بـ 200 ريال
واعرضي في موقع حراج لان الناس فيه باستمرار
واعرضي ايضا في المنتديات الكبيرة الرجالية مثل ( ساحات الهوامير - مكشات ) وبيعي بين اقاربك واهلك ومعارفك وصديقاتك وسوي اعلانات بمدارس البنات
افرضي راح منك 10 ربع تولة بيصير 1000 ريال
وافرضي ايضا راح منك 10 نص تولة بيصير 2000 ريال
بعد كذا وناخوك استمري في عرضها بالمواقع اللي قلت لك عليها الى ان شاء الله تنتهي
ابتعدي عن الشراكات ( نصيحه ) تاجري بنفسك وخاصة دهن العود مافيه خسارة ابد والله يوفقك
|