[align=center]
السلام عليكم ورحمه الله

اولا حابه اقولكم
سبب كتابتي لهذا الموضوع
انا اصغر وحده وكنت مدلله كثيراً من امي وابوي
ولكن شأت الاقدار انهم ينفصلون ×
بعد انفصالهم حسيت اني عشت اسوا مراحل حياتي
المهم الحين ضايعه بينهم واحيانا ينسون يعطوني مصروف
وبصراحه اخجل اطلب حق كتب للجامعه صرت ادرس من اللخصات ع النت
اهلي ابدا ماقصروا معاي وانا مو زعلانه علي الي صار هذا الي كاتبه الله
والحمدالله حمداً كثيرا ، بس حابه اعتمد علي نفسي واشيل نفسي ومصاريفها
والله اني اخجل خجل كثير اني اطلب من امي او ابوي
خاصه ان بعد الانفصال احيانا يعصبون علي وكل واحد فيهم يحولني علي الثاني
اعتبروا هالكلام مقدمه للي بقوله
من هنا جربت اكثر من شغله

المهم اني جربت وحاولت اشتغل بالنت
وفعلا لقيت مدرس يملك مطبعه كبيره بجده
وفي كل مره يجيه طلب يعطيني واصممه له وارسله بالايميل
ويحول لي سعره والحمدالله كنت احيانا بالشهر 200 واحيانا ولا شي واحيانا 1000 وشوي
بس صاحب المطبعه راح برا يكمل دراسته وقفل المطبعه وتركت للاسف

بعدها بفتره تعرفت علي مره غير متعلمه بس عقليتها تجاريه ماشاء الله
وطلبت مني اتجار لها اخذت فيزتها وصرت اطلب للي يبي من النت
بعموله بسيطه والحمدالله ربحت بس الان الحرمه
اخذت الربح وحطته بصالون وبطلت شغل تجاره علي النت
وللحين مالقيت عمل

قدمت علي موقع رياده للمستفيدين من الضمان
لتمويل مشروعي كنت حابه افتح كافيه نسائي
لاني متاكده 100 % راح يكون ناجح
والسبب اعيش بمنطقه صغيره مافيها خدمات كثيره
واغلب سكانها من الفتيات
<~ ترا صدق سويت احصائيه واكتشفت ان اغلب سكان منطقتي بنات
فا مثل هذا المشروع راح يكون جميل ومربح
اغلب الفتيات حابين يطلعون او يتلاقون او مكان جديد يرفهون علي نفسهم فيه
ف الكافيه ومحل هدايا فيه بيكون مشروع مثالي

لكن للاسف ماقبلوا طلبي
لاعرف الاسباب
وماعندي المقدره الماديه بصراحه

لذا فكرت
بما اني من الشرقيه وزي ماشفتوا عندي خبره اكثر من 9 سنين تصميم
وعندي خبره بسيطه للطلب من الانترنت والمواقع
لغتي الانجليزيه لاباس فيها
طالبه انتساب
بصراحه كل ماعندي الحين 2200 ريال أي نعم الفين وميتين
وحابه ابدء تجاره فيهم والله يطرح فيهم البركه

فكرت اجيب بضاعه تليق بكل موسم وابيعها
مثلا وقت الدراسه قرطاسيه
وقمصان وبلايز وشنط للبنات الجامعيات
وواكسسوريز
واعرضهم بالانستغرام
وبعد ماجمع ربح 5000
ناويه اشتري طابعه علي القمصان والاكواب
واصير اطبع بالاضافه للتجاره

حسيت الفكره مستهلكه اغلب الي بالانستغرام والنت
يبيعون نفس الشي
كيف اقدر اتميز وابدع بهذا الشي
اني اجيب بضاعه مختلفه غير دارجه كثير ومطلوبه بسعر معقول
هل تشاطروني الرائي ؟

الي حابين يدخلون تجاره مثل كيذا ماعندي مانع نتشارك
افكاركم ومقترحاتكم ماستغني عنها

[/align]

اذا عندك مكان مفتوح كالسطح او الحوش او غرفة فاضية
اشتغلي بتربية الدجاج او الفقاسات
واسال الله لك التوفيق

الله يوفقك ويوفق جميع اخواني واخواتي المسلمين

الله يوفقك ويرزقك من واسع فضله امين يارب
عندي مشروع مارئيك نتشارك فيه هو مشروع الاكتروني
مدام عندك خبره في التصميم وخلافه اذا راق لك موضوع الشراكة
من فضلك راسليني على الخاص

سبيل المثال
للاسف ماعندي سطح واخاف من الحيوانات

الطير الاخضر
ويرزقك ربي من واسع فضله تسلم ع الدعوه

زرقا اليمامه
ماعندي مانع عزيزتي
ياليت انتي تراسليني لان ماقدر ارسل لك مشاركاتي قليل

ليش ماتطلعين فيزا وتعرضين البضايع بالطلب ..
شوفي شي يستهويك وتخصصي فيه
مثل الفساتين
او الشنط
او الشوزات
الميك اب
الالكترونيات

واعرضيها بانستغرام وتويتر بالطلب
يصير يحولولك المبلغ وتطلبيها لهم ..

و أتمنى لك التوفيق ..

اذا عندك مندوب يوصل طلبات

عندي بعض المنتجات يشتغلو فيها الاهل ودخلها لاباس به

باتريسيا
هذا الي ابيه بس ميزانيتي ضعيفه
اعشق الفساتين والاكسسوريز والميك اب

قلبك قدك
للاسف ماعندي مندوب

حمستوني بكلامكم افكر اكثر واشتغل
الله يجزاكم كل خير ويبارك لكم ويرزقكم
افرحتوني بحق

اذا تعرفين تطبخين او تعملين ساندويشات وكذا اشتغلي عن طريق الانستقرام
فيها مكاسب كبيرة واذا على توصيل الطلبية فيه مندوب في كل المناطق يوصل لحد البيت
وايضا اذا تصاميمك على الفوتوشوب حلوه افتحي لك صفحة بالانستقرام و ممكن اكون عميل لك انا

الطبخ ماقدر عليه لان يبي له تفرغ وما اجيده حيل
اعرف للحلويات اضبطها

افكر افتح حساب بالانستغرام للطلب من النت بعموله رمزيه بسيطه
بس محتاجه قبلها يكون عندي فيزا
ارسلي لي بنك او الكيك حقك وانا اصمم لك الي تبغينه عزيزتي
والله يرزق الجميع