الحلويات انصحك فيه وسويلك كشك بالعويص مدري طيبه ناس تمشي وتشتري او مو كشك تحطين الاكل ع طاوله وتبيعين انا ناويه اسوي كذا ان شاءالله بتوفيق وبعد بالانستقرام

الاستيراد الكل يستطيع الاستيراد بشروط لا مانع من توضيحها بالتفصيل فهي تحتاج للوقت
لكن المشكلة ليست بالاستيراد المشكلة بالتصريف
أنا عندي بضاعه جبتها من الصين حتى الان عندي شواحن وشالات وجرابات ببيعها بسعر مناسب
من أراد بعض التفاصيل ووجهة النظر يرسل خاص ومستعد لإعطائه التفاصيل

رررررفع

اولا يا اختي استخييييري مو استخارة سريعة , لا ! استخيري كذا مرا و بخشوع و قلب حاضر



ثاني شي : اذا شغلك بالتشيز كيك حلو و مرتب و لذييييذ , انصحك تبدين فيه .


بس عليك تتقنين عمله و تفتحين لك صفحة بالانستقرام بإسم مميز , و التصوووير لازم يكون جميل و يجذب الناس


و طبعا توفرين ادوات التغليف و تطبعين لك كروت بإسم محلك و فيه شعارك و سلوقن " كلمتين تشد الزبون " مع كافة معلومات الاتصال بك سواء تويتر , انستقرام , واتساب و تلفون اذا موجود


طبعا قبل تبدين شوفي البنات اللي يعملو حلويات بالانستقرام و شغلهم و اسعااارهم مهمة



ثاني شي بعد ما تزبطين الحلا و تصورينه صور جميلة اعرضيه بالانستقرام و تويتر و اعلننني بالمنتديات و حسابات المشاهير بالانستقرام و سوي تبادل اعلاني مؤقت مع غيرك من البنات .


و طبعا لا تنسي حطي قائمة الاكل مع الاسعار و اذا جاك طلبات سوي



و صح فيه طريقة حلوه للاعلان شوفي بنات من نفس مدينتك عندهم متابعين كثير فوق ال5 الالاف مثلا او ال10 الالاف و ارسلي لهم عينات من شغلك بسعر رمزي و اطلبي منهم يدعمونك بالانستقرام اقصد

كمان ارسلي للمدارس اقصد للمعلمات و خصوووصا ايام حفلات التخرج او المناسبات من شغلك بأسعار كويسه و حطي كرتك اهم شي


//



الله يوفقك

خليكي ع التشيز كيك ودام تقولي طعمه وشكله ماشاء الله.
انصحك تتواصلي مع محلات حلويات وترسلين لهم منها يتذوقونها وتعرضي عليهم تتعاوني معهم وتسويها لهم.
وبما انك بالبدايه تعطيهم سعر مناسب مو غالي. تقدري تشوفي محلات الحلويات كم تبيع التشيز كيك ان ب70ريال ع الصينيه كامله انتي تعطيهم سعرها ب50 لاجل هما يزيدو لهم مثللا 20 ك ربح لهم. ومع الوقت ممكن تزيدي لهم السعر بعد تكسبي تعاونك معهم.
او تشتري قوالب خاصة بالتشيز كيك وتبيعها عليهم بالحبه مثلا ب5ريال.
بالتوفيق يارب

الف شكر للجميع

.


معليش طولت عليك أختي رند
و حلو دامك تتقنين عمل التشيز كيك و الترميسيو.

اللي بقوله لك إن ألحين أغلب الشعب السعودي بالذات ( النساء ) ما تجي أي مناسبة إلا و تحط حلى أو تشيز كيك
حتى بعضهم يتقهوون مع حلى أو جمعة عائلة إلا و تلقين الحلى طبق أساسي
مختصر كلامي فوق إن تجارة الحلى شيء أساسي و الدليل كثرة محلات الحلويات و التشيز كيك .

نصيحتي لك مو تفتحين محل و لا شيء لأن هذي مكلفة عليك خصوصا إنك مبتدئة
أنا أنصحك تطبقين ما قالته أختي نوارية .. ما شاء الله ما خلت لي شيء اكتبه .

أول شيء تختارين لك لقب خاص , و تسوين لك شعار و تصميم على لقبك
يعني خلينا نقول مثلا : تشيز كيك رند .
بعدين تفتحين لك حساب بالانستقرام بنفس اللقب اللي تبين تحطينه لك
أختي و الله الانستقرام أصبح وسيلة سهلة لبيع المنتجات من شتى أنواعها.

بعدين تسوين الأطباق اللي تتقنينها و تصورينها بصور حلوة و جذابة و بطريقة تقديم حلوة
و تنزلينها بحسابك بالانستقرام و تحطين السعر فيها , طبعا السعر حاولي ما تغلينه و أنصحك تشوفين البنات اللي يبيعون بالانستقرام و تحطين حول سعرهم.

و تحطين لك جوال ثاني خاص باستقبال الطلبات , و بعدين نجي لأهم نقطة و اللي هي التسويق
حاولي تروحين للحسابات اللي فيها متابعين كثير و قولي لهم مثلا أبعطيك تشيز كيك من عندي مجرد تعلنين لي , صدقيني بتوافق ع طوول .
أو حاولي تسوين تبادل إعلاني , أو إذا لك قريبات عندهم متابعين يعلنون لك
و كذلك ادخلي حسابات المشاهير و حطي كومنتات عن متجرك و كذا.

ألحين باقي نقطة مهمة جدا و اللي هي لو جاك طلب و اتفقتي معها ع السعر و كل شيء, كيف بتوصلين له الحلى ؟
هنا يجي دور مندوبين التوصيل , مثلا تتفقين لك مع أكثر من مندوب بحيث إذا جاك طلبات تكلمينهم و يوصلون لك
طبعا سعر التوصيل يكون على حساب الزبونة مو ع حسابك , يعني أنتي تبلغين الزبونة إن سعر التوصيل مقابل كذا و كذا
و أنصحك إذا لك أخو عاطل أو فاضي , تخلينه يوصل لك طلبات و سعر التوصيل يكون له
منها إنك تشجعينه ع العمل و يجيه فلوس و منها الفائدة تكون لكم

غالبا أسعار التوصيل بالرياض تتراوح من 30-50 ريال على حسب موقع الزبونة.


بالبداية يمكن يجيك طلب أو طلبين بالاسبوع , بس صدقيني بعدها راح تجيك أكثر من طلب باليوم و يمكن ما تلحقين .

و إذا بغيتي أي استفسار أنا موجود بالخدمة , راسليني بالخاص ومالك إلا اللي يرضيك
و عسى ربي يرزقك من واسع أبوابه

نوارية - احلام للتسويق - نفط خالد

اشكركم من كل قلبي على الاخوة والاهتمام بموضوعي

افكاركم وارئكم اكثر من رائعة

الله ينور دربكم ويرفع درجاتكم في الدنيا و الاخرة