15-05-2015, 02:51 AM
|
عضو متواصل
|
|
تاريخ التسجيل: Oct 2013
المشاركات: 51
معدل تقييم المستوى: 22
|
|
محدثكم من عرعر ( منطقتي مكة المكرمة )
انا ان شالله بعطيكم عصارة المشوار هذا كله في عدة نقاط وبتكلم بواقعية شديدة وأتمنى تدعولي بالذرية الصالحة
قبل كل شئ لا تنتظر احد يتصل عليك روح بنفسك وخلص امورك انتهى الكلام .
1- بالنسبة للخط حاول تريح يوم او اقل في حائل ( استأجرت فندق نظيف جدا ب 130 ريال فقط ) وضروري تمشي في الصباح من حائل الى عرعر ( االخط سيئ ) وامشي على مهلك الدنيا مهي طايرة .
2- اول ما تدخل عرعر تحصل فنادق طبعا كلها متواضعة وغير نظيفة ابدا وما ودك تدفع ريال واحد فيها لكن الشكوى لله تاخذ غرفة يومين او ثلاثة لحد ما تحصل شقة .
3- الفترة هذه طوالي تروح الصباح تراجع الشئون المديرية في عرعر ( تدخل قوقل مابز ) وحاول يكون موجود عندك في الجوال راح يفيدك كثير
4- المديرية موجودة خلف عبداللطيف جميل 4 مباني لاصقة في بعض تروح طوالي الاتصالات الادارية اعطيهم اسمك او رقم الهوية الوطنية اذا صدر قرار تعيينك خلاص يعطوك نسخة منها وتروح لمقر عملك والله يوفقك
اما اذا ما صدر قرار تعيينك تطلع شئون الموظفين وتروح تعطيهم اسمك ويكون اصلاك ملفك قد وصلهم وانت واقف يطبع قرار تعيينك .
5- اللي تعين في عرعر خير وبركة واللي برى عرعر لازم يكون صورة القرار معاك عشان تباشر في المكان اللي تعينت فيه .
6- بالنسبة للشقق والله تعبت مافي شي نظيف ويستاهل سعره ، عندك الاحياء الاتية ( بدنة - المنصورية - الناصرية - الجوهرة ) ممتازة لو حصلت فيها
7- عوائل تحصل ان شالله وسعرها طيب - لكن - عزاب الله يعينكم والله في ناس ما حصلو لكن لو تتفق في مقر عملك مع احد متعين معاك راح تستفيد كثيييير ( الاسعار 1500 الى 1600 ) ما تتعداها ابدا .
8- عرعر مدينة تعتبر صغيرة جدا جدا بالنسبة ( لمكة - جدة ) مافي زحمة ابدا وابعد مشوار ما تتعدى 15 دقيقة بدون مبالغة يعني لو تسكن في اي مكان مشوارك ما ياخذ ربع ساعة لابعد منطقة .
9- بالنسبة للمطاعم ( كناري - قمة ريدان - الخيمة ) في الشارع العام وراح تعرفه طوالي ما في الا هو .
بالنسبة للبنوك ( البلاد - الاهلي - الراجحي - الانماء )
بالنسبة ( الاتصالات السعودية في الشارع العام ) وكمان زين وموبايلي .
10 - مواقع الجوالات وشرايح الخ ( في الشارع الاصفر ) .
11- الجو في النهار الوقت الحالي ( حر وغيم وغبار ) في الليل خراااااافي روعة .
12- الناس بصفة عامة عسسسسسل وكلامهم حلو وخدومين والله مالي الا يومين وانبسطت في عرعر ليش ما ادري امكن عشان مكة وجدة تصرف كثير فيها لكن عرعر انترنت وابلغ العافية 
13- العمل ( شاهي قهوة ضحك وفلة الخ مافي شغل ابدا تكي وانبسط ) والشباب مقدرين الوضع غربة ولخبطة لكن والله ينسوك كل شي الله يسعدهم
14 - حاول تاخذ صورة من قرار التعيين والمباشرة راح تستفيد منها في التسجيل في الهوية الالكترونية تبع الوزارة
( جهز بطاقة احوالك + رخصة القيادة سارية أو جواز سفرك ) عشان تعبي معلوماتك كاملة
راح توصلك رسالة على جوالك باسم المستخدم وكلمة المرور .
15- بعضكم اكيد كان شغال في شركة خاصة ومزنوق ؟ يقدر ياخد تعويض كامل عن الفترة اللي اشتغلها في القطاع الخاص بسبب انك خلاص موظف حكومي اذا حاب موجودة التأمينات الاجتماعية في حي الناصرية .( صورة من قرار التعيين + صورة من اشعار المباشرة + صورة من بطاقة الاحوال واطلب اصدار شيك . 4 ايام وتاخذه )
16- انا حصل لي موقف ومعي اكثر من واحد وظايفنا كانت محجوزة في المديرية وجلسنا يوم واحد وتم حجز الرقم لنا بحكم اننا معينين عن طريق وزارة الخدمة المدنية . ( معلومة ترى الارقام اكثرها محجوزة من عام 1434  )
17- اللي مزعلني انه عرعر عاصمة الحدود الشمالية المفروض تكون فنادقها انظف وارقى والمدنية اكثر تطور ان شالله تطور اكثر في الوقت القريب .
17 - هذه النقاط حبيت اشارككم فيها واي سؤال انا حاضر . اأذكروني بدعوة . واسال الله لي ولكم التوفيق .
|
العرض العادي
