اقترح من صاحب الفكرة ان يجعلها شراكه لأكثر من واحد وتكون موثقه بعد ما يتم الاتفاق ، والسبب المشروع يحتاج لرأس مال كبير وكافي لإقامته بنجاح بتوفيق الله ، وانا مستعد للمشاركه ✋ .

اخوي صاحب الموضوع اقترح عليك

تروح الى : باب رزق جميل وتعرض عليهم فكرتك

بالتفصييييل المُمل كم المطلب من راس المال

ونشاطك والمدينه والموقع اللي بتسوي فيه المشروع ووو ... الخ

وان شاء الله هم يدروسون الفكره واذا مناسبه يدعمونك

بس ان شاء الله تكون شروطهم تنطبق عليك

والله يرزقنا وياك وجميع المسلمين

للاسف يا اخوي حسابك لها فيه اشكالات ماحسبتها صح وهذا يدل على انك سمعت بالمشروع من احد الاشخاص واعجبتك الفكره وانت ماعندك خبره بهالامر رعايه الغنم ماهي سهله صعبه ويبغالها متابعه مرتين يوميا صباح ومسا ماتدري العامل يسرق او غيره لازم تراقب وتفصل والعمال مايكفي عامل البهم اللي هم صغار الغنم لازم عامل عشان وقت الرضاعه ويفصلهم وغيرها تعب ياخوك لاتحسبها بع واشتر

السلام عليكم

الغنم فيه أرباح طيبة بعد توفيق الله لكن تحتاج للخبير

وبما إن عندك الخبرة هذي نقطعة مهمة ونجي للتمويل

أنا أقترح يكون فيه 3 إلى 4 شركاء بحيث يتوفر مبلغ مناسب

ومستعد للمشاركة بـ 50 ألف ريال وإذا لقيت البقية تواصل معي

أنا في الرياض يا غالي

والله يوفقك ويسهل أمرك

mhnd96 @ gmail

.........

الله يوفقك في مشروعك

ولكن هناك عدة نقاط

1- الشعير بـ 38
2- مكان الحلال وين بيكون في حوش وهل هو ملك او اجار فكر في حسبتها
3- 150 راس ومعها 50 في ستة اشهر تصير 300 اعد حسبتها
150 كم فحل فيها وكم فيها من مضرع وحايل واسنان الغنم كبار ولا شبب احسبها صح
4- تكلفة المشارب والمعالف ماحسبتها.
5- التحصين والادوية ماحسبتها
6- الوقت الحالي المقاني غالي والبرسيم غالي
7- الإنتاج كم من رخال وطليان
8- اهم شيء العامل تكاليف استقدامه

هذه عدة امور راجع حسابتك فيها والله يوفقك ويرزقك الحلال

موضوع اكثر من رائع