09-10-2014, 08:31 AM
|
عضو متواصل
|
|
تاريخ التسجيل: Jun 2014
المشاركات: 48
معدل تقييم المستوى: 21
|
|
اقتباس:
المشاركة الأصلية كتبت بواسطة كاروان
السلام عليكم ورحمة الله وبركاتة
أشكركم كل الشكر على تجاوب بعض اسئلة الشباب , جزاكم الله خير
انا ان شاء الله مقابلتي يوم الأحد قبول مبدئي , وأملي في الله كبير , وبأذن الله يسهل الأمور
لاكن عندي بعض الاسئلة اذا ما عليكم أمر
1 - أحضر معي غير النموذج من الاوراق شي ؟
يعني صورة من البطاقة - صورة من الشهادة .. آلى اخره ؟
2 - كيف مقابلتهم الشخصيه , هل هي اختبار على ورقة , بعدين تدخل المقابلة ام لا ؟
3 - هل يتساهلون مع المقابلات الشخصيه ؟ , مثل بعض الاسئلة تجيك تعجيزيه وما احد يجاوب عليها , يمشونهم ولا كالعادة رفض ؟
4 - اسئلتهم عن الحكام و المناصب , او فيه انواع من الاسئله ؟
5 - ان الله وفقنا جميعا و انقبلنا بالقبول المبدئي . وش الاجرائات اللي بعدها مثل اختبار اللياقه و الفحص الطبي , هل ياخذ وقت او بشكل سريع ينتهون منها ؟
وشكرا لكم مقدما
|
وعليكم السلام ورحمه
بالتوفيق لك وللجميع ان شاء الله
اول شي الاوراق المطلوبه صوره من شهاده وصوره من بطاقة الاحوال وصوره من كرت العائله
مقابله شخصيه سهالات الاسئله وش اسمك وين ساكن وكم رقم هويتك وكم عدد اركان الاسلام واذكر ركن الخامس بعدها اذا عديت يعطيك ورقه فيه موعد فحص طبي واختبار لياقه
وفيه اختبار تحديد مستوى قبل لاتدخل مقابله شخصيه تدخل وتحل بدون ما تكتب اسمك 5 اسئله مدة الاختبار 5 دقايق
بنسبه للاسئله تعجيزيه مافيه اسئله عاديه يشوفون ردت فعلك وسرعتك اهم شي من تدخل مقابله لا تتوتر ولا تتمائل وقفتك وقفت عسكري
الاسئله الي جت باختبار تحديد المستوى
-عرف النقدان
-ماوظيفة كريات الدم البيضاء
- من هو وزير الخارجيه
-ما اسم البحر الاحمر قديما
- اذكر بسطرين ولا تتعدى ثلاثة اسطر سبب التحاقك بالخدمه العسكريه
طبعا الاسئله راح تتغير سوال الاخير جاء للكل انا ما جاوبت الا على ثلاث اسئله 
الاجراءت بعد القبول المبدئي موعد بعد يومين او حسب اليوم الي حددوه لك ان اخذنا يومين بعد اجراءت القبول
ورحنا الفحص الطبي ساعه 6 صباح ينادون بالاسامي توقع وتكتب رقم جوالك وتنتظر لين ينادونك
اشعه اول شي ثم فحص اذن وحنجره وفحص باطنيه فحص جراحه وفحص طب نفسي وفحص العيون واخر شي تحليل دم وبول الله يكرمك ثم تروح خلصنا الفحص طبي ساعه 9 ونص ثم تروح تجنيد بنفس اليوم ساعه 3 ونص اختبار لياقه
تمارين ضغط وتمارين بطن وهروله وتمارين على حسب الي مستلم ان كان حبيب اكثر شي بيعطكم 5 تمارين ضغط وبطن وهروله لفه وحده ثم بعده ترجع الانتظار بنفس المقر يوزع الخطابات والاستمارات وبشرحلكم طريقه كيف تعبي الاستماره اهم شي ركز معه
وان شاء الله فالك القبول النهائي وبالتوفيق
واي اسئله حاضرين
|
العرض العادي
