24-07-2014, 02:46 AM
|
عضو نشيط
|
|
تاريخ التسجيل: Jul 2014
المشاركات: 177
معدل تقييم المستوى: 20
|
|
|
عضو جديد وموضوع هام
[align=center]السلام عليكم ورحمة الله وبركاته
اول اهنيئكم بمناسبة الشهر الفضيل وماتبقى منه واقول لكم كل عام وانتم بخير وعساكم من عواده مقدما واسال الله العلي العظيم في هذي الليالي المباركه ان يتقبل صيامنا وقيامنا ويجعلنا من المقبولين بصراحه اخوكم عضو جديد اتمنى ان اكون ذو ظل خفيف وان افيد واستفيد تشجعت كثير اني اكون احد اعضاء هذا المنتدى الرائع لما التمست فيه من مواضيع مفيده ومالاحظته من تعاون كبير بين الاعضاء مادي اطيل ي الكلام فيصبح الموضوع ممل راح ادخل بالموضوع مباشرة .
طبعا لاحظت خلال الايام الماضية واثناء تصفحي في منتدى المشاريع رغبة الكثير بان يكون لديه مشروع يعود عليه بالنفعويكون مصدر دخل اخر غير الراتب وهذا مايتمناه كل شخص فينا ولاكن المشكله هي في البدايه المشكلة التي تسبق البدايه هي الخوف والتردد من الفشل او الخساره سواء المشروع كان صغير ام كبير موضوعي راحيكون شبيه لبعض المواضيع الي طرحوها الاخوان من قبل واطلعت عليها قبل تسجيي بالمنتدى وكنت ساكتفي باجابات الاعضاء حولها ولكن فضلت ان اطرح موضوعي بطريقتي الخاصه وبالصغة التي اريدها للاسف مشكلة الواحد فينا لمن يتوظف او بمعنى اصح في بداية وظيفته يكون مهتمبالمظاهر الشخصية بعني تلقاه يطلع له سياره بمبلغ وقدره ويكون لاهي عن اي مشاريع تعود عليه بالنفع حيث يكون رد فعل اي شخص لمن تساله تقوله افتح لك مشروع او اشتر لك ارض يقولك باقي بدري عيش حياتك الحين وبعدين خير وللاسف الوقت يمشي والزمن كل ماله يروح وبصراحه انا احد هؤلاء الاشخاص حتى اكون صريح معكم وشفاف انا الان لي 7 سنوات من وقت اللي توظفت وكل شوي من سياره لسياره طبعا هوايه وبنفس الوقت يجيني مكاسب ربح في البعض منها اثناء البيع لاكن صلت لدرجة ان بعض السيارات اللي اشتريها من وقت مااخذها تبا تطلب مني لدرجة ان البعض منها خسرت عليها نص قيمتها واكثر ع العموم انا ولله الحمد راتبي حدود 10000 وبصراحه هذا وانا عزوبي مايسوي شي الايام فكرت اتزوج الان بس لاحظت شي خوفني بشكل فظيع اعرف ناس من زملائي والكثير منهم توجوا وماعندهم مشاريع يعني عايشين عالراتب حالتهم الان يرثى لها لدرجة ان البث منهم مايلقى قوت يومه والا تلقاه يدي زوجته عند اهلها لانه مو قادر يصرف عليها لفترة معينه حتى تتوفر سيوله وياخذ اهله هذا الشي خلاني اجلس مع نفسي جلسه وافكر فيكيف لو كنت بدالهم بصراحه شي مخيف المهم الزبده انا فكرت في اكثر من مشروع واحترت والله لدرجة النوم ماعد صرت انام زين من كثر التفكير انا بطلع قرض بحدود 176000 وابغى مشروع ناجح فكرت في مغسلة ملابس ارتحت لها فتره وخفت منها فكرت في محل عصيرات طازجه وعرايسي واحس كان الله ميسرها لي في يماني كنت اخذ من عنده عرايسي وعصيرات شغلهم جنان وعليهم زحمة فوق الخيال فتحت له الموضوع قالي انا مستعد اشتغل مع وتنقل كفالتي عليك والعماله من عنده طبعا قالي في اثنين قلت اوكيه بالنسبه الرجال تشجع وتحمس وبصراحه عليهم شغل غير طبيعي مااخفيكم ارتحت للمشروع من كل النواحي بس انا حريص كل الحرص ع الموقع هذا اللي هامني ابي شوركم وانا اخوكم في اشياء واجد وهي كالتالي :
1 هل تويدوني على مشروع العصائر والعرايسي ولامانع من طرح مشاريع اخرى .
2- هل العماله اليمنيه مناسبه مع العلم ان هذولي في وجهة نظري محترفين بشغلهم
3- هل اجراءات فتح المحل متعبه من البدايه للنهاية .
4- وش الاجراءات اللي لازم ابدا فيها خطوه خطوه .
5- هل تنصحني اطلع قرض عشان مشروع والا لا .
* للمعلوميه انا لست في اي منطقه من المناطق الرئيسية .
يهمني ريكم يااخوان بانتظار تشرفوني بردودكم .
تقبلوا تحياتي وسامحوني لو اطلت عليكم . [/align]
|
العرض العادي
