كلامك صحيح فعلاً ..

كلامك عن التسيب والاستهتار والغياب صح وانا معاك فية اتعينت في قرية والغياب زي السلام عليكم للدرجة ان بعضهم ماكملت سنه وغيابها وصل 60 يوم وفيه اكثر كل وحده تدبر عذر مزور بعد ماتدفع حقة واللي يتأذى المعلمة اللي ماتغيب لانها بتمسك حصص انتظار والطالبة لان المنهج يتراكم عليها وتضغطها المعلمة بعد ماترجع ولو مافهموا الطالبات قالت هم اغبياء من غير سب اهل المنطقه مع انه الوزارة ماتجبر احد يشتغل بعيد
فية مشكلة ثانية وهي الاهم الاحتياج كل سنة قليل ولا يغطي النقص اكثر المدرسات اللي اعرفهم في مناطق مختلفة عندهم نقص حتى والمديرة ترفع مايوفرون العدد الكافي بحجة ان المخصصات محدوده مع ان اكبر ميزانية في الدولة هي للتعليم

سلمت يداك ماشاء الله عليك انسانه واعيه وعندك حس عالي بالمسؤوليه ..انتي معلمه مميزه و معدن نادر ..للأسف اغلب قراء الموضوع ما وصلتهم الفكرة الي انتي بتقدمينها وفعلا الي مو قد المسؤولية لا تجازف .. ما ادري الناس كيف تتهاون بالامانه وتقصر في عملها كذب وتزوير كله عشان ايش عشان كم قرش ماراح تنفعها لمن تنسأل من ربها يوم القيامه.. ناس انانيه اهم شيء عندها الماده والباقي طز فيها ما يحزني الا الطالبات المساكين الي بيطلعون من الصف بمستوى متدني عن قريناتهم الي في المدن وكله بسبب اعضاء التدريس المستهترين ..

كلامك صحيح

جزاك الله خير

اولا واضح غيرتك على ابناء منطقتك وحميتك عالطالبات وهذا من طيب معدنك

ثانيا ليش نمسك حالات فردية ونقيس عليها معروف الحزم الشديد عند اكثر المديرات والتزوير ان حصل فهو حاصل حتى بالمدن الكبيرة لكن مايمنع ان الضغط على المغتربات يزيد خصوصا مع بداية التعيين وهذا بالضرورة يأثر على ادائها ومن حقها تاخذ استثنائي ورعاية مولود وامومه دام النظام يسمح لها بهالشي وهي راح تخسر نسبه من راتبها مقابل الاجازه اعتقد هذي حرية شخصية وهنا يجي دور المديرة توفر البديل او ترفع الاحتياج لكن للاسف المديرات هم احد اسباب العطاله يكتفون بالندب والانتداب ويرفعون نصاب الحصص على المعلمات وكأن هالتوفير بالوظايف ينحسب في رصيد اعمالها يوم القيامه

ثالثا وهي نقطة والله حزت بنفسي كثيرررر وهي العنصرية المناطقية لكن ماعتقد انها مقتصره على الجنوب مثل هالظروف ممكن تواجهها الجنوبيه الي تتعين بالشرقيع او القصيم او اي مكان اذن الخلل في ثقافة مجتمع وموروث جاهلي بس مايستدعي منا تأليب على بنات المدن واعتبار هالظاهرة محصوره فيهم

رابعااا الحمدلله انك مو مسؤولة عن احد دام قطع الارزاق بنظرك حق مشروع لمجرد التقصير او خطأ بشري محد يسلم منه مع العلم اني موموظفه ولا اتكلم بلسان الموظفات لكن ليش نحاسب بعض والحساب يوم الحساب عند رب مايظلم ولا يغفل عن شيء سبحانه

ليتك اكتفيتي بالنصيحة بدون التهديد والوعيد والتعميم

ومع ذلك اتمنى لك ولجميع المغتربات نقل سريع وميسر بقرب ذويكم يوفر الاستقرار ويزيد من عطاءكم

والنقل مثل الوظيفه رزق اعرف كثير نقلو من سنه وبعضهم سنتين والترم الثاني نقل داخلي وجنب بيتها الواحد يجتهد والوظيفه الان حاجه وضرورة ونادر من يفرط فيها ومن السذاجة نقول للناس اذا موعاجبك لاتقدمين صدقيني محد ياخذ رزق احد والله تكفل بعباده

يارب يكتب لنا الوظيفة لو على حدود إسرائيل بروح